خالید مەجید فەرەج

ساڵی 1956 لە شاری سلێمانی گەڕەکی کانێسکان لەدایکبووە خوێندنی سەرەتایی لە قوتانخانەی مەولەوی و ناوەندی لە کانێسکان و ئامادەیی لە هەڵکەوت بووە دواتر بۆ خوێندن چووەتە بەغدا و لە کۆلێژی یاسا و ڕامیاری بەشی یاسای تەواوکردووە.

ماوەیەک لە دادگای سلێمانی وەکوو فەرمانبەرێکی داد کاری کردووە و لە دوای ڕاپەڕین وازی هێناوە و بووەتە پارێزەر و لە دەستەی دامەزرێنەرانی یەکێتی مافپەروەرانی کوردستانە.

خالید مەجید، یەکێکە لەو نوسەر و وەرگێڕانەی چەندان بەرهەمی لە زمانی شیرینی کوردییەوە وەرگێڕاوەتە سەر زمانی عەرەبی و هەروەها بە پێچەوانەشەوە.

ئەمە بێ لەوەی کاری لە ڕاگەیاندنیشدا کردووە و ئەگەر بە هەڵەشدا نەچووبم، لەدوای ڕاپەڕینەکەی ساڵی 1991ەوە بەردەوام بۆ نزیکەی 3 ساڵ بەرنامەیەکی گرنگی پێشکەش دەکرد بە ناوی "یاسا و کۆمەڵ" ئەم بەرنامەیە خاوەنی بینەرێکی زۆر بوو.

خالید لە وتارەکانیدا، زیاتر بایەخ دەدات بە هزر و موزیک و ئەدەب.

وێڕای هەموو ئەم کارە جوان و بەپێزانەی خالید مەجید دەیانکات، کتێبێکی تەنز ئامێزیشی هەیە بە ناوی "پیاوە ناماقوڵەکان."

لەبیریشم نەچێت ئەم نوسەر و وەرگێڕەشمان خاوەنی شیعری جوانیشە و سەرنجی خوێنەرانی شیعر و هەروەهاش هونەرمەندانی موزیسیان و گۆرانیبێژانیشی بەلای خۆیدا ڕاکێشاوە و چەندان شیعری ئەم نوسەرەمانیان کردۆتە گۆرانی.

بابەتە پەیوەستکراوەکان

• بزمارەکان
• پیاوە ناماقوڵەکان
• جەلال تاڵەبانی کام ئایندە و کام دیموکراسی، مافی خەونیش بە گەلێک ڕەوا نابینێت
• حیزبی هاشمی و دامەزراندنی دەوڵەتی ئیسلامی
• حەلاج، ئیبن ڕوشد، حافزی شیرازی
• عێراق- ئێران هۆکار و ڕەهەندەکانی ململانێکە
• عەلی شەریعەتی ئاوا دوا
• هەڵەکانی الحصري
• جەلال تاڵەبانی کوردستان و بزاڤی نەتەوەیی کورد
• البعد الفكری للفيدرالية و تطبيقاتها