لەتیف عومەر
ناوی تەواوی لەتیف شێخ عومەر حاجی شێخ محێدین
لە 01-05-1957 لە گەرەکی گوێژەی شاری سلێمانی لە دایکبووە.
قۆناغەکانی خوێندنی هەر لە شاری سلێمانی تەواو کردووە.
خولیا:
لەسەرەتای حەفتاکانی سەدەی ڕابردووەوە خولییای شانۆ و نوسینی شانۆگەری بووە لەو ساڵانەدا کە لە هەڕەتی لاوێتی بووە چەنین شانۆیی نوسیوە زوربەیان خۆی کاری دەرهێنای تێداکردووە.
لەگەڵ چەند هونەرمەندێکی ناوداری کورد و ئەدیبان کاری کردووە وەك: هونەرمەند ئازاد جەلال ، کەریم عوسمان، ڕەزا حەمە، ئازادی حەمەی سەید ئیبراهیم. لە دوو شانۆیی هونەرمەندی باڵای ئەوسەردمە غازی بامەڕنی کاری نواندنی کردووە.
لەتیف عومەر خاوەن پتر لە 14 چاپکراوە ساڵانە بەرهەم و شیعری چاپکراو یان توێژینەوەیی زانستی و ئەدەبی بڵاودەکاتەوە ، وە گرنگی یەکی زۆر دەدات بە پرسە مرۆڤایەتی یەکان و خاك و نیشتیمان لە چوار چێوەی کۆمەڵەی کوردی موردایك وە لەگەڵ کۆمەڵە و سەندیکا هۆڵەندی یەکان و کوردی یەکان ، بێگومان چەندین کۆڕو کۆبونەوەی لە ووڵاتانی ئەڵمانیا و سوئیدو بەریتانیا و بەلجیکا و کوردستان پێشکەش کردووە.
.jpg)
چاپکراوەکان
- دیوانی بەرچنە لە ساڵی 1999.
- گوڵەگەنم ساڵی 1991 چاپی یەکەم ساڵی2002 چاپی دوهەم نوسەروچیرۆک نوس کاک فوئد حەمە ئەمین سەڕاج پێشەکی بۆ نوسیوە.
- داماوەکان ساڵی 1990چاپی یەکەم ساڵی2002 چاپی دوهەم.
- ڕەهێڵە ساڵی 1990
- کانی خوێن و ئاشقانی شار 1988 تایبەت بەمەرگەساتی هەڵەبجە.
- جڵەوی ڕێیانێک چاپی یەکەم ساڵی 1991چاپی دووەم 2002 نوسەر شاعیرو ڕۆژنامەنوس خوالێخۆشبوو ئازاد مەحمود پێشەکی بۆ نوسیوە.
- پانۆرامای شیعری بەناوی لەبەرزەوە ڕەو ئەبینم ساڵی 1988 لە ڕاستییا ئەم پانورامای شعرییە لە زۆربەی شارەکانی هۆڵندا کۆڕی بۆگیراوەو خوێندراوەتەوە جگە لەوڵاتانی وەک بەریتانیا ،سوید ئەڵمانیا پێشکەشکراوە ، کاریگەری ئەم قەسیدە پانۆرامایە وای کرد لە ساڵی 1993 کردومەت فلیمێکی تەلەفیزیۆنی بەشداری گەلێ لە هونەرمەندانی کورد و هۆڵندی فلیمەکە بە هەردوو زمانی کوردی و هۆڵندی دروستکراوە.
- دیوانی تابوورەکان ساڵێ2011 لە هەولێر چاپکراوە.
- پانۆرامای شیعری بەناوی سەرشەقام ساڵی2013 چاپکراوە نوسەر و شاعییر کاک حەمە جەزا بەرزنجی پێشەکی بۆ نوسیوە.
- پانۆراماشیعری بەناوی کوردستان لە بیرمەکەن لەساڵی 2017 چاپکراوە نوسەرو ڕۆشەنبیر هیوا سەرهەنگ پێشەکی بۆ نوسیوە.
- چیرۆکی هەردی و بەردیل ساڵی 1989 تابەتە بۆ مناڵان.
- چیرۆکی نێرگز بە ئۆپەرێت بۆ مناڵان بە زمانی کوردیو هۆڵندی پێشکەکراوە لە ساڵی 1990 لە هۆڵندا.
- دوا بەرهەمی شیعری پانۆرامای یاخی بوون لە چاوەڕوانێ ساڵی 2021 لەژێر چاپدایە پرۆفیسۆر بەهاتی حەسیب قەرەداغی پێشەکی بۆ نوسیوە .
- شایانی وتنیشە ئێستە زیاتر لە32 چیرۆک بۆمناڵان و 10 بەرهەمی شیعرم ئامادەیە بۆ چاپ.
- لەنوسن و بڵاوکرادوەی شیعر لە زوربەی ڕۆژنامەو گۆفارەکان بڵاو کراوەی هەیە لەوڵات یا لە ئەوروپا
- ئەم بەرهەمانەیشی بەزمانی هۆندی بڵاو کراونەتەوە بە چاپی گەیاندووە وەک:+
- Tarwebloem گوڵەگەنم شیعر
- Kusje van de ziel ماچێک لەڕۆحەوە شیعر
- Waar zijn mjin bostenمەمکەکانم لە کوێن شانۆیی
- لە ڕاستییا ئەم شانۆییە لە ساڵی 2009 لە ڤیستیڤاڵی یناریۆی ڕۆتەردام بە پلەی یەکەم دەڕچو لە نێو 24 سیناریۆدا.
بابەتە پەیوەستکراوەکان