سەرچاوەی ڕەزاق کەریم مۆریاسی ببینە

'''[[دەرسیم پێشەوا]]'''

شەهید ڕەزاق کەریم مۆریاسی بەهۆی عومەر ئاوەکەڵەیی گەیەنرایە سێدارە:

ڕه‌زاق که‌ریم نادر قادر مۆریاسی ناسراو بە ڕەزای نانەوا (1953/ '''[[سلێمانی]]'''/ '''[[سەید سادق]]'''/ سرۆچک/ '''[[بەرزنجە]]'''). ئەندامی ڕێکخستنەکانی '''[[یەکێتیی نیشتمانیی کوردستان]]'''، لە هاوینی ساڵی (1977)دا لە بازگەی عەربەت بەهۆی ناپاکی عومەر قادر حەمە ساڵح ئاوەکەڵە بە دەمانچەوە گیراو دواتر لە ڕێکەوتی (27.11.1977)دا له‌ ژووری سێدارەی زیندانی موسڵ له‌ سێداره‌ دراوه.

هاوسەری شەهید ڕەزای نانەوا، بە ڕێکەوت لە ساڵی (1987)دا چاوی بە عومەری ئاوەکەڵە دەکەوێت و گلەیی ئەوەی لێدەکات بۆ هاوسەرەکەی بەگرت داوەو بۆتە هۆکاری لەسێدارەدانی؟ عەمەر ئاوەکەڵە، بە لەخۆبایی بوون و بەشێوەیەکی گاڵتەجاڕی بە هاوسەری شەهید دەڵێ: (ئەوە نییە کوڕێکت هەیە، هاوسەرت بۆ چیە)؟

عومەر قادر حەمە ساڵح ڕوخزایی ناسراو بە عومەر ئاوەکەڵە (ئاوەکەڵە/ وارماوا/ شارەزوور/ '''[[سلێمانی]]''')، لە ڕۆژی (06.11.1980)دا بە هاوکاری و دەسیسەی بەڕێوەبەری ئەمنی '''[[سلێمانی]]'''، شەهیدی کوردپەروەر و نیشتمانپەروەر شەهید ملازم ستار سەعید خەڵەف ساڵح هەورامی (1950/ هەڵەبجە)، لەناو سلێمانی بەدەستی خۆی شەهیدی کرد. '''[[نەوشیروان مستەفا]]'''، لە لاپەڕەکانی (179-180)ی پەرتووکی (پەنجەکان یەکتری ئەشکێنن)، ئاماژەی بە شەهید کردنی ملازم ستار کردووە کە بەهۆی ناپاکی و بەدەستی عومەر ئاوەکەڵە شەهید کراوە.   

عومەر ئاوەکەڵی ناپاک و کرێگرتەی بەعس و ئەفسەری ئەمن (ضابط أمن)ی پەروەردەی '''[[سلێمانی]]'''، زۆر ئەزیەتی فەرمانبەرانی پەروەردە و مامۆستایانی داوە!

عومەر ئاوەکەڵەی خۆفرۆش و کرێگرتەی بەعس و سەدام، لەدوای ڕاپەڕینی ساڵی (1991)دا لەلایەن پارتی داڵدەدرا، بەڵام ئەوەندەی نەبرد لە ساڵی (1992)دا لەلایەن یەکێتی کوژرا، برایەکیشی بەناوی محەمەد قادر حەمە ساڵح کە فەرماندەیەکی پارتی بوو، لە ڕۆژی (04.05.1994)دا لە لقی چواری پارتی کوژرا.  

بۆ زیاتر دەوڵەمەندکردنی ئەم بابەتە، پێویستیم بەم زانیارییانە هەیە:

یەکەم: ساڵی لەدایکبوونی عومەر ئاوەکەڵە، ڕۆژی بەسزاگەیاندنەکەی، وێنەیەکی ئەو تاوانبارە و هەر تاوانێکی تری لەدژی کەسانی تر کردبێت.

دووەم: وێنەیەکی شەهید ملازم ستار سەعید خەڵەف هەورامی.

'''[[دەرسیم پێشەوا]]'''

دووشەممە (05.02.2024)

دانمارک



[[پۆل:شەهیدان]]