مەنووچەر کەیخسرەوپوور

چیرۆکنووس و شاعیر"مەنووچەر کەیخسرەوپوور"ساڵی 1326ی هەتاوی(1947)لە شاری شائاباد (ئیسلامئاوای ئێستا) سەر بە ستان و پارێزگەی کرماشان،لەدایکبووە.

لە تەورێزدا بڕوانامەی بکالۆریوسی زەویناسی وەردەگرێت و دواتر لە خوێندنگەکانی شاری سنەدا دەبێتە مامۆستای قوتابخانە و لەم بوارەدا درێژە بە ڕاژە و خزمەتەکەی بە قوتابییانی کورد دەدات.

تا ئێستا سێ بەرهەم لەم نووسەرە چاپ و بڵاو بووەتەوە کە بریتین لە:نهێنی ئەو چیرۆکە کۆنە،نووسراوە پەرش و بڵاوەکانم و گێتی لە زمان منەوە.

سەد مخابن ڕۆژی سێشەممە،8ی ڕەشەممەی2723(27ی فێبریوەری 2024) دڵە میهرەبانەکەی ئەم چیرۆکنووسە لە شاری سنە لە لێدان کەوت و لە گۆڕستانی بەهەشت محەممەدیی ئەم شارەدا بۆ هەمیشە لە خاکی نیشتماندا ئارامی گرت.

واران نم نم واریا...

هناێگ پیا که‌فته‌ رێ، ژن چیه‌ ناو ته‌م و مژ...

شه‌وق* چراخ فانووسه‌گه‌ بی وه‌ چه‌و گورگێگ و ئیکه‌ش له‌ پشت چریکه‌ێ به‌رزێگ کوشریاوه...‌

شه‌و وه‌ مکوڵ* نیشتۊد...

---

گیس خیس ئه‌و ژنه‌ و پرشنگه‌گان واران بوو خۊن وه‌ خوه‌ێان گرتۊن.

کۊوه‌ێگ له‌ سێفه‌یل گه‌نیاێ رێ پیاگه‌ به‌ساۊدن.

---

پیا و ژنێگ بوو سێف گه‌نیاێ وه‌ خوه‌ێان گرتۊن، له‌ ناو گڵا و چیلیه‌گان و گژ و گیا ره‌د بین.

---

له‌ ناو ده‌ر ماڵه‌ بۊچکڵانه‌ێ باخه‌گه‌، ژنێگ وه‌ گیسه‌یل خیس وه‌ شان و کووڵ رشیا و شه‌ۊ دڕیا، سه‌ر و مل و مه‌مگه‌یل وه‌ ده‌ر‌ه‌و که‌فتێیه‌و ڕکیاد و له‌رزیاد.

---

«پیا-ژن» وه‌ ده‌مه‌ چه‌قوو تێژێگ مل «ژن-پیا» گرتۊده‌ نیشانه‌...

---

سێ مناڵ هه‌ر وه‌ شێوه‌ێ خووشه‌یل ره‌نگ په‌ڕیاێ هه‌نگۊر دیار دیان و ژنێ تره‌ک ده‌س وه‌ که‌مه‌ر و داس وه‌ ده‌س وساۊد و وه‌ چه‌و زاق و دڕیاگه‌و نووڕستیاد...

---

ده‌نگ پاێگ له‌ ناو ته‌م و مژ هاتیاد...

ده‌نگ پاێ «ژن-پیا»، «پیا-ژن»، ئه‌و ژنه‌؟!

ژنێ ک هاتۊد ئه‌ڕاێ ها‌وچه‌وی* وه‌ گه‌رد ئه‌وانه.‌

---

پیا، ژنه‌گه‌ ناسی؛ چۊ خه‌زاڵێگ ره‌م کردێ، زڵفه‌یل هۊل، چۊ که‌ڵ مه‌سێگ، خرامان، خرامان ژنێگ، ژنێ ک پیا هاوردۊد ئه‌ڕاێ ها‌وچه‌وی وه‌ گه‌رد ئه‌و ژنه‌یله.‌

دێو ژنێگ وه‌ ده‌سێگێ خه‌نجه‌ر و وه‌ ده‌سێگێ داسێگ تێژ.

---

چریکه‌ێ به‌رزێگ، پرشنگه‌ێ خۊن، واران، ده‌م ئێواره‌، رۊ وه‌ سه‌رشه‌و، ته‌م و مژ نه‌مه‌ن، هساره‌ هه‌ڵات

له‌ ژێر پووس سه‌رد و سیه‌ێ شه‌و، پیا و ژن چین وه‌ره‌و ئاوای

هساره‌ێ دۊدارێگ دۊر و دۊرتره‌که‌و بیادن...

---

رێیه‌گه‌ ته‌مام بی، له‌ ئاوای ده‌نگ ساز و دێوڵ هاتیاد

وه‌ گه‌رد هه‌ر زرمه‌ێگ ک وه‌ دێوڵ کوتیان ژن و پیا چیانه‌ نووا.

---

وه‌ بان زین ئه‌سب که‌وێگ دۊوه‌تێگ وه‌ شه‌ۊ دۊوتانه‌ێ خوه‌ێیه‌و نیشتۊد و پیا هه‌وسار له‌ مل و کووڵ ئارام ئارام گام هێز دیاد و جامه‌ک و ئاینه‌گه‌ردنێگ له‌ وه‌راێوه‌رێانا.

دۊکه‌‌ڵ ئه‌سپه‌ن و گژ و گیا بۊده‌ هه‌ورێگ له‌ بان سه‌رێان، هه‌ر جوور که‌شکه‌شان*، جوور ته‌‌م و مژ

پیا ده‌نگ به‌رزه‌و کرد، نه!‌ که‌سێگ ده‌نگێ نه‌شنه‌فت...

چمان ده‌نگێ له‌ دۊره‌و هاتیاد

جوور رمه‌ێ دێوڵێگ بی ک له‌ ئاسووه‌یل دۊر و که‌وکه‌وی ئاسمان هاتیاده‌ گووش

وه‌تی هووره‌ چڕێگ بی له‌ خێڵ هووره‌چڕه‌گان باوانم

واران وارانه!‌ نه!‌ ئاگروارانه‌

نه! که‌سێگ ده‌نگێیان نه‌شنه‌فت

ئاسمان سا کردۊد...