ئارام تیگران

ئارام تیگران Aramê Dîkran، ناوی سەرەکی ئارام مێلیکیان بە ئارام دیکرانیش ناسراوە .

بەیەکێک لە باشترین گۆرانیبێژەکانی کوردی دادەنرێت.

ئارام لە ١٩٣٤ لە شاری قامیشلۆ لە دایک بووە، بنەچەی خێزانەکەیان ئەرمەنی و خەڵکی ئامەد بوون.

کاتێک تەمەنی شەش ساڵان بووە لەلایەن مام یان خاڵییەوە یەکەم ئامێری مۆسیقی پێدراوە، ئامێرەکەش عوود بوو.

لە ساڵی ١٩٥٣ یەکەم کۆنسێرتی بۆ خەڵک کرد، ئەمەش لە بۆنەی نەورۆزدا بوو.

کاتێک تەمەنی گەیشتە ٢٠ ساڵان، ئەوا بە چوار زمان گۆرانی دەگووت ئەوانیش کوردی، ئەرمەنی، عەرەبی و زمانی سریانی. لە ساڵی ١٩٦٦، لە سەردەمی یەکێتیی سۆڤیەت چووەتە یەریڤان، ئەرمینیا و لەوێ بۆ ماوەی هەژدە ساڵان لە ڕادیۆی یەریڤان کاری کردووە.

لە ساڵی ١٩٩٥، یەریڤانی جێهێشت بەرەو ئەتینا. لە ژیانی هونەریدا، ئارام ٢٣٠ گۆرانی بە کوردی، ١٥٠ گۆرانی بە عەرەبی، ١٠ گۆرانی بە سوریانی و ٨ گۆرانی بە گریکی تۆمارکردووە.

ئارام تیگران زۆرتر لە ٣٠ ساڵ کاری مۆسیقای کردووە و ٢٣٠ گۆرانی بە زمانی کوردی، ١٥٠ بە زمانی عەرەبی و ١٠ سریانی و ٨ گۆرانیی بە یۆنانی تۆمار کردووە.

هونەرمەند لە 08-08-2009 بە نەخۆشیی شێرپەنجە کۆچی دوایی کرد.