ژیان عەلادین ئەحمەد نوری

مامۆستا ژیان عەلادین ناوی تەواوی ژیان عەلادین ئەحمەد نوری، ساڵی 1942 لە رواندز لە دایکبووە.

باوکی حاکم بووە لەو شارە، جاران دەوام هەردوو ساڵ جارێک لە شوێنێک بووە، قۆناغی سەرەتایی لە قوتابخانەی (مەلیکە عالیە) لە سلێمانی دەستپێکردووەو تا پۆلی سێ لەوێ بووە، بەهۆی گواستنەوەی باوکی، چووەتە قوتابخانەی (خانزاد)ی سەرەتایی لە هەولێر پاشان بۆ کەرکووک.

ساڵی 1960 (فنون منزلی) لە کەرکووک تەواو کردووە، هەمان ساڵ لە قوتابخانەی (بڵێسە) لە سلێمانی بووە بە مامۆستا.

ساڵی 1967 بووەتە یاریدەدەری بەڕێوەبەری قوتابخانەکە،کە مامۆستا (بەدرییە عەلی) بووە.

ساڵی 1967 بووەتە بەڕێوەبەری قوتابخانەی (زانکۆ).

ساڵی 1976 گواستراوەتەوە بۆ قوتابخانەی ( هەڵاڵە)ی سەرەتایی لە هەولێر، دوای دوو ساڵ گەڕاوەتەوە سلێمانی و بۆ باخچەی ساوایانی (سەرچنار).

ساڵی 1980 بووەتە بەڕێوەبەری قوتابخانەی (شلێر) لە سەرچنار. دوای تێکەڵکردنی هەردوو قوتابخانەی شلیر و سەرچنار، بووەتە بەڕێوەبەری قوتابخانەی سەرچناری سەرەتایی.

مامۆستا ژیان عەلادین، دڵسۆزو خەمخۆری پرۆسەی پەروەردەو فێرکردن بووەو بەشداری چەندین خولی بەڕێوەبەرانی لە سلێمانی و بەغداد کردووەو جەندین رێزو سوپاسی پێبەخشراوە.

دوایی 41 ساڵ خزمەتکردن لە ساڵی 2001 خانەنشین بووە.

ئامادەکردنی: نیهایەت مەحمود- رێبوار حەمەوەیس

سەرچاوە: مۆزەخانە و ئەرشیفی پەروەردەی هەولێر