سەیدا ساڵح یوسفی

ساڵح عەبدوڵڵا نەجمەدین ناسراو بە سەیدا ساڵح یوسفی (ماوەی ژیان:کانوونی دووەمی ١٩١٨ لەزاخۆ تاکوو ٢٥ی حوزەیرانی ١٩٨١ لە بەغدا) کەسایەتی ڕۆژنامەنووس و سیاسی کوردی عێراقی بووە، سەیدا ساڵح یوسفی یەکێکبووە لە دامەزرێنەری پارتی دیموکراتی کوردستان و پارتی ھیوا و چەندین کۆمەڵەی تر، سەیدا ساڵح یوسفی لە ڕۆژی ٢٥ ی حوزەیرانی ١٩٨١ تیرۆرکرا بەھۆی نامەیەکی بۆمبڕێژکراو.

دامەزراندن و چوونە پاڵ کۆمەڵە کوردییەکان

سەیدا ساڵح یوسفی ڕۆڵی ھەبووە لەدامەزراندنی چەندین کۆمەڵەی ڕامیاری (سیاسی) کوردی لەوانە:

• کۆمەڵەی بروسک لە ا کەرێکخراوێکی ڕامیاری بچووک بوو، ھەر لەناوچەی بادینان لە کوردستانی باشوور
• دامەزراندنی کۆمەڵەی ھیوا لەگەڵ چەند کەسایەتییەکی دیار لەوانە دڵدار و ڕەفیق حیلمی
• لەدوای ھەڵوەشانەوەی کۆمەڵەی ھیوا پەیوەندی بە پارتی ڕزگاری کورد کردووە
• لە ساڵی ١٩٤٦ پارتی ھیوا و پارتی شۆڕش یەکیان گرت و پارتی دیموکراتی کوردستان دامەزرا کە سەیدا یەکێک بوو لە دامەزرێنەرانی ئەم حیزبە
• لە ساڵی ١٩٧٦ ڕۆڵی ھەبوو لە ھێنانەکایەی بزووتنەوەی سۆسیالیزمی لە عێراق

پۆستە فەرمییەکان

• ٢٩ی ئازاری ١٩٧٩ بووە وەزیر
• جێگری سەرۆکی کۆمیتەی دۆستی عێراقی -سۆڤیەتی
• سەرۆکی لقی پێنجی پارتی دیموکراتی کوردستان
• سەرۆکی یەکێتیی نووسەرانی کوردستان
• سەرۆکی کۆمەڵەی ڕۆشەنبیریی کورد
• خاوەن ئیمتیازی گۆڤاری ستێر
• ئەندامی کۆمیتە و ئەنجومەنی ھاریکاری ئاشتیی جیھانیی
• ئەندامی کۆمیتە و ئەنجومەنی ھاریکاری ئاشتیی عێراقی
• بەرپرس و چاودێری سەندیکاری کرێکارانی کوردستان

ساڵح یوسفی نوسه‌رو سیاسه‌تمه‌دار

ساڵح عه‌بدوڵڵا نه‌جمه‌دین ناسراو به‌ سه‌یدا ساڵح یوسفی نوسه‌رو سیاسه‌تمه‌دارێكی دیاری گه‌له‌كه‌مانه‌.

له‌ساڵی 1918 له‌ بامه‌ڕنی له‌دایك بووه‌.

له‌ بامه‌ڕنی‌و به‌غدا خوێندویه‌تی‌و كۆلیجی شه‌ریعه‌ی به‌غدای ته‌واو كردووه‌.

له‌ناوه‌ڕاستی سییه‌كانی سه‌ده‌ی رابردوه‌وه‌ به‌شداری جوڵانه‌وه‌ی سیاسی كردووه‌و كه‌سایه‌تییه‌كی دیاری سیاسی بووه‌‌و له‌ده‌سته‌ی دامه‌زرێنه‌ری حزبی هیوا‌و پارتی دیموكراتی كورد‌و بزووتنه‌وه‌ی سۆسیالیست بووه‌. دوا كاری سیاسی سكرتێری حزبی سۆسیالیستی كوردستان بووه‌.

سه‌رباری كاری سیاسی، سه‌یدا ساڵح یوسفی شاعیرو نوسه‌ر‌و رۆژنامه‌نوسێكی دیار بووه‌.

سه‌رنوسه‌ری رۆژنامه‌ی ئه‌لته‌ئاخی‌و سه‌رنوسه‌ری گۆڤاره‌كانی رۆژی كوردستان‌و نوسه‌ری كورد‌و ستێر بووه‌.

وتارو نوسینه‌كانی له‌و رۆژنامه‌و گۆڤارانه‌‌و ئه‌وانی تر بڵاوكردۆته‌وه‌.

سه‌رۆكی یه‌كێتی نوسه‌ران‌و سه‌رۆكی كۆمه‌ڵه‌ی رۆشنبیری كورد‌و چه‌ند كۆمه‌ڵه‌و سه‌ندیكایه‌كی تر بووه‌.

سه‌یدا ساڵح یوسفی بێجگه‌ له‌ خه‌بات‌و تێكۆشانی سیاسی، خزمه‌تێكی گه‌وره‌ی به‌بواری رۆشنبیری‌و ئه‌ده‌بی كردووه‌.

25ی حوزیرانی 1981 رژێمی به‌عس له‌رێی نامه‌یه‌كی بۆمبڕێژكراوه‌وه‌ شه‌هیدی كرد.

سڵاو له‌ رۆحی پاكی سه‌یدا ساڵح یوسفی كوردپه‌روه‌ر‌و نوسه‌رو روناكبیر