فوئاد حەمەمین ئاغا

فوئاد حەمەمین ئاغای حاجی عەوڵای درێژ لەساڵی 1933 لە شاری سلێمانی لەدایک بووە، باپیری پیاوێکی ئاینی و خواپەرست بووە ناوی حاجی عەبدوڵڵای حاجی ئاغا ساڵح بووە کە بە عەبدوڵڵای درێژ بەناوبانگ بووە، پیاوێکی زۆر بەئاین خیرکەر بووە هاوتەمەنی حاجی کاک ئەحمەدی شێخ بووە، وەک دەگێڕنەوە منارەی مزگەوتی گەورە ئەو دروستی کردوە، هەروەها خانی عەجەم لەشاری سلێمانی ئەم بینایەتی ناوە چونکە موڵکی خۆی بووە بەهۆی ئەوەی ئەم پێاوەزۆر خۆشەویستی حاجی کاک ئەحمەدی شێخ بووە پێش وەفات کردنی وەسێتی کردوە کە حاجی عەوڵا لەنزیک گۆڕەکەی بنێژن بۆیە کاتێک کەحاجی عەوڵا درێژ وەفاتی کردوە لە ساڵی 1322 کۆچی لەگۆڕستانی مزگەوتی گەورە نزیک مەرقەدی حاجی کاک ئەحمەدی شێخ لەدەرەوەی مەرقەدەکە نێژراوە.!

حاجی عبدوڵڵا چوار کوڕی هەبوە کە ئەمانەن حاجی ئاغا فەتحوڵڵا، ئیبراهیم ئاغا، حمەئاغا، حمەمین ئاغا کەباوکی مامۆستا فوئادە و ئەویش بەهەمان شێوەچوار کوڕی هەبوە کەئەمانەن نوری ئاغا، حمەرەشید ئاغا، خسرەو ئاغا، کاک فوئاد.!

مامۆستا فوئاد خۆێندنی سەرەتایی و ناوەندی لەشاری سلێمانی تەواو کردوەو لەساڵی 1950 دا دواتر چووتەپەیمانگای مامۆستایان لەبەغدا و ساڵی 1953 پەیمانگای تەواو کردوەو گەڕاوەتەوە سلێمانی بووە بە مامۆستا، دواتر لەساڵی 1957 ژنی هێناوەو خێزانی پێکەوەناوە، خێزانەکەی خەڵکی شاری سلێمانییە و ناوی خاتوو (نەزیرە عەلی حەسەن) ەو پێکەوهەبوونەتە خاوەنی هەشت منداڵ بەناوەکانی (شادان فوئاد، بەیان، شوان، کاوان، سامان، حەمە، شارا و شەم).

هونەرمەندی نەمر مامۆستا فوئاد تا ساڵی 1969 لەقوتابخانەی سەرەتایی شێخ مەحمودی کوڕان بەمامۆستایی ماوەتەوە و دوایی بووە بەیاریدەری بەڕێوەبەری قوتابخانەکە.!

ساڵی 1975 چوتە چالاکی قوتابخانەکانی سلێمانی ماوەی سێ ساڵ لەو بەڕیوەبەرایەتیە خزمەتی کردوە، تا دواتر لەساڵی 1978 چۆتەبەڕیوەبەرێتی رۆشنبیری جەماوەر لەسلێمانی و ماوەی شەش ساڵ لەو بەڕێوەبەرایەتیە بوە و دواتر خۆی خانەنشین کردوەلەساڵی 1984 دا وەک زۆر لەهونەرمەندان هەر لەمنداڵیەوەخولیای هونەری شانۆ بووەو بۆ ئەم مەبەستەلەقوتابخانەو لەگەڵ هاوڕیانی گەڕەک بەشداری کاری هونەری و شانۆیەکان بوەکەئەمەش گرنگی خۆی هەبووەلەپێگەیاندنی ژمارەیەکی زۆر لەشانۆکاران و دروست بونی خۆشەویستی و نزیک بونەوەلەشانۆ، لەساڵی 1969 لەگەڵ کۆمەڵێک لەهونەرمەندان و رۆشنبیران لەوانە (محەمەد سدیق مەحمود، محامی، ، نوری وەشتی، ، تەها خەلیل، ، نەوزاد مەجید، ، شێرکۆ بێکەسی شاعیر، ، عەلی جۆڵا، ، عەلی توانا) وەک ئەندامی دەستەی بەڕێوەبەر تیپی هونەر و وێژەی کوردیان دامەزراندوە لە شاری سلێمانی کەتیپێکی گەورەبو وەو شانبەشانی تیپی نواندنی سلێمانی خزمەتێکی زۆریان بەهونەری شانۆ و مۆسیقاو بوارەکانی تری هونەرکردوە لە سلێمانی و کوردوستان، دوای ئەوە ئەم تیپەناوی گۆڕدرا بەتیپی کۆمەڵی هونەرەجوانەکانی سلێمانی، ماوەی زیاتر لە 39 ساڵەئەم تیپەبەهەمان تواناوەبەردەوامەلەخزمەتکردنی هەموو بوارەکانی هونەر و کلتوری کوردی.!

هونەرمەند مامۆستا فوئاد حمەمین ئاغا وەک ئەکتەرێکی سەرکەوتو بەشداری کردوەلەنواندنی چەندین کاری شانۆیی و درامای تەلەفیزیۆنی و فیلمی سینەمایی و تەمثیلی رادیۆیی.

کارە هونەریە شانۆیی و درامی و سینەماییەکانی

(شانۆیەکان)

شێخی تەپلەڕەش نوسین و ئامادەکردنی عەلی توانا دەرهێنانی نەوزاد مەجید، ، شایی خۆیناوی نوسینی گارسیا لۆرکا دەرهێنانی نەوزاد مەجید 1971، ، پیسکەی تەڕپیر نوسینی مۆلێر دەرهێنانی ئەحمەد سالار 1972، ، تاوانێک لەئاسماندا نوسینی تەها بابان دەرهێنانی نەوزاد مەجید بۆ شانۆ و حسین نەسراوی بۆ تەلەفیزیۆن 1972، ، چاوی ڤیتنام نوسینی ریدسۆن

دەرهێنانی تەها خەلیل، شانۆیی ئایاری سەرکەوتنە، ، جەنابی موفەتیش نوسینی گۆگۆل

دەرهێمنانی ئەحمەد سالار 1971، ، پژمین نوسینی عومەر عەلی ئەمین دەرهێنانی تەها خەلیل 1973، ، کیچ نوسینی حەمەسدیق مەحمود دەرهێنانی نەوزاد مەجید 1970، دیوار نوسینی سارتەر دەرهێنانی تەها خەلیل 1974، ، پەیکەر نوسینی بۆل برۆڵا دەرهێنانی تەها خەلیل 1974، ، ئۆپەرێتی دایکی نیشتمان و ئۆپەرێتی بوک و زاوا، چرا دەرهێنانی کامەران رەئوف، ، شانۆیی نامەیەک لە خنکاوەوە، ، سارا خان نوسینی ئەلفرێد فەرەج دەرهێنانی جەمال محەمەد 1973، ، کاوەی ئاسنگەر نووسینی شێرکۆ بێکەس دەرهێنانی تەها خەلیل 1977، ، دکتۆری تێڵا نوسینی مۆلێر دەرهێنانی عەبدولی حەمەجوان 1977، ، کابرا سەیرەکەنوسینی نازم حیکمەت دەرهێنانی عەبدولی حەمەجوان 1985، ، بلیت و زاوا نوسینی حەمە سدیق دەرهێنانی حسین نەسراوی 1972، ، مرۆڤ و زەوی نوسینی تەها بابان دەرهێنانی حکمەت زەنون 1977، ، شار نوسینی حسین عارف دەرهێنانی کامەران رەئوف 1997، ، بازرگانی ڤنیسیا نوسینی مۆلێر دەرهێنانی ئەنوەر تۆڤی 1972.

(دراما تەلەفیزێۆنیەکان)

ژیان نوسینی جەلیل زەنگنە دەرهێنانی حکمت زەنون 1977، ، گوڵاڵە نووسینی حەمەرەشید هەرەس دەرهێنانی شەماڵی عەبەڕەش.

(فیلمەکان)

نێرگز بوکی کوردستان 1990، ، خولەپیزە، نوسین و دەرهێنانی جەلیل زەنگنە 1998

مامۆستا فوئادی حەمەمین ئاغا جگەلەبواری هونەری و کاری وەزیفی ساڵی 1965 لە مەلەوانگەی سەرچنار راهێنەری مەلەوانیتی بوەو هەروەها ئەندام و راهێنەری یاری شەترەنج بووەتوانیویەتی خزمەتی باشی ئەم دوو بوارەش بکات، هونەرمەند فوئادی حەمین ئاغا مرۆڤێکی خاوەن هەڵۆێست و کورد پەروەر بووە، لەتەمەنی لاوێتیدا پەیوەندی هەبوەلەگەڵ حیزبی شیویعی کوردوستاندا و هەڵگری بیروباوەڕی چەپ و کۆمۆنیزم بووە ئەمەش وای کردوە لەساڵی 1963 لەکاتی نەکبەی (مەنعی تەجەولەکەی) شاری سلێمانیدا لەلایەن رژێمی بەعسەوە بگیرێت و ماوەی نۆ مانگ لەبەندیخانە لە شاری کەرکوک بەند (سجن) بکرێت؟ ئەوەی شایانی باسکردنەلێرەدا خیزانەکەی مامۆستا فوئاد، خاتوو نەزیرە توانیویەتی بەشداری کاری هونەری لە درامای نامەیەک لە خنکاوەوە و فیلمی نێرگز بوکی کوردستانە و فیلمی خولە پیزە و لەم دوایانەش بەشداری لەدرامای (لەگولێک کاڵترو و گەڕانێک بەدوای سیبەرەکانداو ژیلەمۆ) بکات و بەتایبەتی لەدرامای گەڕانێک بەدوای سیبەرەکاندا رۆڵێکی بەرچاوی بەرجەستەکرد کەجێگای رەزامەندی بینەران بو، بەمەش خاتو نەزیرەسەلماندی کەلەسەر ریبازی مامۆستا فوئاد بەردەوامەلەخزمەتکردنی هونەری کوردی داو مامۆستافوئاد زیندو نەمرەو توانیویەتی لەپاش ئەو هەموو ساڵەی خزمەتی خۆی بۆ رێبازی هونەری کوردی هاوسەرێکی ئاوا لەپاش خۆی بۆ درێژەپێدانی ئەو ریگایەی کەلەژیاندا هەڵیبژاردبوو بەفیڕۆ نەدات.؟

هەروەها هونەرمەندی شانۆکار (خاتو شادان فوئاد) کەکچی گەورەی مامۆستا فوئادە وەک خانمە ئەکتەرێکی کورد لەمێژە لە چەندان کاری شانۆیی و فیلم و درامای کوردیدا بەشداری کاریگەرو سەرکەوتوی کردوە و ئەکتەرێکی بەتوانایە، بێگومان ئەمەش دەگەڕیتەوە بۆ ئەو توانا و خۆشەویستیەی کە مامۆستا فوئاد توانیویەتی دروستی بکات لەناو خێزانەکەی دا بۆ هونەری کوردی، لەهەمان کاتدا خاتو شادان خێزانی ئەکتەری بەتوانای کورد شەماڵی عەبەڕەشە کە پێکەوە چ لە کوردوستان و لە هەندەران (هوڵەندا) خزمەتی زۆری هونەری کوردی نەتەوەکەیان کردوەو چەندەها شانۆیی و فیلمی کوردی بەهێزیان نمایش کردوەبەتایبەتی لەوڵاتی هوڵەندا هەندی لەوانەش فیلمی هۆڵەندی (ئەو کوڕەی ئیتر نادۆێ، ئۆپەرێتی هۆڵەندی کۆیستی فەناید، شانۆیی دووبارەی داستانێک، فیلمی رۆژانی زەرد، فیلمی هەلە و هۆڵەندا، فیلمی نامۆی) جگەلەوەی هەردوو کچەکانی شایی و شارۆ و خەڵاتی یەکەمینیان وەر گرتوە.

لەساڵی 1999 هونەرمەند فوئادی حەمەمین ئاغا کوردستان بەجێ دێڵی و بەرەو هەندەران کۆچ دەکات و لەهوڵندا جیگیر دەبێت بەڵام بەداخەوە دوای ساڵ و نیوێک جەڵتەی مێشک لی ئەدات و لە ئەنجامدا توانای قسەکردنی نامێنێ تا لەڕۆژی 7 مانگی ئازاری ساڵی 2004 لەنەخۆشخانە دەکەوێت و پاش سیانزە رۆژ لە کات ژمێر سێ و نیوی بەکاتی هۆڵەندا لە بەرواری نۆزدەی ئازاری ساڵی 2004 ئەو هونەرمەندە مەزنە ماڵئاوایی یەکجاری لێکردین و کەسەرێکی گەورەی لەدڵی نەتەوەکەی بەگشتی و هونەرمەندان و بینەران بەتایبەتی بەجێ هێشت، لەڕۆژی 25 مانگی ئازای هەمان ساڵیشدا تەرمەکەی برایەوە سلێمانی لەگردی سەیوان نێژرا.