پچووک بوونی تاڵەبانی و گەورەبوونی هەڵۆکانی شاخ
نووسینی: کامەران ئیسحاق پەری
سەرنجی یەکەم:
پێداگری لەسەرجێهێشتنی لاهور شێخ جەنگی بۆ دەرەوەی کوردستان لەلایەن پافڵ تاڵەبانی خۆی لەخۆیدا هەڵگری چەند ئاماژەیەکە گرنگترینیان بارگاوی بوونی ئەو تۆمەتانەی ئاراستەی لاهوری شێخ جەنگی کراون یان دوورن لەراستی یان هاندانی هەڵهاتنی تاوانبارانە لەیاسا ، بەهەردوو دیوەکەدا لاهوری شێخ جەنگی براوەیە .
ئەگەرتۆمەتبارە و سکاڵای یاسایی لەسەرە تا رۆژی دادگایکردن و یەکلابونەوەی سکاڵاکان بەقازانجی بێتاوانی یان پشتراستتکردنی تۆمەتەکان.
پێویستە کەسی تاوانبار کوردستان جێ نەهێڵێت رێگەی سەفەرکردنی لێ بگیرێت نەک پێچەوانەکەی هانبدرێت کە لەدەست یاسا هەڵبێت ... و کۆی داواکارییەکان لەبازنەی جێهێشتن و نەهێشتنی کوردستان بخولێتەوە ...مەگەر قسەلەسەرسەروەری یاسا نیە! .
بەم پێیە هەموو ئەو ئێدیعایانە پوچەڵ دەبنەوە کەئێستا لەئارادان .... لاهوری شێخ جەنگی زیرەکانە مامەڵە لەگەڵ ئەودۆخە دەکات.
چونکە پاڤڵ تاڵەبانی دەبوایە پێداگری لەسەر سەروەری یاسا بکردایە و لاهوری شێخ جەنگی بکردایەتە نمونەیەک بۆ ئیدیعای چاکسازێکانی.... ئەو بەرەو ئەوەی دەیبات بیکاتە بەپاڵەوان... پێگەی جەماوەرییەکەی بەهێزدەکات..
کاتی خۆی سەردەمی تاڵەبانی باوک لە کەیسی دانا ئەحمەد مەجید ، مام جەلال هەموو هەوڵی ئەوەبوو دانای ئەحمەد مەجید بدات بەدادگا و تەنها یەک سەعات لەئاسایس بمێنێتەوە، نەک بەپچەوانە.
سەرنجی دووەم:
هەیبەت دان بە هەڵۆکانی شاخ کۆنە مەکتەب سیاسی یەکێتی سەردەمی تاڵەبانی باوک ... پبچوکردنەوەی شان و شەوکەت و هەیبەتی کەسی یەکەمی حیزبە ... زۆرینەی کۆنە مەکتەب
سیاسی یەکان بە کۆسرەت رەسوڵیش ، لەئاست بریارەکانی تاڵەبانی نەک هەر نەیان وێراوە جێبەجێی نەکەن بگرە توشی سزاش هاتون لە وەک خۆی جێبەجێ نەکردنی...
مام جلال تاپێش دورکەوتنەوەی لەکوردستان و سەرقاڵبوون بە بەغداد . کام مەکتەب سیاسی خۆێ زۆر بە شت بزانیایە بەتڕۆو تەرفیعێک دایدەنیشاند .
مل خستنە بەردەم چەڤۆی بریاری سەرکردایەتی یەکێتێ لەلایەن شێخ جەنگی و تاڵەبانی بۆ مەکتەب سیاسی لەئێستادا چەندێک سودمەندبێت بۆ یەکلایکردنەوەی کێشەکانی نێوانیان لەئایندەدا دوو هێندە زیان بەخش دەبێت .
سەرکردایەتی بۆی بلوێت شێخ جەنگی سڕ بکات ، دەسەڵاتەکانی لێوەربگرێت... رێگە خۆش دەبێت بۆناوهێنانی تاڵەبانی کوڕ لەهەرکاتێک کە هەست بکەن لەگەڵ خواستی بەرژەوەندییە ئابوورییەکانیان
بەریەککەوتن هەیە.... بیرمان بێت زیاتر لە 30 ساڵی وێست تا نەوشیروان مستەفا و هاوەڵەکانی کۆسرەت رەسوڵ و عومەری سەید عەلی نامەیەکیان ئاراستەی مام جەلال کرد تێدا داوای رادەستکردنی
دەسەڵاتەکانی لێکرابوو هەربەڕێی بەغدا هێشتا نامەکە بۆ مام جەلال نەخوێندرابۆوە کۆسرەت ڕەسوڵ ، سەید عومەر لێی دەرچوون و نەوشیروان مستەفا بەتەنها مایەوە...
ئەوە مام جەلال بوو بەئەزموونی پەنجاساڵەی خۆی دەیتوانی ڕوبەرویان بێتەوە . پرسیارەکە ئەوەیە بەم کەم ئەزموونەی تاڵەبانی کوڕو نەبوونی شەرعیەتی شاخ لەئاست هەژموون و زۆر ئەزمونی کۆنەمەکتەبییاسی و شاگردەکانی تاڵەبانی باوک ئایندەی پاڤڵ تاڵەبانی لە لاهورشێخ جەنگی باشتر دەبێت؟!
سەرنجی سێهەم
ڕێبازی مام جەلال لەناوخۆی حیزبەکە ناتوانن کارپێبکەن دەیانەوێت خەڵک لەدەرەوەی یەکێتی شایەتمان پێبهێنێن بە رێبازی مام .
ئاززم یەکێک لەخاڵە بەهێزەکانی مانەوەی مام جەلال تا کۆتایی بەسکرتێری، ناکۆکی و دانو پێکەوە نەکۆڵانی مەکتەب سیاسی بوو.
ئەو بلیمەت بوو لەقۆستنی هەلی ناکۆکی یەکان بەقازانجی خۆی و ئاشتکردنەوەیان لەژێر باڵی خۆی. ...بە ئیزافەی مەکتەبی سیاسی واهەبووە لەدەرەوە گونی گونداری دەرئەهێنا لەئاستبا نگردنی مام جەلال بۆی نەیزانیوە چۆن بەپێوە بوەستێت .