مارگرێت جۆرج

ناوی تەواوی مارگریت جۆرج مالیك شێلۆ (Margaret George) لە 21-01-1942 لە دایكبووە، بە ڕەچەڵەك خەڵكی قەزای (ئامێدیە) دواتر مالیان چوەتە دهۆک و گوندی (بەرواری باڵە).

مارگرێت، كچێكی خوێندەوار و زیرەك بوە یەكەم پیشەی سەرەتای دەبێتە (كارمەندی نەخۆشخانە) لە پاڵ كارەكەیدا مارگریتە زۆر حەزی بە خوێندنەوەی كتێب دەكات، ڕۆژانە كتێب دەخوێنیتەوە.. بەتایبەت كتێبە ئەورووپیەكان، هەروەها زۆر سەرسام دەبێت بە شۆرەشی (ڕۆشەنگەریی فرەنسا) و مێژووی ئەو وڵاتە، دواتر لە ناو دونیا خوێندنەوەیدا چاوی دەكەوێتە سەر كەسایەتیەكی فرەنسی بە ناوی ((جوان ئۆف ئارك - Joan of Arc)) زۆر بەو كەسایەتیە فرەنسییە سەرسام دەبێت!

مارگریت جۆرج شێلۆ، دوای ئەوەی (مارگریت) سەرسام دەبێت بە بیر و باوەری (جوان ئۆف ئارك) دەبێتە كەسێكی یاخی، كە ئەو كاتیش كاتێكی گونجاو دەبێت بۆ بیر و باوەرەكانی مارگریتە، چونكە ئەوسا (ڕژێمی عێراق) شەرێكی قورس و گرانی بەرێوە دەبرد لە ناو خاكی كوردستان و زۆربەی ناوچەكانی كوردستان بەتایبەت بادینان و ناوچەكانی دەڤەری (دهۆک و ئامێدی و زاویتە و بەرواری باڵا)و گوندەكانی كریستیانەكان بە سەختی بۆردومان دەكران ئەوەبو (مارگریت) هەستی شۆرەشگێری ڵا گەڵالە دەبێت و لە ساڵی (1961) پەیوەندی بە رێكخستنەكانی شۆرەشی كوردیەوە دەكات كە (مەلا مستەفا بارزانی) ڕێبەرایەتی دەكرد، ساڵانێك بە نهێنی كاركردن، دواتر لە ساڵی (1963) لە تەمەنی 20ساڵیدا چەك لە شان دەكات و بە رسمی دەچێتە ناو شۆرەشی كوردیەوە، دەبێتە یەكەم گەریڵای (ژن) لەگەل دەیان هەزار پێشمەرگەی (پیاو) شەر دژی داگیركەری ڕژێمی عێراق دەست پێ دەكات و ماگریتە هەم وەك پێشمەرگە شەر دەكات هەم وەك پزیشكیش یارمەتی پێشمەرگەكان دەدات و تیماری برینی پێشمەرگە بریندارەكان دەكات! چونكە مارگریتە پێش ئەوەی ببێتە پێشمەرگە (كارمەندی نەخۆشخانە) بوو.

مارگریتە كاتێك دەچێتە ناو "شۆرەش" هەر زوو باسی بیر و باوەرانەی خۆی دەكات كە بونەتە فاكتەر و پاڵنەر تا وای لێبكات ببێت بە گەریڵا و پێشمەرگە، ئەو باسانە بۆ (مەلا مستەفا) و پێشمەرگەكانی تر دەگێریتەوە باسی مێژوو و شۆرەشی فرەنسا و ڕۆڵی (جوان ئۆف ئارك) بۆ پێشمەرگەكان دەكات!

لە شەوی26-01-1969 لە گوندی قەڵاقومری لە بۆسەیەکدا بە شێوەیەکی گوماناوی کوژرا.