جەمال شارباژێڕی

ناوی تەواوی جەمال ئەمین عارفە و ناسراوە بە مامۆستا جەمال شارباژێڕی و لە 16-10-1941 لە گوندی واژەی سەر بە قەزای شارباژێڕ لەدایكبووە.

لە ساڵی 2000وە لە لەندەن دەژی و لە شارۆچکەی چوارتاش پەیکەرێکی ڕێزلێنانی بۆ درووستکراوە.

لە کۆتایی 60ەکانی سەدەی ڕابردوو دەستی بە نووسینی شیعر کردووە و خاوەنی سەدان شیعرە، هاوڕێی نزیکی مامۆستا شێرکۆ بێکەس، حسێن عارف، جەلالی میرزا كەریم بووە و سەرەتاکانی نووسین و بەشێک لە قۆناغەکانیان پێکەوە تێپەڕاندووە.

خاوەنی چەند دیوانێکە، لە ملوانکەی هەزاردەنکەی شارباژێڕ گەشتێکت پێ دەکات بەناو جوانییەکانی شارباژێڕدا،سروشتی جوانی و ژیانی پاك و بێگەردی لادێ كاریگەرییەكی زۆری لەسەر هۆنراوەكانی جەمال شارباژێڕی هەبوە، وەك لە (ئەلبومی یادگار) و هەروەها لە (ملوانكەی هەزار دەنكەی شارباژێڕ) دیارە.

یەكێكە لەو شاعیرانەی كە لە ساڵی 1970 لەگەڵ شێرکۆ بێکەس، حسێن عارف، جەلال میرزا کەریم، كاكە مام بۆتانی، بەیاننامەی ڕوانگەیان ڕاگەیاند.

ڕۆژی دووشەممە ڕێکەوتی10-07-2023 بەهۆی نەخۆشییەوە لە لەندەنی پایتەختی بەریتانیا کۆچی دوایی کرد.

كۆمەڵێك بەرهەمی چاپكراوی هەیە،

هەندێك لە بەرهەمە چاپكراوەكانی

• کسپە و سۆز/ساڵی چاپ 1959
• بەستەی مەبەست/ساڵی چاپ 1960
• پارچەیەک لە جگەرم/ساڵی چاپ 1968
• فرمێسکی نهینی/ساڵی چاپ 1969
• لە ئەلبوومی یادگارا/ساڵی چاپ 1983
• ژوانگەی هەژان و ژان/ساڵی چاپ 1998
• خەم و خۆزگە و فرمیسک/ساڵی چاپ 2011
• لە ناخەوە/ساڵی چاپ 2011
• زریانێک و داستانێک و دیوانێک/ساڵی چاپ 2011
• گوڵ وەنەوشەکان/ساڵی چاپ 2011
• ملوانکەی هەزار دەنکەی شارباژێڕ/ساڵی چاپ 1985

بابەتە پەیوەستکراوەکان.

• ئەلبومێکی نوێ
• بەستەی مەبەست
• پارچەیەک لە جگەرم
• کەمال ئەسعەد و جەمال شارباژێڕی ساڵی 1971
• جەمال شارباژێڕی و عەبدوڵڵا عەباس
• پاشەڕۆک
• پیرۆز و دایکم و ست هەڵاڵە
• پەری نامە
• خەم و خۆزگە
• زریانێک و داستانێک و دیوانێک
• فرمێسکی نهێنی
• گوڵ وەنەوشەکان
• لە ناخەوە
• ملوانکەی هەزاردەنکەی شارباژێڕ
• کۆشیعری جەمال شارباژێڕی؛ بەرگی 01
• کۆشیعری جەمال شارباژێڕی؛ بەرگی 02
• جەمال شارباژێڕی و عەبدوڵڵا پەشێو ساڵی 2000