جیاوازیی نێوان پێداچوونەوەکانی «کچە فۆتۆگرافەری کورد (حۆری غەمیان) لە نێوان هەستی شۆڕشگێڕی و سۆزی هۆزان و وێنەگرتندا»

'''[[حۆری غەمیان]]''' لەوکاتەی ئەم دەقەی نووسیوە وەک خۆی دەیڵێت، شاعیر نەبووە، بەڵکوو تەنیا بۆ مەرگی براکەی ئەمەی گوتووە، ئەویش شەهید ('''[[ئەسعەد غەمیان (هاورێ ئارام)]]''')ە کە لە ناو ڕیزەکانی پێشمەرگەی کۆمەڵە بە (هاورێ ئارام) ناسراو بووە، دوای ئەوەی لەلایەن دوژمنانی کوردستانەوە شەهید دەکرێت حۆری ئەم دەقەی بۆ هۆنیوەتەوە.   

ناو نیشانی دەق:  

کەواتە هەردوو وشەکە (فەرەنجی و کەڵپۆس) بریتیین لە جۆرە شمەکێک لە پێست و تووک و خوری ئاژەڵ دروست دەکرێن، دیارە براکەی حۆریش بەهۆی ئەوەی پێشمەرگە بووە بۆ بەرەنگاربوونەوەیستەم و زۆرداری، لەم دۆخەش لەنێو سەختی شاخ و بەفر ژیاوە، بۆیە دایکی ئەم پێشمەرگەیە دەستەیەک شمەکی تازەی بۆ کوڕەکەی کڕیوە و دەیەوێت بە خوشکەکەیدا بۆی بنێرێت، ئەم خوشکەیشی کە ('''[[حۆری غەمیان]]''' ) خۆیەتی واتە نووسەری دەق، لەو کاتەی بەڕێگەوە دەبێت بۆ لای براکەی، شەڕێک لەنێوان پێشمەرگە و ڕژێم دادەگیرسێ و براکەی شەهید دەبێت، ئەمیش بەم شێوەیە دەیلاوێنێت و بە فەرەنجی پۆش و کەڵپۆس لە کۆڵ بانگی دەکات بۆ ئەوەی بیدۆزیتەوە ئاخۆ جەستەی لەخوێن خوساوی نێو سارد و سەرمای شاخان کەوتۆتە کوێ؟ "بۆ تۆ گەڕاوم دۆڵ بە دۆڵ/ هەرداوەردم کرد دەشت و کۆ / نامە ژێر پێ گەڕام بۆ تۆ" وێناکردنی لۆکێشنی ڕزگاریخواز و شەهیدان لەم دەقە خوێنەر دەخاتە بەردەم ئەو بیرکردنەوەیەی ئەو ئازادییەی ئەمڕۆ فەراهەمە بەرهەمی ڕەنجی وان بەرخودان و شەهیدانە، بۆیە پرسی ناسیۆنالیزمی کوردی لە هیچ بارودۆخێک ناخرێتە ژێر پرسیاری مان و نەمان، تا کورد هەبێت نەتەوەگەری دەمێنێ.  

دواتر دەڵێت:  "لە دارستان لە کانی و ئاو / لە گشت لا تۆم هاتە بەر چاو/ گرتم شوێنی هەنگاوەکەت/ پرسیم سۆراغی چاوەکەت" تێدەگەین غەمیان بە چ شێوازێکی سادە و ساکار توانیویەتی ئاسەواری موشتاقیی خۆی بۆ سۆراخی براکەی بخاتە ڕوو، ئەم سۆز و ڕاستبێژییەی شاعیر دڵی وەرگر واڵا دەکات، دەیبات بەرەو خەیاڵی شیعرەکەی، بەو واتایەی خوێنەر لە کونجێکی تاریکی ژیانیش بێت دەبێتە هاودەمی سۆراغکردن و برینی شاعیر، ئەمە هەر لاواندنەوە و پێداهەڵگوتن نییە، ئەمە پەروەردەکردنی هەستە بە نیشتمان و شۆڕش. هیچ شت هێندەی ئەلف و بێی شیعر رۆناچێتە ناو دڵی دوژمن و شۆڕش گەرم ناکات، ئەوە شیعرە وادەکات قوڕگی هونەر ئاوێزانی ئاواز بکات و دۆست جۆشبدات و  گڕ لە دوژمن بەربدا.