کوردیپیدیا لە خەونەوە بۆ خەنە! (به‌شى چواره‌‌م)
کوردیپیدیا لە خەونەوە بۆ خەنە! (به‌شى چواره‌‌م)
بێدەنگی و بێهه‌ڵوێستى هاوکاران چى ده‌گه‌يه‌نێت؟
ئه‌وه‌ى چاوه‌ڕێم نه‌ده‌كرد ئه‌وه‌بوو كه هاوكارانى كورديپيديا وه‌ڵامى نووسراوى يه‌كه‌م و دووه‌ميشم نه‌ده‌نه‌وه! ئه‌مه بۆ من زۆر جێى پرسيار بوو! چۆن مرۆڤ كارى ڕێكخراو بكات و له ئاست به‌رپرسيارێتى و جێبه‌جێكردنى ماف و ئه‌ركدا شه‌رمن بێت! بۆيه دڵنيابووم له‌وه‌ى جگه له پشتگيريكردنيان له‌و دۆخه نا ئاسايى و ناياساييه‌‌ى كه له كورديپيديادا ده‌گوزه‌رێت، هيچ لێكدانه‌وه‌يه‌كى ترى بۆ نييه.
مرۆڤ چۆن گومان ناكات ناوى ڕێكخراوت له‌خۆت نابێت و كه‌س مافى ئه‌وه‌ى نه‌بێت بپرسێت:
ئه‌رێ براده‌ر چۆنه تا ئێستا حسابى بانكيت نييه؟!
چاودێرى داريى و فه‌رمانگه‌ى ڕێكخراوه ناحوكومييه‌كان ئه‌ى ئێوه چۆن به‌دواداچوون و قسه‌يه‌كتان نييه؟!
تۆماره‌كانى كورديپيديا كوان و له كوێن كه مه‌رجى سه‌ره‌تايى بوونى هه‌ر ڕێكخراوێكه، كێ ده‌زانێت ناوه‌رۆكي ئه‌و نووسراوانه چييه و بۆ له كێوه بۆ كوێيه؟!
ئه‌ى باشه كۆبوونه‌وه بۆ ناكرێت و كێ هاوكار داده‌نێت و كێ بڕيارى لێسه‌ندنه‌وه‌ى ئه‌ندامێتى ده‌دات؟!
نه‌خێر با هه‌ر ئه‌وه بڵێين چۆن هاوكارێك وه‌رده‌گرن كه ته‌مه‌نى هێشتا نه‌بووه به هه‌ژده ساڵ؟!
پرسيار له دواى پرسيار و گومان له‌دواى گومان شتى ترت بير ده‌هێنێته‌وه...
جارێكيان سه‌رۆك هاوڕێ فه‌رمووى (ژماره‌ى سه‌ردانكه‌رانى كورديپيديا زياتر ده‌بێت) چۆن و بۆچى... نه‌زانرا، دواتر ده‌ركه‌وت كه ئه‌و ماسته بێ موو نييه و سروشتى نييه.
ئاماری سەردانەکانى کوردیپیدیا له ساڵی ٢٠١٤ بريتى بووه له ٦٩٧ هەزار سەردان.
ساڵی ٢٠١٥ بوو بە یەک ملیۆن و ٥٥ هەزار، ئەوەش بە ئەرک و ماندوبوونی من کە ڕۆژانە بە سەدان پۆستم شێر و بڵا ده‌كرده‌وه.
ماوه‌يه‌كى پێ چوو سەیری سەردانەکانی کورديپیدیام کرد، ژماره‌يه‌كى خه‌ياڵيم به‌رچاو كه‌وت! ڕۆژی واهەبوو ٢٠٠ هەزار سەردانمان هەبووە! بوو بە پرسیار لە لام کە تا ئیستاش وەڵامەکەی نادياره! ئاخر چۆن لە سلێمانی تەنیا ٩٠٠ کەس سەردانی ماڵپه‌ڕی کردووە! لە هەولێر تەنیا ٦٥٠ به‌ڵام له ڕوسیا ١٦٠ هەزار جار ماڵپەری کوردیپیدیا کراوەتەوە!! ئەڵێم باخه‌وان ئه‌م هه‌موو ميوه‌يه چييه ئه‌م دارانه گرتوونى! دەڵێت: وەڵڵاهى نازانم، ڕەنگە خوێندکارە کوردەکانی ڕوسیا بن.
لە دوای ئەوە کە ماڵپەری کوردیپیدیا زۆرترین بابەتەکانی بە ئەلفوبێى ئارامی و شێوەزای کوردی ناوه‌ڕاست (سۆرانی) تۆمار کراوە، پێويسته زۆرترین سەردانەکانی لە هەرێمی کوردستانەوە بێت نەک وڵاتانی تر، هەر بۆ نموونە ئەو ساڵە له (چین)وە یەک میلۆن و ٣٥٠ هەزار سەردانی کوردیپیدیای کرابوو! تۆ بڵێى چينييه‌كان خۆيان فێرى كوردى ناوه‌ڕاست كردبێت؟! له ڕوسياوه شه‌ش ملیۆن و ٩٠٣ هەزار سەردانی کوردیپیدياى كردبوو؟! تۆبڵێی ڕوسەکان کوردی بزانن و لێمانى بشارنه‌وه؟! له‌كاتێكدا وڵاتێکی وەک سوید کە زۆرترین کوردی تێدا دەژی بەتایبەت کوردانی باشوور و ڕۆژهەڵات هەموو سەردانەکانیان بەدرێژایی دروستبوونی کوردیپیدیا ته‌نيا ٣٤١ هەزار سەردان بووە؟! ئەوەش دوای ئەوە بوو كه به‌نده لە گروپە کوردی – سویدیه‌كاندا لینکەکانی کوردیپیدیام شیر کرد.
بێدەنگی هاوکاران له ئاست ئه‌م هه‌موو بابه‌تانه‌دا كه پرسيار و گومانيان له خودى خۆشيان له‌لا دروست كردم؟! كه ڕه‌نگه ئاگادارى ئه‌و نووسين و داواكارييانه‌ى من نه‌بن -ئه‌گه‌رچى دڵنياش بووم له‌وه‌ى نووسراوه‌كانيان بينيوه- بۆيه له ڕێگه‌ى جياوازى تره‌وه، تەلەفۆن، نامە و مەسجم په‌يوه‌نديم پێيانه كرد، ديسانه‌وه بێ وه‌ڵام بوون، ته‌نانه‌ت دواى سێ به‌ش له نووسينى (كورديپيديا له خه‌ونه‌وه بۆ خه‌نه) هيچ هه‌ڵوێستێك يان كۆمێنتێكيشيان نه‌بووه؟!
لێكدانه‌وه بۆ ئه‌م بابه‌ته له دوو ئه‌گه‌ر زياتر نييه، يان وابه‌سته‌ى گوێڕايه‌ڵى و ژێرده‌سته‌يى سه‌رۆك باخه‌وانيان پێ خۆشه، يان به‌شوێن به‌رژه‌وه‌ندى تايبه‌تى و ژێربه‌ژێر و نادياره‌وه‌ن.
مرۆڤ كاتێك ئاوڕ له ڕابردوو ده‌داته‌وه، ده‌بينێت زۆر شتى به‌سه‌ردا تێپه‌ڕيوه و هه‌ستى پێ نه‌كردوون، جا له‌به‌ر هه‌ر هۆيه‌ك بووبێت، هاوڕێيه‌تى و دڵسۆزى بووبێت يان ساويلكه‌يى و نائاگايى... به‌ڵام كاتێك كه‌سێك دێت و شته‌كانت بۆ ڕوون ده‌كاته‌وه، له‌به‌رده‌م چه‌ندين گومان و پرسياردا ڕاتده‌گرێت كه هيچيان وه‌ڵاميان نادرێته‌وه، ئيتر نابێت كوێرانه شوێن كه‌سێك و ڕێكخراوێك بكه‌ويت كه له ئامانج و په‌يڕه‌وى ناوخۆكه‌ى لايدا وه و ئاراسته‌يه‌كى ترى هه‌يه و هه‌موو شته‌كانى له‌ژێر عاباى كه‌سێكدا شاردبێته‌وه؟!
ئێستا بير ده‌كه‌مه‌وه كه چۆن كه‌ناڵى ڕووداو زیاتر لە دوو مانگ، شوێنى مانه‌وه و شوقە و ئۆتۆمبیل و تکتى فڕۆكه بۆ كه‌سێك دابين ده‌كات تا له نووسينى كتێبێكدا به‌شدارى بكات؟! له‌كاتێكدا ده‌يان نووسه‌ر و لێكۆڵه‌رى باش له‌م هه‌رێمه له چاوه‌ڕوانى چاپكردنى كتێبه‌كانياندا نازانن په‌نا بۆ كوێ به‌رن؟!
لێره‌دا جێى خۆيه‌تى كه به ڕێزه‌وه ناوى هاوكار و هاوڕێم جوان عومەر ئەحمەد بێنم كه هه‌ڵوێستى خۆى نواند و به ئاشكرا ده‌نگى هه‌ڵبڕى كه پێويسته پرسيار و داواكارييه‌كانى مانو به‌رزنجى وه‌ڵام بدرێته‌وه، كاتێك گوێيان له داواكارى ئه‌ويش نه‌گرت، بڕيارى دا كه ده‌ست له‌كار بكێشێته‌وه.
له‌به‌ر هه‌موو ئه‌وانه‌ى كه خستمنه ڕوو و هه‌‌روه‌كو له نووسراوى دووه‌مدا ئاگادارم كردبوونه‌وه، سه‌ره‌ڕاى مێژووى چه‌ند ساڵه‌ى كاركردنم له كورديپيديا و بوونى مافى ئاماده‌كردن و تۆماركردنى بيست هه‌زار بابه‌ت – كه تا ئێستاش بۆم نه‌گه‌ڕاوه‌ته‌وه و سه‌رۆك به بێ خواستى ئاماده‌كه‌ره‌كه‌ى مانوو به‌رزنجی كردووه به م.ب - بەهەفتەیەک بەر لە دەستلەکارکیشانەوەم تەواوی بابەت و ئەکاوەنتمی باند و بلۆک کرد بۆیە له ڕۆژى ٦/٥/٢٠٢١ بڕيارى ده‌ستله‌كاركێشانه‌وه‌م پێشكه‌ش كردن.
ئەگەرچی له پێشتريشدا هاوکارمان نالیا ئیبراهیم و بەشێوەیەک لە شێوەکان دەستی له پۆست و جارێکی تریش لە کار کێشاوەتەوە و وازى هێناوه، بەڵام سه‌رۆك هێشتا دڵى نه‌رمه به‌رانبه‌رى و له كورديپيديا به چالاك هێشتويه‌تيه‌وه؟!