محەمەد قەدری

محه‌مه‌د غه‌ریب محه‌مه‌د قه‌دری عه‌بدو‌لقادرئاغا، ناسراو بە ( محه‌مه‌د قه‌دری).

له‌بنه‌ڕه‌تدا باوك و باپیری خه‌ڵكی شاری سلێمانی نین و له‌گه‌ڕه‌كی سابونكه‌ران ژیاون، باوكی ( غه‌ریب محه‌مه‌د قه‌دری) له‌ ساڵی 1888 له‌شاری سلێمانی له‌دایكبووه‌

ماوه‌ی (77) ساڵ ژیاوه‌ واته‌ له‌ساڵی ( 1965) له‌شاری به‌غدا كۆچی دوایی كردووه‌، باوكی به‌هۆی ژیان و پیشه‌كه‌یه‌وه‌ زۆر شوێن گه‌ڕاوه‌ و كاری كردووه‌، له‌كۆلیژی سه‌ربازی ئه‌ستانه‌( ئه‌سته‌نبوڵ) ی ئێستا و دواتر له‌به‌غدا و پاشان سلێمانی و پێنجوێن و پاشان هه‌ولێر و له‌به‌غدا كۆچی دوایی كردوه‌.

دایكی ناوی ( زولێخا شاكر) ئه‌ویش له‌بنه‌ڕه‌تدا خه‌ڵكی شاری كه‌ركووك بووه‌،

باوكی له‌سه‌ره‌تادا مامۆستای سه‌ره‌تایی بووه‌، گواستراوه‌ته‌وه‌ بۆ شارۆچكه‌ی پێنجوێن

محەمەد قەدری له‌ ساڵی1937 له‌وشارۆچكه‌ جوانه‌ی كوردستان له‌دایكبووە.

ناوبراو خاوه‌نی چوار برا بووە بە ناوه‌كانی ( محه‌مه‌د،حسێن، عه‌بدوڵڵا و عه‌بدولڕه‌حمان) وه‌ یه‌ك خوشك به‌ناوی ( نه‌زیره‌).

هونه‌رمه‌ند محه‌مه‌د قه‌دری...

ساڵی 1956 له‌په‌یمانگای هونه‌ره‌جوانه‌كان به‌شی مۆسیقا وه‌رگیراوە ، سه‌ره‌تا له‌سه‌ر ئامێری ( پیانۆ)له‌لایه‌ن لیژنه‌كه‌یه‌وه‌ تاقییان کردۆتەوە، وه‌رگیراوە و پرسیاری ئه‌وه‌یان لێكردوە حه‌زت له‌چ ئامێرێكه‌ ، ئەویش لەوەڵامدا دەڵیت: ئامێری ( عوود).

یه‌كێك له‌هاوڕێكانی هونه‌رمه‌ند ( یه‌حیا مه‌رجان) بووە ئه‌و له‌به‌شی شێوه‌كاری بوو محەمەد قەدری له‌ بەشی مۆسیقا، ساڵی ( 1958 بۆ 1959) ‌ خوێندنی په‌یمانگا بۆ ماوه‌ی سێ ساڵ بووە، محەمەد قەدری پله‌ی یه‌كه‌می له‌سه‌رئاستی په‌یمانگا به‌ده‌ستهێناوە.

له‌ ساڵی (1960) وه‌ك مامۆستای هونه‌ر له‌ قوتابخانه‌ی ( موسه‌ننا) له‌ گه‌ڕه‌كی ( ئه‌عزه‌مییه‌) دامه‌زروە ، ماوه‌ی ساڵێك له‌و قوتابخانه‌یه‌ مامۆستا بووە، له‌ ساڵی (1961) ڕاژه‌كه‌یان گواسته‌وه‌ بۆ به‌ڕێوه‌به‌رایه‌تی چالاكی قوتابخانه‌كان له‌به‌غدا ، ماوه‌یه‌ك ده‌وامی كردوە له‌وێ و پاشان به‌شداری خولێكی ڕاهێنان دەکات، سه‌ركه‌وتوو دەبێت تیدا و ناونیشانه‌كه‌ی دەگۆڕدێت بۆ ( سه‌رپه‌رشتیاریی په‌روه‌رده‌یی)