موجتەبا میرزادە

ئامادەکردنی: مامۆستا عەلی عابدی

ساڵی 1945 لە شاری کرماشان لە دایک بووە و تا کلاسی پێنجی سەرەتایی لە شاری ئیلام ژیاوە و سەرەتایی کاری مووزیکی هەر له و شارە دەست پێکردووە.

وەکی میرزادە بۆ خۆی دەڵێ : ئه و یەکەم کەس بووە کە لە شاری ئیلام غیرەتی مناڵان و گەنجانی شکاندووە بۆ ئەوەی مامۆسیقا بژەنێ. مامۆستا مۆجتەبا میرزادە هەر لە سەرەتای مناڵیەوە بە کەڵک وەرگرتن لە کەرەسەی دەوروبەری وەک کاسه و کەوچک و دواتریش بە کەڵک وەرگرتن لە ئامێری فلووت و سەنتوور بە بێ مامۆستا توانی مووزیکێکی سەرتایی فێربێت.

لە کلاسی شەشمی سەرەتایی لەگەڵ بنەماڵەکەی دەگەرێتەوە کرماشان. باوکی ناوبراو بە هۆی سەیی بوونیەوە رازی نە بوو کە کورەکەی وەدوای کاری مووزیک کەوێ بەڵام پێداگری و تکای یەکێک لە دۆستانی باوکی، باوکی رازی دەکات ڤیۆڵۆنێک بۆ موجتەبا بکرێت. موجتەبای وریا و شەیدای مووزیک بە ورەیەکی بێ هاوتا شه و و رۆژ خەریکی پروڤە دەبێت و لە ساڵی 1959 دەچێتە رادوێ سنە و لە وێ لەگەڵ ئورکێستری رادوێ بە سەرپرشتی مامۆستا حەسەن کامکار بە ماوەی سالێک دەمێنێتەوە و چەندین بەرهەم تومار دەکەن.

ساڵی 1960 دەگەرێتەوە شاری کرماشان و لە تەمەنی 15 ساڵیدا دەچێتە رادوێ کرماشان و وەک مۆسیقارێکی کەم تەمەن بەڵام بە توانا سەدان بەرهەمی بە نرخ و ماندگار بۆ گۆرانی بێژانی کورد تۆمار دەکا و نموونەی بەرچاوی ئەم چالاکیانەش گۆرانیەکانی حەسەن زیرەک و مەزهەری خالقی و چەندین گۆرانی بێژی ترە.

لە پاش ئەوەی کە بە پیلانی چەند کورد فرۆشێک و زەختی ساواک حەسەن زیرەک لە رادوێ دەر دەکەن مامۆستا میرزادەش لەوێ دڵخۆشی نامێنێ و بۆ درێژەدانی خوێندن و دەولەمەندکردنی ئەزموونی هونەری روودەکاتە شاری تاران و لە ماوەیەکی کەمدا توانی جێگەیەکی بەرز بۆ خۆی دەستەبەر بکات هەموو بەرهەمە فارسیەکان جێگە پەنجەی هونەری ئەوی پێوە دیارە.

میرزادە جگە لەوەی بۆ گۆرانی بێژانی ناوداری کورد و فارس مۆسیقای ژەنیوە زوربەی بەرهەمە فارسی و کوردیەکانیش هەر خۆی تەنزیم و ئامادەی کردووە. نابراو جیا لەوەی کە لە ژەنینی مۆسیقدا ستایلێکی تایبەت بە خۆی هەیە چەندین ئامێری وەک ڤیوڵۆن – کەمانچە - سێ تار – چەلۆ بە شێوەیەکی مامۆستایانه و لە ئاستێکی بەرز دەزانی. شایانی باسە جیا له و خاڵانەی ئاماژەی پێدرا سەرپەرەشتی چەندین تیپی مووزیکی بە ناوبانگی لە ئەستۆ بووە لە چەندین وڵاتدا کۆنسێرتی کردووە و بۆ 90 فیلمی سینەمایی مووزیک مەتنی داناوە کە تەنیا ناوی 35 فیلم بەر دەستە.

میرزادە ئاهەنگساز و مۆسیقا ژەنێکی نموونە و مامۆستایەکی بە ئەزموون بوو کە لە مێژووی مووزیکی خۆرهەلاتی ناوەراستدا هاوتای پەیدا نابێت و شاهێدی ئەم ئیدعایش بەرهەمەکان و ستایلی هونەری ناوبراوە. لە کاتێکدا کورد هەموو وەخت زیاتر پێویستی بەم جورە بلیمەتانەیە.

بە داخەوە لە 26-04-2005 مامۆستا میرزادە دڵە پڕ لە مێلۆدیەکەی بۆ هەمیشە لە لێدان کەوت و بە کۆچی دوای ئەم بلیمەتە هونەری کوردی تووشی خەسارێکی گەورە هات و بە داخەوە کورد و دەسەلاتی کورد نەیتوانی لە بەرهەمی هونەری و لە ئەزموونی تایبەتی ئەم سوارە چاکە لە زانکۆکانی کوردستان کەڵک وەربگرێت.

لیستی ئە و گۆرانی بێژە کوردو فارسانەی که میرزادە موزیکی بۆ ئامادە کردوون یان موزیکی بۆ ژەندون، شایانی باسە ناوی ئەم گۆرانی بێژانەی خوارە وه کورتەیەک لە چالاکیەتۆمار کراووە کانی مامۆستا میرزادە یه وەکی بۆ خۆی ئاماژەی پێکردووە و دەلێ : (لەنێوان ساڵی 1968 تاوە کوو سالی 1978 هیج گۆرانی بێژێک لە ناو فارسەکاندا نە ماوە کە من موزیکم بۆ نەژەندبێ یان موزیکم بۆ ئامادە نە کردبێ) کە واتە زۆر بەر هەمی میرزادە هێشتا برزە و ناوی زۆر گۆرانی بێژی تر ماوە کە ناوبراو موزیکی بۆ ژەندوون و دەبێ هەوڵ بدرێ ئه و ناوانەش کۆکرێتەوە بخرێتە سەر ئەرشیفی چالاکیەکانی مامۆستا میرزادە.

گۆرانی بێژە فارسەکان : هایدە، مەهەستی، گوگوش، شەجەریان، ئەفسەر شەهیدی، عەهدیە، تاجیک، حومەیرا، مۆعین، ئومید، لەیلافروهەر، ئیرەج حاجی ئەمیری، هومایون کازمی، عەلی رەزا ئیفخاری، ئیرەج مەهدیان، گوڵپا، شەکیلا، پەروا، فەرزین، سوسەن، ئاغاسی، دەیان کەسی تر. گۆرانی بێژە کوردکان : حەسەن زیرەک، ماملێ، خەلیل سددیقی، رەزاسەققایی، عەزیز شاروخ، مورتەزا توندرەو، ئیبراهیم خۆشنەوا، مەزهەری خالقی، حوسەین شەریفی، جەمشید عەزیزخانی، سەید محەمەدسەفایی و چەندین کەسی تر.

لیست وناوی هه ندێ له وفیلمه سینه ماییانه ی که (مامۆستا میرزاده) موزیک مه تنی بۆ داناون تێبینی :مامۆستا میرزاده موزیکی مه تنی بۆ نزیکه ی 90 فیلمی سینه مایی و به رنامه ی ته له فزیۆنی داناوه.که یه که م کاری موزیکی بۆ فیلمی سینەمایی دۆرۆشکه چی دا ناوه. گل ها و گلوله ها (1370) درشکه چي (1350) مسافران مهتاب (1366) مدرک جرم (1364) حماسه مهران (1363) تفنگدار (1362) خانه عنکبوت (1362)جايزه (1361) دادا (1361)قرنطينه (1361)اعدامي (1359) پنجمين سوارسرنوشت (1359)بن بست (1357) زن و زمين-خوش غيرت (1357) صمد در به در مي شود (1357) نفس بريده (1357)جاي امن (1356) در امتداد شب (1356) صمد در راه اژدها (1356) ميراث (1355) صمد خوشبخت مي شود (1354)علي کنکوري (1352)عيالوار (1352) حکيم باشي (قيامت عشق) (1352) تختخواب سه نفره (1351)1351) خانه قمرخانم (1351)صمد و سامي، ليلا و لي لي (1351) مردي در طوفان (1351)شاطر عباس (1350) صمد و قاليچه حضرت سليمان (1350) عزيز قرقي (1350)عمو يادگار (1350) لوطي (1350) محلل (1350) کافی شو (به رنامه ی ته له فزیۆنی). نووسینی : مامۆستا عەلی عابدی

تایبەتمەندییەکانی بابەت: رۆژی لەدایکبوون: 18-03-1946 رۆژی کۆچی دوایی: 17-07-2005 (59 ساڵ) جۆری کەس: موزیکژەن رەگەزی کەس: نێر زمان - شێوەزار: کرمانجیی خواروو (لەکی، کەڵهوڕی، فەیلی و ...) شار و شارۆچکەکان: کرماشان لەژیاندا ماوە نەتەوە: کورد وڵات: رۆژهەڵاتی کوردستان