ڕەشید زەکی کابان

کوڕی مەعروف کابانی عەزیز مێرگە (مەرگە)ی لە نەوەکانی خدر بەگی مەرگەییە و ساڵی 1878 لە سلێمانی لەدایک بووە.

لە قوتابخانەی ڕوشدییەی عەسکەریی سلێمانی و ئەعدادی عەسکەریی بەغدا خوێندویەتی، ساڵی 1897مەکتەبی حەربییەی ئەستەمبوڵی تەواو کردووه و، بووە بە مولازمی دووەم لە ئەندازەی (ئیستیحکام)دا سەرەتا کراوە بە مامۆستا لە ئەعدادی عەسکەری بەغداوتا (1910) پلەکەی گەیشتۆتە یووزباشی(نەقیب).

پاشتر بوو بە ئامر لیوای (مونتەفیک)و ساڵی (1913) لە شەڕێکی خێڵە عەرەبەکانی ئەو ناوەدا، بریندار کراوه و هاتۆتەوە بۆ سلێمانی.

کراوە بە بەڕێوەبەری قوتابخانەی ڕوشدییەی عەسکەری، بە هەڵگیرسانی یەکەم جەنگی جیهانی پلەی قول ئاغاسی(ڕائید)ی پێ بەخشراو بووە بەقوماندانی ناوچەی ئاڵتون کۆپری(پردێ)ئه و ماوەیەبە ئەندام لە (جەمعییەتی ئیتیحادوتەرەقی)وەرگیراوه و، دواتر وازی لێهێناوە کۆتایی (1918) پەیوەندی بەیەکەم حکومەتی کوردستانەوە کردووە لە 19 ی مارتی1919بەدواوە لەگەڵ سەییدئەحمەدبەرزنجی(مەرەخەسدا)دا بونەتە نوێنەری کوردستانی جنوبی، تامەزبەتەی پشتگیری بگەیەننە دەست شەریف پاشای خەندان لە پاریس.

دوای شەڕی دەربەندی بازیان لەشاری بەیرووت گیراون و هێنراونەتەوە بۆ موسڵ، ڕەشید کابان حوکمی دوو ساڵ دەسبەسەری لەناو موسڵدا بۆ بڕاوەتەوە 01-07-1920 بووە بەبەڕێوەبەری قوتابخانەی سەرەتایی(نمونەی سەعادەت) لەدووەم حکومەتی کوردستاندا کراوە بە موعەلیمی ئەوەلی قوتابخانەی ڕوشدییەی قادرییه و بەڵام نەیکردووە، لە 1923بە وەکالەت بەڕێوەبەری قوتابخانەی ئەعدادی بووە کەدانراوە بە مامۆستای ڕیازییات دەستی لێکێشاوەتەوە لەساڵی 1924 بەدوایشەوە بەڕێوەبەری قوتابخانەکانی کفری و هەلێرو سلێمانی بووە، لە 23مایسی 1930دا بە ئەندامی هەیئەتی ئیداری (جەمعییەتی زانستی کوردان)هەڵبژێردراوە ساڵی 1934 بووە بە بەڕێوەبەری مەعاریفی سلێمانی و لەساڵی 1939 خانەنشینکراوە، ڕۆژی 13-08-1940 کۆچی دوایی کردووە.

سەرچاوە: عومەر مارف بەرزنجی