سەرچاوەی نامەکەی ئەحمەد شوکری (دکتۆر شۆ) بۆ شێخ مەحمودی حەفید ببینە

[[پەڕگە:124937.jpg|وێنۆک]]
ئامادەکردنی: '''[[رێبوار حەمەتۆفیق محەمەد]]'''

هەرچی (شێخ) بوو، جێی متمانە نییە؟!

شێخی قەرەداغی، هەمیشە پاشبەندی نازناوی پیاوچاکان بووە، بەڵام لەم بەڵگەنامە شیعرییەدا (کە بۆ یەکەمجارە بڵاودەبێتەوە)، پێچەوانەکەی ڕاستە؟! 
بەپێی دەستخەتێکی شادڕەوان ئەحمەد شوکری (دکتۆر شۆ)ی شاعیر و قسەخۆشی شاری '''[[سلێمانی]]'''، کە مێژووەکەی بۆ ساڵی 1948 دەگەڕێتەوە، '''[[شێخ مەحموود حەفید]]''' لە (داری کەلی)ییەوە داوا لە دکتۆر شۆ دەکات تا لە قەرەداغەوە هەندێک دەرمانی بۆ بنێرێت، ئەویش دەرمانەکە بە کەسێکدا کە ناوی (شێخ مستەفا قەرەداغی مودەریس) بووە، بۆ شێخ مەحموود دەنێرێت، بەڵام دیارە لەبەر هەر هۆیەک بێت نەیگەیاندووەن بۆیە دیسانەوە دکتۆر شۆ دەرمانی تری بۆ ئامادە دەکاتەوە و ئەم هۆنراوەیەشی لەگەڵدا بۆ دەنێرێت:

ئەم هەدییە و نووسراوەی من بە بۆ داری کەلی

بۆ جەنابی شێخ دڵسووتاو لەبۆ بەرزی گەلی

پاش عەرزی ئیحترامات و دوعای سەرکەوتنی

پێی بڵێن ویستی کەخۆی بێت، گرتیان هەرچوارپەلی

مەنعیان کرد و نەیانهێشت وا ئەمانەی ناردووە

بۆ ئەوانەی دەوروپشتت بیلخسوس کوێر و شەلی

گەر مەجالی بێت و بێڵن خۆشی دێ

چاوەڕێی فرسەت ئەکا کەی هەڵکەوێ، بۆی بێ هەلێ

پێی بڵێن: مەدح و سەنات پێناوێ هێندەت کافییە

تۆ لە نوتفەی زاتی پاکی فەخری عالەم بی و عەلی

وا لە دنیاشا بە ڕوو سووری ژیاوی سەد شوکور

بۆ نموونەی ئاخیرت دنیایە پێت ناڵێ وەلی

دای بەشێخ مەردەلووخ نەیهانی وا وای پێ ئەڵێ

شێخی دوو ڕوو ئابڕووچوو ڕەبی چاو بووسوتێنێ

چڵکن وپڵکن سپی وەککولکن مل داچەماو

قاچ و قول پیس دەس کڕێشاو داڕزاوە چوارپەلی

قسەی وی لایقە ڕۆڵەی نەجیبی نانەجیب

تف لە باڵای چوت و چڵی بێ لەگەڵ چاوی قەلی

هەرچی پێ وتراوە وەسفی حاڵە بۆی بێزیاد و کەم

ئەم دەم پل خاوە لایەق بوو بە شوانی گاگەلی

[[پۆل:به‌ڵگه‌نامه‌]]