پیرۆزبایی باڵیۆزی هیندستان لە بافڵ تاڵەبانی
Jump to navigation
Jump to search
باڵیۆزی هیندستان لە بەغدا پەیامێكی پیرۆزبایی ئاڕاستەی بافڵ جەلال تاڵەبانی دەكات بۆ هەڵبژاردنی بە سەرۆكی یەکێتیی نیشتمانیی کوردستان، تێیدا وێڕای پیرۆزبایی گەرم، ئاماژەی بەوەداوە كە «دڵنیاین لەوەی هەڵبژاردنی سەرۆك بافڵ جەلال تاڵەبانی بە سەرۆكی یەکێتیی نیشتمانیی کوردستان، دەبێتەمایەی بەرەوپێشبردنی پەیوەندیی دۆستانەی نێوان عیراق و هیندستان».
لە بەشێكی دیكەی پەیامەكەدا، باڵیۆزی هیندستان لە بەغدا، تەئكیدیكردۆتەوە لەسەر ئەوەی كە دڵنیان سەرۆك بافڵ جەلال تاڵەبانی سەرۆكی یەکێتیی نیشتمانیی کوردستان، بەردەوام دەبێت لە خزمەتكردنی كۆمەڵانی خەڵكی كوردستان و درێژەپێدەری سیاسەتی حەكیمانەی سەرۆك مام جەلال دەبێت.