سەرچاوەی دەوڵەتی ئیسلامی لە ئێراق و شام - داعش ببینە

[[پەڕگە:140703.jpg|وێنۆک]]
رێکخستنی دەوڵەتی ئیسلامی لە ئێراق و شام (تنظيم الدولة الإسلامية في العراق والشام) کورکراوەتەوە بۆ داعش. 

بریتیە لە رێکخراوێکی چەکداری سەر بە هزری سەلەفی و جیهادی، ئامانجیان گێڕانەوەی خەلافەتی ئیسلامی و جێبەجێکاری شەرئعەتی ئیسلامە. ئەندامەکانی بەشێوەیەکی سەرەکی لە ئێراق و شام پەرت بونە، هەروەها لە دەوڵەتی دیکەشدا بوونیان هەیە وەکو باشوری یەمەن و لیبیا و سۆماڵ و باکۆری رۆژهەڵاتی نایجیریاو پاکستان. 

'''ئەبو بەکر بەغدادی سەرۆکی رێکخراوەکەیە.'''
[[پەڕگە:0005 (1)44.jpg|وێنۆک|ڕاست]]

داعش توانیوتەی سودمەند بێت لە تۆڕەکانی پەیوەندی کۆمەڵایەتی و بە ڤیدیۆی سەربڕینی خەڵکی ناسراوە، چ خەڵکی سڤیل یان سەربازی و کارمەندانی فریاگوزاری رێکخراوەکان، هەروەها بە خاپورو وێرانکردنی شوێنەوارو کۆنینەکانیش ناسراوە.

نەتەوە یەکگرتوەکان داعش تۆمەتبار دەکات بە پێشێلکاری مافەکانی مرۆڤ و تاوانی جەنگ. 

هەروەها رێکخراوی ئەمنستی ئینتەرناسیوناڵ داعش بە جینۆسایدی کوردانی ئێزدی لە باشوری کوردستان تاوانبار دەکات.

لایەنە ئاینیەکان بەشێوەیەکی فراوان ناڕەزاییان دەربڕیوە سەبارەت بە هزرو کردەوەی داعش گوایە رێکخراوەکە لە راستەڕێی ئیسلام لایداوەو کردەوەکانی رەنگدانەوەی بەهاکانی ئیسلامی (هەق) نیە.

نەتەوە یەکگرتوەکان داعشی لە لیستی رێکخراوە تیرۆریستەکان تۆمار کردوە. هەروەها یەکێتی ئەوروپاو ولاتانی ئەندامی، ویلایەتە یەکگرتوەکانی ئەمەریکاو هیندو ئیندونیسیاو ئیسرائیل و تورکیاو ئێران و ولاتی دیکەش. هەروەها پتر لە 60 دەوڵەت بە شێوازی راستەوخۆو ناڕاستەوخۆ بەشداری دەکەن لە پرۆسەی سەربازی لە دژی داعش.

رێکخراوی داعش، لە ریکخراوی قاعیدەوە دەرکەوتوە لە ئێڕاق کە ئەبو موسعیب ئەلزەرقاوی لە 2004 بناخەی بۆ داناوەو دایمەزراندوە لەپاش پرۆسەی ئازادکردنی ئێراق لە 2003 و ئەمیش بەشداری کردوە لە کاری سەربازی لە دژی هێزەکانی هاوپەیمانان لە نێوان 2003 تا 2011، ئەمیش بە پشتیوانی گروپە چەکدارەکانی دیکەی سونە مەزهەب وەکو مەجلیسی شورای موجاهیدین کە رێگەخۆشکەر بوە دامەزراندنی داعش لەوپەری هێزیدا. 

هەروەها دەگوترێت کە هێزو توانای بەرجەستەی هەیە لە پارێزگاکانی ئێراق وەکو ئەنبار و نەینەواو تەنانەت کەرکوک و بە زۆرینە لە تکریت و بەشێک لە بابل و بەغداو باقوبەش وەکو پایتەخت بونیان هەیە.
لەتەک هەمو هەمو ئەمانەدا هەوڵەکانی داعش بۆ کۆنتڕۆڵکردنی شوێنی تازە بەرتەکی توندی هەبوە لە لایەن خەڵکەوە و ئەمیش بوە بە هۆکاری لاوازیان.

بیرۆکەی دابەشکردنی ئێراق بۆ سێ دەوڵەت، کوردستان و دەوڵەتی شیعەو دەوڵەتی سونە پێش پرۆسەی ئازادکردنی ئێراق لەلایەن ئەمریکاوە بوەو لەکاتی شەڕی ناوخۆی ئێڕاق بوە. ئەم بیرۆکەیە بە توندی لە لایەن سەرۆکی ئەنجومەنی زانایانی موسڵمانای ئێڕاق حارث الضاری دژایەتی کراوە. 

لە کۆتایی 2006 ئەنجومەنی شورای موجاهیدین (کە قاعیدەشی تیایە) بریاری دامەزراندنی دەوڵەتی سونی لە ئێراق دەدەن بە ناوی دەوڵەتی ئیسلامی لە ئێراق.
لەسەرەتای 2014 وەو بەسەرکردایەتی ئەبو بەکر بەغدادی، داعش بە شێوەیەکی بەرچاو بەربڵاو بوەوەو لە پارێزگاکانی سوریا هێزی پەیدا کرد وەکو رەققەو ئەدلەب و دەیر ئەلزورو حەلەب ئەمیش پاش شەڕی ناوخۆی سوریا.
بەڵام ئەم کشانە راوەستا پاش هاوپەیمانی دژایەتی داعش کە دەوڵەتی عەرەبی و موسڵمان و بیانیشی تێدابوە لەوانە سعودیەو ئێران. 

لە نێوان ئابی 2014 و نیسانی 2015 داعش 25% تا 30% ی هێزەکانی خۆی دۆڕاندوە لەو شوێنانەی لە ئێراقدا لەژێر دەستی بون لە کۆتای دیسەمبەری 2013 1 سەرەتاکانی 2014 وە تا دۆڕاندنی لە 2017.

ئامانجی سەرەکی داعش ئەوە بوە دەولەتی خەلافەت دامەزرینێت لە شوینەکانی زۆرینەی سونی لە ئێراق و پاشان ئامانجەکەی خۆی فراوانتر کردوە بەوەی لەسوریاش چوەتە جەنگەوەو لە 2014 دەوڵەتی خەلافەتیان راگەیاندوەو ئەبو بەکر بەغدادی بە خەلیفە ناونراوەو ناوی خۆیان گۆڕیوە بۆ دەوڵەتی ئیسلامی.

لە 29-06-2017 سەرۆک وەزیرانی ئێڕاق کۆتایی داعشی راگەیاندوە.

سەرچاوە:ئەڤین ئیبراهیم فەتاح
[[پۆل: هەمەجۆرە]]