شێخ محەمەدی دێرێ و مەربێن قەدیش
مەزارێک بۆ دوو ئایین
لەدووری سێ کیلۆمەتر لە شاری کۆیە مەزارێک هەیە، کە جێگای باوەڕی خەڵکانی هەردوو ئایینی مەسیحی و مسوڵمانەکانە، پەیڕەوکارانی هەردوو ئایینەکە ئه و مەزارە بەپیرۆز دەزانن و رۆژانە سەردانی مەزارەکە دەکەن، تەنیا یەک شت ئه و مەزارە لای موسڵمانەکان و مەسیحییەکان جیادەکاتەوە، ئەویش ناوی مەزارەکەیە، چونکە لای موسڵمانەکان بە شێخ محەمەدی دێرێ و لای مەسیحییەکانیش بە مەربێن قەدیشە ناودەبرێ.
مێژوویەکی نەناسراوو باوەڕێکی بەردەوام
ئەگەرچی بەتەواوی روون نییە کە کەسی ناو ئه و مەزارە لەکام سەردەمدا ژیاوه و لەسەر پەیڕەوی کام ئایینی ئاسمانیی بووە، بەلام هێندەی زانراوە، زۆر لەمێژە ئه و مەزارە هەبووه و خانووی لەسەر دروستکراوه و دانیشتوانی سنورەکە بەپیرۆزییەوە تێیان روانیوه و سەردانیان کردووه و دوعاو مرازخوازیان لێکردووه و هەرچەند موسڵمان و مەسیحییەکان ئه و مەزارە بە هی خۆیان دەزانن، بەلام هەرگیز رۆژێک نەبۆتە گرفت لەنێوان باوەڕدارانی ئه و دوو ئایینه و قەتیش هیچ لایان لەسەردانکردن و مرازخواستنی ئه و پیاوچاکە ساردنەبوونەتەوە.
شالاوی ئەنفال ئه و مەزارەشی گرتەوە
هەم بەهۆی ئەوەی هەڵکەوتەی ئه و مەزارە لەلایەک لەشاری کۆیە نزیکه و بەدووری سێ کیلۆمەتر کەوتۆتە رۆژئاوای کۆیە و بناری چیای باواجی و لەلایەکی تریش نزیک رێگای کۆیە-هەولێره و زۆرجار پێشمەرگە بۆ چالاکی له و شوێنەدا دابەزیوون.
ئه و مەزارە لەکاتی شالاوەکانی ئەنفالدا وەک هەر شوێنێکی مێژویی ناوچەکانی کوردستان دەستی رەشی بەعسی گەیشتە مازارەکه و تەقێنرایەوە.
قەشە دەنحا تۆما، قەشەی کۆیه و هەرمۆتە، ئاماژە بەوەدەکات: لەشالاوەکانی ئەنفالی چوارداو لەبەهاری 1988دا سوپای عیراق هاوکات لەگەڵ تەختکردنی سەرجەم گوندو ئاوەدانییەکان و ئەنفالکردنی دانیشتوانی ناوچەکە، ئه و مەزارەشی تەقاندەوە، بەلام دوای راپەڕین قۆناغ بەقۆناغ مەزارەکە چاککرایەوه و سەرەتاش دەستەیەک لەپیاوانی مەسیحی پارەیان کۆکردەوه و بەشێوەیەکی سادە خانووەکەیان دروستکردەوە، پاشان لەقۆناغی دووەمدا بەهاوکاری مام جەلال و بەبەشداری ئیداری قەزای کۆیە چەند بەشێکی لەبەر هەیوان و پەیژه و سەوزایی و رێگاو شوێنی وەستانی ئۆتۆمبێل بۆ زیادکرا.
رۆژێک بۆ مەربێنە قەدیشە دانرا
دوای تەواوبوونی قۆناغی دووەم، پیاوانی ئایینی مەسیحی لەمەتران و قەشەکان بڕیاریاندا هەموو ساڵێک یەکەم رۆژی هەینی دوای جەژنی هەڵسانەوە بکرێتە رۆژی مەربێنە قەدیشه و تەواوی مەسیحییەکانی کوردستان و شارەکانی تری عیراقیش سەردانی ئه و مەزارە بکەن و مەراسیمی ئایینی تێدابکەن و سەیران و گەشتی تێدابکەن.
بڕی یەک ملیار دینار بۆ خەرجکرا
لەقۆناغێکی تری فراوانکردن و جوانکاری مەزارەکە حکومەتی هەرێم بڕی یەک ملیار دیناری بۆ ئه و مەبەستە دابینکرد، مامۆستا پەترۆس، سەرپەرشتیاری فراوانکردن و جوانکاری پرۆژەکە : ئەمجارە هەوڵمانداوە کاری زۆرو بەرچاو لەمەزارەکەدا بکەین و ماوەی زیاتر لە دووساڵە بەشێوەیەکی بەردەوام کاری تێدادەکەین و بەشێکمان لەوەی پێشوو هەڵوەشاندەوه و ئێستا مەزارەکە بریتییە لەدێڕی سەر مەزار، گۆڕەپانی قوداس، سەکۆی مەتران و قەشه و شەمامشە راهیبەکان، دوو پارکی سەوزایی، یاریگایەکی مندالان، گەراجی ئۆتۆمبێل، سێ چەتری کۆنکرێتی خێزانی، چەند ژوورێکی مانەوەی خێزان، چەند فوارەیەکی ئاوپرژێن و چەند دیمەنێکی جوانکاری هونەریی و پەیکەرەکانی هونەرمەند زیرەک میرە.
سەرچاوە: ماڵپەڕی کۆیە