وریا ئەحمەد و فوئاد ئەحمەد و نەجات مەلا جەوهەر

هونەرمەندی میوزیكژەن وریا ئەحمەد لە هەژماری خۆیدا لە فەیسبووك، ژمارەیەك وێنەی هونەرمەند فوئاد ئەحمەدی بڵاوكردەوە، كە سێ رۆژ پێش كۆچكردنی لەلایەن نەجاتی مەلا جەوهەر گیراون.

وریا ئەحمەد لە بارەی وێنەكانەوە نووسیویەتی سێ رۆژ بەر لەوەی كۆچی دوایی بكات، لەگەڵ كاك نەجاتی مەلا جەوهەر بە دەسكە گوڵ و نەستەلەی رۆفاییلۆوە، كە زۆری حەز لێ بوو، چووینە سەردانی فوئاد ئەحمەد، كە لە نەخۆشخانەی شاری ئەپڵ دۆڕن لە هۆڵەندا، لەژێر چاودێری پزیشكاندا بوو.

وریا ئەحمەد هەروەها نووسیویەتی دواجار كە فوئاد ئەحمەدم بەجێهشێت، گوتی خوا دەزانی ئەمجارە لە كوێ یەكتر دەبینینەوە؟

سەرچاوە: بازنیوز