پشتیوان نوری (پشتیوان بەدەوی)

هونەرمەندی شانۆکار و ئەکتەر (پشتیوان نوری) ناسراو بە (پشتیوان بەدەوی) ناوی تەواوی (پشتیوان نوری کەریم)ـە.

لە ساڵی 1977 لە گەڕەکی چوارباخی شاری سلێمانی لەدایکبووە. قۆناغەکانی خوێندنی لەو شارە تەواو کردووە و ساڵی 1993 چووەتە پەیمانگای هونەرەجوانەکان و ژیانی هونەری دەستپێدەکات و ساڵی 1998 بە پلەی نایاب بەشی شانۆی تەواو کردووە.

پشتیوان کوڕی (نوری بەدەوی) وەرزشکاری دێرینی شاری سلێمانییە..

بەشداری کردووە لە چەندین شانۆگەریدا کردووە، ساڵی 2011 بەشداری لە درامای (گەردەلوول) دەکات بە ڕۆڵی (ڕزگار) و ناوبانگ پەیدا دەکات و پاشان بەشداری لە بەشی دووەمی هەمان دراما دەکات. پشتیوان نوری جگە لە کاری نواندن، کارمەندی (کۆمپانیای ئاسیا سێل) بووە.

هونەرمەند لە تەمەنی نەوجەوانییدا

پشتیوان لەگەڵ هونەرمەند خاتوو (هەواڵ عوسمان) هاوسەرگیری دەکات كە خوشکی هونەرمەند بەیان عوسمانە، کە ناسراوە بە وەنەوشە، خاوەنی دوو کچ بووە بە ناوەکانی (کانی و لانی).. ڕۆژی 16-01-2018 لە تەمەنی 41ساڵی، بە هۆی جەڵتەی دڵەوە لە سلێمانی کوچیدوایی دەکات و هەر لە سلێمانی بەخاک دەسپێردرێ.

پشتیوان نوری و خاتوو هەواڵ عوسمانی هاوژینی

پشتیوان نوری و خاتوو هەواڵ عوسمانی هاوژینی لەگەڵ هەر دوو کچەکەی.

ئامادەکردنی: دلێر ڕەفیق