مەلا ئەحمەد کەلاری

ئەحمەد محەمەد حەمە ئەمین ناسراو بە (مەلا ئەحمەد کەلاری) لە دایکبووی ساڵی 1958 کەلاری کۆنە، ئامادەیی سلێمانی لە ساڵی 1977 تەواوکردووە.

ساڵی 1977 پەیوەندی بە ڕێکخستنەکانی کۆمەڵەی ڕەنجدەرانی کوردستانەوە، ساڵی 1979 دوای ئاشکرابوونی پەیوەندی کردووە بە هێزی پێشمەرگەی کوردستانەوە و لە ناوچەی سەرکردایەتی گیرساوەتەوە، لە بارەی ناوەندی کۆمەڵە پێشمەرگە بووە، دواتر گواستراوەتەوە بۆ کەرتی 1 ی هەرێمی پارێزگاری.

ساڵی 1980 بەشداری خولی کادرانی کۆمەڵە کرد لە ناوچەی سەنگاو ساڵی 1982 بووە بە ئەندامی کەرتی رێکخستنی کفری و دوز. ساڵی 1983 بووە بە لێپرسراوی کەرتەکە.

ساڵی 1984 بووە بە لێپرسراوی کەرتی دەربەندیخان و دواتر فەرماندەی تیپی 55 قەرداغ بووە. پاش شاڵاوەکانی ئەنفال لە ناوچەکە مایەوە و یەکەم مەفرەزی پارتیزانی لە قەرداغ و گەرمیان درستکرد.

لە 19-02-1989 بەهۆی باران بارینەوە ئەشکەوتی داری خلە هەسرەس دەهێنیت شەهید مەلا ئەحمەد کەلاری و شەش پێشمەرگەی تر شەهید دەبن.

ناوی شەهیدەکانی هەرەسی ئەشکەوتی داری خلە:

شەهید مەلا ئەحمەد کەلاری (گەرمیانی) شەهید حاجی حەمید شەهید حەیدەر شەهید نوری قادر ناسراو بەپۆڵا شەهید ڕەحیم رەشید ئەحمەد شەهید سەلام (محەمەد حسین) شەهید دارا قادر سەمین ئەشکەوتی داری خلە دەکەوێتە شارەدێی شێخ تەویلی نزیک شارۆچکەی کەلار.