کڵاو کڵاوێنە
یارییەکە لە نۆ کڵاو پێکدێت و لەسەر ڕاخەرێکی یەکپارچەیی لە نێوان دوو گروپدا دادەنرێت، لایەکیان ئەڵقەیەکی گەورە دەشارێتەوە، گروپی دوو بەهەموویانەوە بە دوای ئەو ئەڵقەیەدا دەگەڕێن بۆ دۆزینەوەی، هەر لایەنێک بتوانێت دوو گێمی یارییەکە بباتەوە برایەوە، ئەگەر یەکسان بوون، ئەوە یاری سێیەم براوە دیاریی دەکات. لە هەندێک ناوچەش لەسەر 101 خاڵ یاری دەکرێت
وردەکاریی زۆر لەم یارییەدا هەیە، بۆ نمونە، ئەو کەسەی ئەڵقەکە دەشارێتەوە خۆی سەرپشکە لەسەر ئەوەی ئەڵقەکە لەناو چی کڵاوێکدا دادەنێت، دوای ئەوەی ئەڵقەکەی شاردەوە دەبێت دەستی بخاتە سەر چاوەکانی، بۆ ئەوەی بەرامبەرەکانی لە ڕێگای جوڵەی چاوییەوە نەزانن ئەڵقەکەی لە چی کڵاوێک شاردوەتەوە و بەزووی بیدۆزنەوە .
هەرجارەو ماڵێک بۆ یارییەکە دیاری دەکرێت، ئەو خواردنانەی لەوشەوەدا پێویستە بۆ میوانان ئامادە بکرێت زۆربەی کات مێووژ، باسوق و سجوق، بستە، گوێز و میوەیە.
