تەڵعەت تاهیر

ناوی تەواوی تەڵعەت تاهیر خورشیدە لە 18-01-1973 لە شارۆچکەی مەخمور، سەر بە پارێزگای هەولێر لە دایکبووە.

لە کۆتاییەکانی هەشتاکان دەستی بە نووسینی شیعر کردووە. ماوەیەک جێگری سەرۆکی بنکەی ڕووناکبیری گەلاوێژ بووە.

گۆرانیبێژی کورد، زیاد ئەسعەد بەشێک لە گۆرانییەکانی لە هۆنراوەکانی تەڵعەت تاهیرەوە وەرگیراون.

• لە ساڵی 1985 خوێندنی سەرەتایی لە خوێندنگای قەرەچوغ لە مەخمور تەواو کردووە.
• لە ساڵی 1988 خوێندنی ناوەندی لە خوێندنگای ئیبن خەلەکان تەواو کردووە.
• لە ساڵی 1991 خوێندنی ئامادەیی لە دواناوەندی عەنکاوە تەواو کردووە.
• لە ساڵی 1986 یەکەمین تێکستی شیعری بەناونیشانی (ساباتی خۆشەویستی) لە ڕۆژنامەی هاوکاری بڵاوکردۆتەوە.
• لە ڕۆژی 12-10-2002 ژیانی هاوسەری پێکهێناوە و (2) کچی هەیە بەناوەکانی (هانە و وێنە).
• یەکەم شیعری لە1986 بە ناونیشانی ساباتی خۆشەویستی لە ڕۆژنامەی هاوکاری بڵاوکردووەتەوە.
• ئەندامی دەستەی نووسەرانی چەندین گۆڤار و پاشکۆی ئەدەبی بووە.
• ئەندامی یەکێتی نووسەرانی کورد.
• ئەندامی سەندیکای ڕۆژنامەنووسانی کوردستان.
• جێگری سەرۆکی بنکەی ڕووناکبیری گەلاوێژ.
• چەندین وتار و لێکۆڵینەوەی لەبارەی ئەدەبیاتی کوردی و جیهانییەوە بڵاوکردووەتەوە.

بەرهەمەکانی

• لەبەر ئاوازێک نایەوێ ببێتە گۆرانی، شیعر، 2009.
• بنەچەی سەوسەن، وەرگێڕانی شیعری ئەدۆنیس، 2010.
• ئارام بە هاملێت، شێتی ئۆفیلیا هەڵمژە، وەرگێڕانی شیعری ئەدۆنیس،2012.
• عەتری ئەو عاشقانەی مردن، وەرگێڕانی شیعر، کۆڕبەندی شیعرەکانی شاعیری عەرەب ئەدۆنیس، 2016.
• دەرچوون لە سووڕی نووسین، وتار و لێکۆڵینەوەی ئەدەبی، 2018.
• ناوی تۆ ئیمزای منە
• ئەو گوڵەگەنمانەی بوونە گسک