سەرچاوەی کەژاڵ نەسری سزای پێنج ساڵ زیندانیكردنی به‌سه‌ر سه‌پێنرا ببینە

کەژاڵ نەسری، چالاکی مەدەنی و دانیشتوی گوندی تەنگی سەر سەر بە شاری سنە کە مانگی (تشرینی دوەم/11)ی ساڵی 2021 ده‌ستبه‌سه‌كرا و دواتر به‌ بارمه‌ته‌ ئازادكرا، لەلایەن دەزگای دادوەریی کۆماری ئیسلامیی ئێرانەوە سزای پێنج ساڵ زیندانیكردنی بەسەردا سه‌پێنرا.

بەگوێرەی ڕاپۆرتێكی رێکخراوی مافی مرۆڤی هەنگاو، ئەو سزایە لەلایەن لقی یەکەمی دادگای شۆڕشی سنە بە سەرۆکایەتی دادوەر حوسێن سەعیدی و بە تۆمەتی هاوکاری و ئەندامەتی حزبی دیموکراتی کوردستانی ئێران بە سەر ناوبراودا سه‌پێنراوه‌ و لە ڕۆژانی ڕابردودا بە فەرمی پێی ڕاگەیەندراوە.

کەژاڵ نەسری، چالاکی مەدەنی و فەرهەنگی دانیشتوی گوندی تەنگی سەری سنە ڕۆژی (تشرینی دوەم/11)ی 2021 لەلایەن هێزەکانی ئیدارەی ئیتلاعاتی سنە و بەبێ پیشاندانی هیچ جۆرە بەڵگەیەکی یاسایی دەستبەسەركرا، دوای مانگێك به‌ بارمته‌ی 100 ملیۆن تەمەن ئازادكرا.

هەنگاو پێشتر ڕایگەیاندبو، کە کەژاڵ نەسری لە ماوەی ئەو ڕۆژانەی کە دەستبەسەر بوە لە مافی چاوپێکەوتن لەگەڵ بنەماڵە، هەبونی پارێزەر و ڕاوێژی یاسایی بێبەش بوە.

رێکخراوی مافی مرۆڤی هەنگاو ده‌ڵێت، کەژاڵ نەسری لە ساڵانی ڕابردودا چەندین جار بانگی ئیدارەی ئیتلاعاتی سنە کراوە و بۆ ماوەی چەندین کاتژمێر لێپێچینەوەی لەگەڵ کراوە.

سەرچاوە: خەندان


[[پۆل:مافەکانی مرۆڤ]]