جەعفەر عەبدولواحید و خاتوو قانیعەی هاوژینی

جەعفەر عەبدولواحید ئەحمەد و خاتوو قانیعە عەلی یونسی هاوژینی.

شەهید جەعفەر سەرکردەیەکی لێهاتوو دڵسۆزی نەتەوەکەی .

لەدوای هەرەسی شۆڕشی ئەیلولو کاتێک ئەرکە مێژووییەکان رووبەڕووی کۆمەڵە بوونەوە، شەهید جەعفەر رۆڵێکی بەرچاوی هەبوو لە داڕشتنی بڕیاری بەجێو فراوانکردنی دەنگی ناڕەزایی دژ بەسیاسەتە فاشستییەکانی رژێمی بەغدا.

پاش ئاشکرا بوونی ئەڵقە سەرەکییەکانی کۆمەڵە لەلایەن دەزگا جاسوسییەکانی رژێمەوە، شەهید جەعفەر یەکێک بوو لەو هەڤاڵانەی کە فەرمانی گرتنی دەرچوو، بۆیە هاوڕێ لەگەڵ خاڵە شیهابو چەند هەڤاڵێکی تردا بۆ خۆدەربازکردن چوونە ئێران تا لەوێوە بگەنە لای هەڤاڵانی سەرکردایەتی یەکێتیی نیشتمانیی کوردستان لە دەرەوەی عێراق، بەڵام رژێمی شای ئێران دەستگیریکردنو سەرەتای ساڵی 1976 تەسلیمی عێراقی کردنەوە، شەهید جەعفەرو هاوڕێکانی لە زیندانەکانی عێراقدا نموونەی خۆڕاگریی و هەڵوێستبەرزیی بوونو سەروەرییەکی وایان تۆمارکرد کە لە مێژوودا نموونەی کەمە.

ئەم رۆڵە جوامێرەی کۆمەڵە رۆژی 21-11-1976، هاوڕێ لەگەڵ شەهیدان خاڵە شیهاب و ئەنوەر زۆراب دا بێباکانە چوونە بەر پەتی سێدارەو بەخوێنی خۆیان گڕو تینی شۆڕشی دیموکراتخوازی خەڵکی کوردستانیان گەیاندە لووتکە.