عەبدوڵڵا حەمە ساڵح

عەبدوڵڵا حەمە ساڵح موسی کە ناسراوە بە (خاڵە عەبە) یان (عەبەی تەمە)

ساڵی 1950 له شارى سلێمانی له گەرەکی سابونکەران لەدایکبووە ، خاڵە عەبە ڕەوڕەوەی ژیانی لەگەڵ باجییەكەی و باوكی بەسەر ئەبات ، پورە تەمین زۆر بەجوانی و بەوپەری دڵسۆزی خاڵە عەبە گەورە دەکات هیچ جیاوازیەک ناکات لەگەڵ مناڵەکانیدا بگرە ئەوەندە دڵسۆز دەبێت بۆی وەلەخۆشەویستی باوەژنی بۆ خاڵە عەبە دەبێتە نازناو و لەناو گەرەک و خەڵکدا بە (عەبەی تەمە )بانگ دەکرێت.

هەرچەندە دایکی خۆی ناوی رەعنا بووە.

لە سەرەتای گەنجیەوە لەیەکەم کاری هونەری لە ساڵی 1970 لەگەڵ تیپی هاورێیانی گەزیزە له تەمسیلی (چەم بێ چەقەڵ نابێ ) و (بوکە بەبارانێ )لە بەغدا بۆ تە لەفزیۆن تۆماریانکردوە وە پاشان لەگەڵ سەرجەم ئەندامانی تیپەکە چونەتە ناو کۆمەلی هونەری وێژەی کوردی، پاشتر لەدوای دامەزراندنی تیپی پێشرەو دەچێتە ناو ئەو تیپەو دەبێتە ئەندام بەشدار دەبێت لەهەردوو تەمسیلی (لانەوازان )لە کاراکتەری جەلالە فەنی و (لەخولە چەخماخەدا) دەوری یونسە فەنی کە دوو شاکارن کە م کورد هەیە دێر بەدێڕی ئەو دوو تەمسیلیە لەبەر نە بێت ئەوەندە بەچێژو خۆشیەوە رۆچونەتە ناو هزرو دەروونمانەوە..

وە بە بەردەوامی بەشداربووە لەزۆربەی کارەکانی شانۆی پێشڕەوداهەرچەندە لەناوەراستی ساڵی هەشتاکاندا دەچێتە شاخ لەپاش ئەوەی لەرێكخستنەكانی ناو شار ئاشکرا دەبێت بۆ بەردەوام بوونی خەبات کردن هەرچەندەلەشاخ بووە، بەلام هەر لەکاری هونەری دانەبراوە و لە شاری سەقزی رۆژهەڵاتی کوردستان شانۆگەری (کۆتری سپی) پێشکەش دەکەن لەگەڵ چەند هاوڕێیەكیدا دوا بەدوای گەرانەو لە دوای ڕاپەرین سەرلەنۆی لە زۆربەی کارە هونەریەکان بەشداری دەبێت و ئامادەیی هەبوو بۆ ماوەی چەند ساڵێک لە بەرنامەکانی (کەشکۆڵ) و زۆربەی هەرە زۆری بەرنامەی بەرنامە بەشداری دەکات جگە لە چەندین شانۆگەری و زنجیرە دراماو کاری هونەری تر وە دوا دراماش لە ساڵی 2016 درامای( پرۆفیشاڵ) و وە دوا شانۆگەریش وەک کاری هونەری شانۆگەری لەسێبەری کەرێکدا لەگەڵ هاوڕێیانی بۆ بەرێوەبەرایەتی رۆشنبیری سلێمانی پێشکەش دەکات.

خاڵە عەبە تا ئەم ساتە لەكاری ھونەری دانەبڕاوەو بەردەوام لە ھەوڵی خزمەتكردنی ھونەرەكەی بووە.