جیاوازیی نێوان پێداچوونەوەکانی «16-01-2024»
Manu (لێدوان | بەشدارییەکان) |
Manu (لێدوان | بەشدارییەکان) |
||
| ھێڵی ١: | ھێڵی ١: | ||
'''دەم پارتی: لەگەڵ هەرێمی کوردستانین و دەبێت گەلەکەمان یەکگرتوو بێت''' | |||
پارتی یەکسانی و دیموکراسیی گەلان (دەم پارتی) لە راگەیێندراوێکدا بە زمانی کوردی هێرشی ئێران بۆ سەر هەولێری پایتەختی هەرێمی کوردستانی شەرمەزار دەکات. | |||
ئەمڕۆ (سێشەممە، 16ـی کانوونی دووەمی 2024) دەم پارتی، لە هەژمارەکانی لە سۆشیاڵ میدیا راگەیێندراوێکی سەبارەت بە هێرشی شەوی رابردووی سوپای پاسدارانی ئێران بە مووشەکی دوورهاوێژ بۆ سەر هەولێر بڵاوکردەوە. | |||
دەم پارتی لە راگەیێندراوەکەیدا، ئیدانەی هێرشەکەی کردووە و دەڵێت، "ئێمە هێرشەکەی ئێران بۆ سەر هەولێر و گەلی کورد ئیدانە دەکەین. ئێمە لەگەڵ هەرێمی کوردستانین. ئەو هێرشانەی لە باشوور و رۆژئاوا دەکرێنە سەر خەباتی ئازادیخوازی کورد، ناگەنە ئامانجی خۆیان. ئێمە بانگ لە گەلەکەمان دەکەین، لە بەرامبەر ئەم هێرش و لەناوبردنانە، دەبێت یەکگرتوو بین." | |||
چی روویدا؟ | |||
درەنگانی شەوی رابردوو، (15-1-2024) سوپای پاسدارانی ئێران ژمارەیەک مووشەکی ئاراستەی هەولێر کرد، کە نیوەیان واتا پێنجیان بە ماڵی سەرمایەدارێکی هەولێر بەناوی پێشڕەو دزەیی کەوتن، لەکاتێکدا لە ماڵەکەیدا ئاهەنگی خێزانی هەبوو، بەبۆنەی گەڕانەوەی منداڵەکانی لە ئەمریکا. بەهۆی بۆردوومانەکەوە پێشڕەو دزەیی خۆی، کچێکی کە هێشتا تەمەنی نەبووتە ساڵێک، لەگەڵ بازرگانێکی عێراقیی هاوڕێی و خزمەتگوزارێکی بەڕەچەڵەک فیلیپینیی، کوژران. جگە لە کوژرانی چوار کەس لە هێرشەکەدا، 16 کەسی دیکەش بریندار بوون، کە لە ئەندامانی خێزانی پێشڕەو دزەیی، پاسەوان و خزمەتگوزارەکانی پێکدێن. | |||
دوای هێرشەکان سوپای پاسداران لە راگەیاندنەکانی نزیک خۆیەوە چەند زانیارییەکی لەسەر ژیان و کارەکانی پێشڕەو دزەیی بڵاوکردەوە و تۆمەتباری کردووە بەوەی پاڵپشتیی دەزگایەکی سەر بە مۆسادی ئیسرائیلی کردووە، تۆمەتێک کە لەلایەن لیژنەکەی لێکۆڵینەوە کە بە فەرمانی محەممەد شیاع سوودانی، سەرۆکوەزیرانی عێراق پێکهاتبوو هەروەها خزم و کەسە نزیکەکانی پێشڕەو دزەییەوە سەرلەبەری رەتکرایەوە. | |||
پارتی چەپی سەوز (یەسەپە) لە 15ـی تشرینی یەکەمی 2023 لە کۆنگرەی چوارەمی ئاساییدا ناوی پارتەکەی بۆ پارتی یەکسانی و دیموکراسیی گەلان (هەدەپ) گۆڕی، بەڵام دادگەی باڵای تورکیا بڕیاری گۆڕینی ناوی (هەدەپ)ـی دا، بەهۆکاری ئەوەی هەدەپ هاوشێوەی کورتکراوەی ناوی پارتی دیموکراسیی گەل (هادەپ)ـە کە لە ساڵی 1994 دامەزراوە و ئەم لێکچوونە دژی یاسای حیزبە سیاسییەکانە. پارتی یەکسانی و دیموکراسیی گەلان (هەدەپ) لەبارەی بڕیارەکەی دادگای باڵا کۆبووەوە و لە 11ـی کانوونی یەکەمی 2023 بڕیاری دا، کورتکراوەی ناوی نوێی پارتەکەیان "دەم پارتی" بێت.<ref>سەرچاوە:https://www.rudaw.net/</ref> | |||
.... | |||
'''ئیتاڵیا لەبارەی هێرشەکەی هەولێر: کردەیەکی مەترسیدارە''' | |||
باڵیۆزخانەی ئیتاڵیا لە عێراق سەرکۆنەی هێرشەکەی سەر شاری هەولێری کرد و هۆشداریشی دا، ئەو هێرشانە زیان بە ئاسایش و سەقامگیریی عێراق دەگەیێنن. | |||
[[پەڕگە:778054Image1.jpg|وێنۆک]] | |||
رۆژی سێشەممە 16ی کانوونی دووەمی 2024، باڵیۆزخانەی ئیتاڵیا لە عێراق لە تۆڕی کۆمەڵایەتیی ئێکس پەیامێکیان لەبارەی هێرشە مووشەکییەکانی شەوی دووشەممەی سەر شاری هەولێری بڵاوکردەوە، هێرشەکانی سوپای پاسدارانیان بە هەنگاوێکی مەترسیدار ناوبرد. | |||
باڵیۆزخانەی ئیتاڵیا نووسیویەتی، "بە تووندی سەرکۆنەی هێرشەکەی سەر هەولێر دەکەین، کە بووە هۆی کوژرانی چوار کەس و برینداربوونی شەش کەسی دیکە." | |||
ئاماژە بەوەش دەکات، ئەو هێرشانە، "کردەوەیەکی مەترسیدارن و ئەگەری هەیە زیان بە ئاسایش و سەقامگریی عێراق بگەیێنیت کە ئەو سەقامگیرییە ئیتاڵیا بۆ چەندین ساڵە پاڵپشتیی کردووە. سەرەخۆشی خۆمان ئاراستەی کەسوکاری قوربانییان و هیوای زوو چاکبوونەوە بۆ برینداران دەخوازین." | |||
شەوى 15ى کانوونى دووەم، لەلایەن سوپاى پاسدارانى ئێرانەوە هێرش کرایە سەر هەولێرى پایتەختى هەرێمى کوردستان و لە ئەنجامدا چوار کەس گیانیان لەدەستدا و 16 کەسی دیکە بریندار بوون. | |||
لەو 11 مووشەکەی ئێران هەولێری پێکردە ئامانج، پێنجیان بەر ماڵى پێشڕەو دزەیی، سەرمایەداری ناسراوی هەولێر کەوتن؛ لە ئەنجامدا خۆی، کچێکى، میوانێکی و کارگوزارێکی ماڵەکەی گیانیان لە دەستدا. هاوژینەکەی و دوو کوڕیشی برینداربوون کە برینی کوڕێکیانی سەختە و تەندروستیی ناجێگیرە. | |||
هێرشەکانی ئێران کاردانەوەی گەورەی ناوخۆیی و نێودەوڵەتیی بەدوای خۆیدا هێنا. ئەمریکا، چین، بەریتانیا، فەرەنسا، ئەڵمانیا، فینلاند و نەتەوە یەکگرتووەکان لەسەر ئاستی جیا سەرکۆنەی هێرشە مووشەکییەکەیان کرد.<ref>سەرچاوە:https://www.rudaw.net/</ref> | |||
..... | |||
'''ئەمریکا سەرکۆنەی هێرشەکەی هەولێر دەکات''' | |||
[[پەڕگە:B0ba880023.jpg|وێنۆک]] | |||
وتەبێژى وەزارەتى دەرەوەى ئەمریکا رایگەیاند، بە توندى ئیدانەى هێرشەکانى ئێران دەکەن لە هەولێر و سەرەخۆشیش ئاڕاستەى خێزانى قوربانیان دەکەن. | |||
ماتیۆ میلەر لە راگەیەندراوێکدا دەڵێت، ئەمریکا بە تەواوەتى دژى ئەو بۆردومانە ئاسمانیانەیە کە ئێران ئەنجامیان دەدات و ئاسایشى عێراق دەخاتە مەترسییەوە. | |||
دەشڵێت، ئەمریکا پشتیوانى هەوڵەکانى حکومەتى عێراق و هەرێمى کوردستان دەکات بۆ بەدیهێنانى خواستى گەل<ref>سەرچاوە: ماڵپەری ئاوێنە</ref> | |||
.... | |||
'''سێ درۆنی بۆمبڕێژكراو له فڕۆكه‌خانه‌ی نێوده‌وڵه‌تی هه‌ولێر تێكشكێندران''' | |||
[[پەڕگە:24e2207b2ba6.jpg|وێنۆک]] | |||
دژه تیرۆری كوردستان (پارتی) رایگه‌یاند، ئه‌مڕۆ سێشه‌ممه، سێ درۆنی بۆمبڕێژكراو كه ئاڕاسته‌ی فڕۆكه‌خانه‌ی نێوده‌وڵه‌تیی هه‌ولێر كرابون خرانه خواره‌وه | |||
دژه تیرۆری كوردستان (پارتی) بڵاویكرده‌وه، ئه‌مڕۆ سێشه‌ممه كاتژمێر 05:05ی به‌یانی، سێ درۆنی بۆمبڕێژكراو كه ئاڕاسته‌ی بنكه‌ی سه‌ربازیی هاوپه‌یمانیی نێوده‌وڵه‌تیی دژی داعش له فڕۆكه‌خانه‌ی نێوده‌وڵه‌تیی هه‌ولێر كرابون، تێكشكێندران و خرانه خواره‌وه. | |||
ئه‌وه‌ش له‌كاتێكدایه، به‌ره‌به‌یانی ئه‌مڕۆ دەزگای ئاسایشی هەرێم رایگه‌یاند، "کاتژمێر 11:30ی شه‌وی رابردو، سوپای پاسدارانی ئێران بە چەندین موشەکی بالیستیکی چەند ناوچەیەکی سڤیلنشینی هەولێری بوردومان کرد، بەپێی ئامارە سەرەتاییەکان چوار هاوڵاتیی سڤیل شەهید بون و شەش کەسی دیکەش بریندار بون، کە ڕەوشی تەندروستیی هەندێ لە بریندارەکان ناجێگیرە". | |||
دوای هێرشه‌كه‌ش سوپای پاسدارانی كۆماری ئیسلامی ئێران به‌رپرسیارێتی خۆی ده‌ربڕی و رایگه‌یاند، "چەند بنکەیەکی سیخوڕی سەرەکی تایبەت بە دەزگای هەواڵگری مۆساد لە هەرێمی کوردستان بە موشەکی بالیستی بۆردومانکران.<ref>سەرچاوە:https://www.awene.com/detail?article=101255</ref> | |||
'''تەڤگەرى ئازادى: هێرشەکان جێگەی قبوڵکردن نیین''' | '''تەڤگەرى ئازادى: هێرشەکان جێگەی قبوڵکردن نیین''' | ||
وەک پێداچوونەوەی ١٢:١٨، ١٧ی کانوونی دووەمی ٢٠٢٤
دەم پارتی: لەگەڵ هەرێمی کوردستانین و دەبێت گەلەکەمان یەکگرتوو بێت پارتی یەکسانی و دیموکراسیی گەلان (دەم پارتی) لە راگەیێندراوێکدا بە زمانی کوردی هێرشی ئێران بۆ سەر هەولێری پایتەختی هەرێمی کوردستانی شەرمەزار دەکات.
ئەمڕۆ (سێشەممە، 16ـی کانوونی دووەمی 2024) دەم پارتی، لە هەژمارەکانی لە سۆشیاڵ میدیا راگەیێندراوێکی سەبارەت بە هێرشی شەوی رابردووی سوپای پاسدارانی ئێران بە مووشەکی دوورهاوێژ بۆ سەر هەولێر بڵاوکردەوە.
دەم پارتی لە راگەیێندراوەکەیدا، ئیدانەی هێرشەکەی کردووە و دەڵێت، "ئێمە هێرشەکەی ئێران بۆ سەر هەولێر و گەلی کورد ئیدانە دەکەین. ئێمە لەگەڵ هەرێمی کوردستانین. ئەو هێرشانەی لە باشوور و رۆژئاوا دەکرێنە سەر خەباتی ئازادیخوازی کورد، ناگەنە ئامانجی خۆیان. ئێمە بانگ لە گەلەکەمان دەکەین، لە بەرامبەر ئەم هێرش و لەناوبردنانە، دەبێت یەکگرتوو بین." چی روویدا؟ درەنگانی شەوی رابردوو، (15-1-2024) سوپای پاسدارانی ئێران ژمارەیەک مووشەکی ئاراستەی هەولێر کرد، کە نیوەیان واتا پێنجیان بە ماڵی سەرمایەدارێکی هەولێر بەناوی پێشڕەو دزەیی کەوتن، لەکاتێکدا لە ماڵەکەیدا ئاهەنگی خێزانی هەبوو، بەبۆنەی گەڕانەوەی منداڵەکانی لە ئەمریکا. بەهۆی بۆردوومانەکەوە پێشڕەو دزەیی خۆی، کچێکی کە هێشتا تەمەنی نەبووتە ساڵێک، لەگەڵ بازرگانێکی عێراقیی هاوڕێی و خزمەتگوزارێکی بەڕەچەڵەک فیلیپینیی، کوژران. جگە لە کوژرانی چوار کەس لە هێرشەکەدا، 16 کەسی دیکەش بریندار بوون، کە لە ئەندامانی خێزانی پێشڕەو دزەیی، پاسەوان و خزمەتگوزارەکانی پێکدێن. دوای هێرشەکان سوپای پاسداران لە راگەیاندنەکانی نزیک خۆیەوە چەند زانیارییەکی لەسەر ژیان و کارەکانی پێشڕەو دزەیی بڵاوکردەوە و تۆمەتباری کردووە بەوەی پاڵپشتیی دەزگایەکی سەر بە مۆسادی ئیسرائیلی کردووە، تۆمەتێک کە لەلایەن لیژنەکەی لێکۆڵینەوە کە بە فەرمانی محەممەد شیاع سوودانی، سەرۆکوەزیرانی عێراق پێکهاتبوو هەروەها خزم و کەسە نزیکەکانی پێشڕەو دزەییەوە سەرلەبەری رەتکرایەوە.
پارتی چەپی سەوز (یەسەپە) لە 15ـی تشرینی یەکەمی 2023 لە کۆنگرەی چوارەمی ئاساییدا ناوی پارتەکەی بۆ پارتی یەکسانی و دیموکراسیی گەلان (هەدەپ) گۆڕی، بەڵام دادگەی باڵای تورکیا بڕیاری گۆڕینی ناوی (هەدەپ)ـی دا، بەهۆکاری ئەوەی هەدەپ هاوشێوەی کورتکراوەی ناوی پارتی دیموکراسیی گەل (هادەپ)ـە کە لە ساڵی 1994 دامەزراوە و ئەم لێکچوونە دژی یاسای حیزبە سیاسییەکانە. پارتی یەکسانی و دیموکراسیی گەلان (هەدەپ) لەبارەی بڕیارەکەی دادگای باڵا کۆبووەوە و لە 11ـی کانوونی یەکەمی 2023 بڕیاری دا، کورتکراوەی ناوی نوێی پارتەکەیان "دەم پارتی" بێت.[١] ....
ئیتاڵیا لەبارەی هێرشەکەی هەولێر: کردەیەکی مەترسیدارە
باڵیۆزخانەی ئیتاڵیا لە عێراق سەرکۆنەی هێرشەکەی سەر شاری هەولێری کرد و هۆشداریشی دا، ئەو هێرشانە زیان بە ئاسایش و سەقامگیریی عێراق دەگەیێنن.
رۆژی سێشەممە 16ی کانوونی دووەمی 2024، باڵیۆزخانەی ئیتاڵیا لە عێراق لە تۆڕی کۆمەڵایەتیی ئێکس پەیامێکیان لەبارەی هێرشە مووشەکییەکانی شەوی دووشەممەی سەر شاری هەولێری بڵاوکردەوە، هێرشەکانی سوپای پاسدارانیان بە هەنگاوێکی مەترسیدار ناوبرد.
باڵیۆزخانەی ئیتاڵیا نووسیویەتی، "بە تووندی سەرکۆنەی هێرشەکەی سەر هەولێر دەکەین، کە بووە هۆی کوژرانی چوار کەس و برینداربوونی شەش کەسی دیکە."
ئاماژە بەوەش دەکات، ئەو هێرشانە، "کردەوەیەکی مەترسیدارن و ئەگەری هەیە زیان بە ئاسایش و سەقامگریی عێراق بگەیێنیت کە ئەو سەقامگیرییە ئیتاڵیا بۆ چەندین ساڵە پاڵپشتیی کردووە. سەرەخۆشی خۆمان ئاراستەی کەسوکاری قوربانییان و هیوای زوو چاکبوونەوە بۆ برینداران دەخوازین."
شەوى 15ى کانوونى دووەم، لەلایەن سوپاى پاسدارانى ئێرانەوە هێرش کرایە سەر هەولێرى پایتەختى هەرێمى کوردستان و لە ئەنجامدا چوار کەس گیانیان لەدەستدا و 16 کەسی دیکە بریندار بوون.
لەو 11 مووشەکەی ئێران هەولێری پێکردە ئامانج، پێنجیان بەر ماڵى پێشڕەو دزەیی، سەرمایەداری ناسراوی هەولێر کەوتن؛ لە ئەنجامدا خۆی، کچێکى، میوانێکی و کارگوزارێکی ماڵەکەی گیانیان لە دەستدا. هاوژینەکەی و دوو کوڕیشی برینداربوون کە برینی کوڕێکیانی سەختە و تەندروستیی ناجێگیرە.
هێرشەکانی ئێران کاردانەوەی گەورەی ناوخۆیی و نێودەوڵەتیی بەدوای خۆیدا هێنا. ئەمریکا، چین، بەریتانیا، فەرەنسا، ئەڵمانیا، فینلاند و نەتەوە یەکگرتووەکان لەسەر ئاستی جیا سەرکۆنەی هێرشە مووشەکییەکەیان کرد.[٢]
.....
ئەمریکا سەرکۆنەی هێرشەکەی هەولێر دەکات
وتەبێژى وەزارەتى دەرەوەى ئەمریکا رایگەیاند، بە توندى ئیدانەى هێرشەکانى ئێران دەکەن لە هەولێر و سەرەخۆشیش ئاڕاستەى خێزانى قوربانیان دەکەن.
ماتیۆ میلەر لە راگەیەندراوێکدا دەڵێت، ئەمریکا بە تەواوەتى دژى ئەو بۆردومانە ئاسمانیانەیە کە ئێران ئەنجامیان دەدات و ئاسایشى عێراق دەخاتە مەترسییەوە.
دەشڵێت، ئەمریکا پشتیوانى هەوڵەکانى حکومەتى عێراق و هەرێمى کوردستان دەکات بۆ بەدیهێنانى خواستى گەل[٣] ....
سێ درۆنی بۆمبڕێژكراو له فڕۆكه‌خانه‌ی نێوده‌وڵه‌تی هه‌ولێر تێكشكێندران
دژه تیرۆری كوردستان (پارتی) رایگه‌یاند، ئه‌مڕۆ سێشه‌ممه، سێ درۆنی بۆمبڕێژكراو كه ئاڕاسته‌ی فڕۆكه‌خانه‌ی نێوده‌وڵه‌تیی هه‌ولێر كرابون خرانه خواره‌وه
دژه تیرۆری كوردستان (پارتی) بڵاویكرده‌وه، ئه‌مڕۆ سێشه‌ممه كاتژمێر 05:05ی به‌یانی، سێ درۆنی بۆمبڕێژكراو كه ئاڕاسته‌ی بنكه‌ی سه‌ربازیی هاوپه‌یمانیی نێوده‌وڵه‌تیی دژی داعش له فڕۆكه‌خانه‌ی نێوده‌وڵه‌تیی هه‌ولێر كرابون، تێكشكێندران و خرانه خواره‌وه.
ئه‌وه‌ش له‌كاتێكدایه، به‌ره‌به‌یانی ئه‌مڕۆ دەزگای ئاسایشی هەرێم رایگه‌یاند، "کاتژمێر 11:30ی شه‌وی رابردو، سوپای پاسدارانی ئێران بە چەندین موشەکی بالیستیکی چەند ناوچەیەکی سڤیلنشینی هەولێری بوردومان کرد، بەپێی ئامارە سەرەتاییەکان چوار هاوڵاتیی سڤیل شەهید بون و شەش کەسی دیکەش بریندار بون، کە ڕەوشی تەندروستیی هەندێ لە بریندارەکان ناجێگیرە".
دوای هێرشه‌كه‌ش سوپای پاسدارانی كۆماری ئیسلامی ئێران به‌رپرسیارێتی خۆی ده‌ربڕی و رایگه‌یاند، "چەند بنکەیەکی سیخوڕی سەرەکی تایبەت بە دەزگای هەواڵگری مۆساد لە هەرێمی کوردستان بە موشەکی بالیستی بۆردومانکران.[٤]
تەڤگەرى ئازادى: هێرشەکان جێگەی قبوڵکردن نیین
تەڤگەرى ئازادى بڵاوى کردەوە، ھێرشکردنە سەر خاک و سەروەریی نیشتمان و شارو شارۆچکە و ئاوەدانییەکانی کوردستان، لەلایەن دەوڵەتانی داگیرکەری کوردستان، لەژێر ھەر بڕوبیانوویەکدابێت جێگەی قبوڵکردن نییە، دەشڵێن، هێرشەکەى ئێران بۆسەر هەولێر ئیدانە دەکەیین.
تەڤگەرى ئازادى کۆمەڵگاى کوردستان لەبارەى هێرشەکانى ئێران بۆسەر شارى هەولێر ڕاگەیەندراوێکى بڵاوکردەوە.
لە ڕاگەیەندراوەکەدا هاتووە، ھێرشکردنە سەر خاک و سەروەریی نیشتمان و شارو شارۆچکە و ئاوەدانییەکانی کوردستان، لەلایەن دەوڵەتانی داگیرکەری کوردستان، لەژێر ھەر بڕو بیانو یەکدابێت جێگەی قبوڵکردن نییە.
دەشڵێن، ھێرشە مووشەکیی و درۆنییەکەی شەوی ١٦ى ئەم مانگە بۆسەر شاری ھەولێر، کە لەلایەن سووپای پاسدارانی ئێران ئەنجامدرا، بە توندیی مەحکوم و شەرمەزار دەکەیین، سەرەخۆشیی خۆمان بۆ قوربانییەکان رادەگەیەنین و ھیوای زوو چاک بوونەوەش بۆ بریندارەکان دەخوازیین.
ئاماە بەوەشکراوە، دەبێت دەسەڵاتدارانی ھەرێمی کوردستان، لە مەترسیی پلانی داگیرکەران بۆسەر دەسکەوتەکانی گەلی کورد تێبگەن، لێکترازان و سیاسەتی ملھوڕانە و دژایەتیی بەشەکانی دیکەی کوردستان و خۆسپاردنە داگیرکەران ھیچ ئەنجامێکی نابێت، جگە لە بچوک بوونەوە و زەبونیی و شەرمەزاریی بەردەم گەل.
ئەوەش خراوەتەڕوو، وەک ئاشکرایە دەوڵەتی تورک، رۆژ نییە ھێرشی ناڕەوا و بێ پاساو نەکاتە سەر شارو گوند و ناوەندەکانی خزمەتگوزاریی پەروەردەیی و مەدەنییەکانی رۆژئاوای کوردستان، لە بەرامبەردا ھێزی بەناو ھاوپەیمانان و رێکخراوە جیھانییەکان تەنانەت حکومەتی ھەرێمیش بێ دەنگ و بێ ھەڵوێست بوون.
باس لەوەشکراوە، لەلایەکی تر لە کەرکووک سیاسەتی تەعریب بەردەوامیی پێدەدرێت و ھەر رۆژەی بە بیانوویەک ھاووڵاتییانی کورد تەنگەتاو دەکەن. کوردستان پێویستیی بە پاراستن و یەکێتیی نەتەوەیی ھەیە، دەسەڵاتدارانی تورکیا و ئێران بەردەوام بە بیانوی ناڕەوا پەلامارمان ئەدەن و خەڵکی کوردستان کۆمەڵکووژ دەکەن و ھیچ کات کوردستانێکی یەکگرتوو، پێشکەوتوو ئارامیان ناوێت.
تەڤگەرى ئازادى ڕاشى گەیاندووە، دەبێت گەلی کورد لەبەرامبەر ئەو ھێرشانەی داگیرکەران یەکگرتووبێت و ساسەتی مل کەچ کردن و رەوایەتیی دان بەھێرشەکانی داگیر کەران بۆ سەر خاکی کوردستان شەرمەزار و ریسوا بکات.[٥]
... کەنەکە: بە یەکگرتوویی دەتوانین ڕووبەڕووی پلانى داگیرکەران ببینەوە
کۆنگرەی نەتەوەیی کوردستان بڵاوى کردەوە، تەنیا بە ئیرادە و یەکگرتوویی دەتوانیین، ڕووبەڕووی داگیرکەران ببینەوە و پیلانەکانیان شکست پێبهین، دەشڵێن، داوا لە کۆمەڵگای نێودەوڵەتی و هاوپەیمانان دەکەین بێنە دەنگ و سنوورێک بۆئەم هێرش و پەلامارانە دابنێن.
كۆنسه‌ی به‌ڕێوه‌به‌ری کۆنگرەی نەتەوەیی کوردستان- کەنەکە، لەبارەی هێرشەکانی شەوى ڕابردووى سەر شاری هەولێر ڕاگەیەندراوێکى بڵاوکردەوە.
لە ڕاگەیەندراوەکەدا هاتووە، داگیرکەرانی کوردستان بەهەموو شێوەیەک پیلانی لەناوبردنی دەستکەوتەکانمان و سڕینەوەی بوونی نەتەوەییمان بەڕێوەدەبەن، لەباکور و ڕۆژهەڵات سیاسەتی نکۆڵیکردن و توانەوە، لەناو بۆتەی نەتەوەی سەردەستدا پەیڕەو دەکەن و لە ڕۆژئاوا و باشوریش پیلانی لەناوبردنی خۆسەری ڕۆژئاوا و قەوارەی دەستوری هەرێمی کوردستان جێبەجێدەکەن.
باس لەوەشکراوە، لەوچوارچێوەیەدا دەوڵەتی تورکیا و ئێران ڕۆژانە، لە هێرش و داگیرکاری بەردەوامن، شەوی ڕابردوو بۆچەندەمین جار، لەلایەن ئێرانەوە بە موشەک هێرش کراوەتە سەر پایتەختی هەرێمی کوردستان و شوێنی مەدەنی بە ئامانج گیراوە و بەوهۆیەشەوە ژمارەیەک قوربانی لێکەوتەوە.
دەشڵێن، ئێمە ئیدانەی هەموو جۆرە هێرش و پەلامارێکی سەر گەلەکەمان و دەستکەوتەکانی دەکەین، بەداخەوە دەسەڵاتی هەرێم تەواوکەری پیلانی دەوڵەتانی داگیرکەرن، بەوەی سیاسەتی پەرتکە و زاڵبە و خوڵقاندنی ناکۆکی نێوان شارەکانیان پەیڕەو کردووە و ئیرادەی خەڵکیان لەبەرانبەر دوژمنانی کورددا لاوازکردووە، کە تەنیا بەو ئیرادە و یەکگرتووییە دەتوانیین، ڕووبەڕووی داگیرکەران ببینەوە و پیلانەکانیان شکست پێبهێنرێت.
کەنەکە چەند داواکارییەکى خستووەتەڕوو کە ئەمانەن:-
یەکەم- لەهەموو شارەکان خەڵک بە هەموو جیاوازی و چین وتوێژەکانەوە ناڕەزیی دەرببڕن و دژی هەرهێرش و پەلامارێک بوەستنەوە.
دووەم- دەسەڵاتی هەرێمی کوردستان لەهیچ ناوچەیەک ڕێگری لە دەربڕینی ناڕەزایی گەل نەکات، کە دژی داگیرکەرانی ئێران و تورکیا بێت، داوا لە ڕەوەندی کوردیش دەکەین ناڕەزایی فراوان دەرببڕن و وەک هەمیشە پشتیوانی ناوخۆ بن.
سێیەم- داوا لە کۆمەڵگای نێودەوڵەتی و هاوپەیمانان دەکەین بێنە دەنگ و سنوورێک بۆئەم هێرش و پەلامارانە دابنێن.
چوارەم- بەپێی دەستوور ئەرکی سەرۆکایەتیەکانی عێراقی فیدڕاڵ و دامەزراوە فەرمییەکانی هەرێمی کورستانە، سەروەری خاک و خەڵک بپارێزن و ڕێگە نەدن، لەژێر هیچ پاساوێکدا پێشێلبکرێت و ناوچەکە بکرێتە مەیدانی شەڕ و یەکلاییکردنەوەی ناکۆکییەکان و لاوازکردن و لەناوبردنی دەستەکەوتەکانی گەلەکەمان، پێویستە سەرۆکایەتییەکانی عێراق و حکومەتی ئیتیحادی، لە ناوخۆ و دەروە ئەرکی دەستووری خۆیان جێبەجێبکەن.
پێنجەم- پارت و لایەنە دەسەڵاتدار و ئۆپۆزسێۆنەکانی کوردستان دەبێت ئەو ڕاستییەباش بزانن هیچیان بەپشتیوانی دەوڵەتانی دراوسێ ناتوانن بمێنەوە، بۆیە دەبێت یەک و یەکگرووتووبن و لەناوخۆدا کێشەکانی خەڵک چارەسەر بکەن و بنەماکانی دیموکراسی و حوکمی ڕەشید پەیڕەو بکەن، هاوکات، لەسەر ستراتیژێکی نیشتمانی نەتەوەیی ڕێکبکەون، ئەگەر وانەکەن دەبنە هۆکاری لەناوچوونی قەوارەی دەستووری هەرێمی کوردستان و پیلانی دوژمنان تەواودەکەن.
شەشەم- ئێمە لە کۆنگرەی نەتەوەیی کوردستان لەهەموو کارێکی نیشتمانی و نەتەوەییدا، وەک هەمیشەهاوکارو پشتیوان دەبین.[٦]
ئ.م
16/01/2024 بروكسل
...
بەیاننامەی یەکێتیی نیشتمانیی کوردستان لەبارەى هێرشەکانی ئێران بۆ سەر هەولێر
مەکتەبی سیاسی یەکێتیی نیشتمانیی کوردستان ئیدانەی هێرشە موشەکیەکەی سەر هەولێر دەکات و ئەو جۆرە هێرشانە بە ناڕەوای ناودەبات و رایدەگەیەنێت: "هەر کێشەیەکی سیاسی- ئەمنی هەستیار لە نێوان وڵاتە دراوسێکاندا بەم شێوەیە تاکلایەنە و لە دەرەوەی تێگەیشتنی سیاسیی و ئەمنی هاوبەش، چارەسەر نابن و تەنها ئاڵۆزی و ژینگەی پەیوەندییە ئیقلیمییەکان تێکدەدەن".
دەقی راگەیەندراوەکە.........
هێرش بۆ سەر هەولێری پایتەختی هەرێمی کوردستان ناڕەوایەو سەرکۆنەی بە ئامانجگرتنی خەڵکی سیڤیل دەکەین. پەلاماردانی شوێنی ئاوەدانی هەڕەشەی جیدین بۆ سەر سەروەری عێراق و ژیانی هاوڵاتیانی هەرێمی کوردستان کە هەرێمێکی دانپیانراوە لە چوارچێوەی دەوڵەتی عیراقدا.
ئێمە وەکو یەکێتیی نیشتمانیی کوردستان پێمان وایە هەر کێشەیەکی سیاسی-ئەمنی هەستیار لە نێوان وڵاتە دراوسێکاندا بەم شێوەیە تاکلایەنە و لە دەرەوەی تێگەیشتنی سیاسیی و ئەمنی هاوبەش، چارەسەر نابن و تەنها ئاڵۆزی و ژینگەی پەیوەندییە ئیقلیمییەکان تێکدەدەن کە سەرەنجام گەلانی عیراق نرخەکەی دەدەن.
لێرەوە سەرەخۆشی خۆمان ئاراستەی کەسوکاری شەهیدان بەتایبەتی خانەوادەی شەهید پێشڕەو دزەیی دەکەین وهیوای زوو چاکبوونەوە بۆ بریندارەکان دەخوازین.
ئەرکی سەرشانی حکومەتی فیدرالییە کە پێکهاتەیەکی ئیئتلافییە و پشتیوانی هەموو هێزە سیاسییەکانی هەیە، هەوڵەکانی چڕتر بکاتەوە بۆ داکۆکی لەسەر سەروەری وڵات و ئاسایشی هاوڵاتیان و بەکردەوە یەکێتیی ریزەکانی گەلی عیراق دووپات بکاتەوە و هەیبەتی نێودەوڵەتی وڵاتەکە بپارێزێت.
پێویستە دامەزراوە رەسمییەکان هەرێم و پارتە سیاسیەکانیش بەهەماهەنگی لەگەڵ حکومەتی عیراق رۆڵی زیاتر بگێڕن لە چارەسەرکردنی کێشە هەڵپەسێردراوەکان و پاراستنی هاووڵاتییان و بەرژەوەندی هەرێمی کوردستان.
رۆحی شەهیدان شاد بێت
ئارامی و سەربەرزی بۆ خەڵک و خاکی هەولێری پایتەختی کوردستان.[٧]
مەکتەبی سیاسیی یەکێتیی
... عێراق باڵیۆزی خۆی لە تاران کشاندەوە
وەزارەتی دەرەوەی عێراق بڵاوی كردەوە، لە دوای هێرشەكەی شەوی 15-01-2024 بۆ سەر هەولێر ئەمڕۆ داوامان لە باڵیۆزی عێراق لە تاران كردووە بگەڕێتەوە بۆ بەغدا، تا ئەو كاتەی گفتوگۆ و لێكۆلینەوەكان لەسەر هێرشەكە تەواو دەبێت.
وەزارەتی دەرەوەی عێراق لە بارەی بانگهێشتكردنەوەی باڵیۆزی خۆی لە تاران ڕاگەیاندراوێكی بڵاوكردەوە.
لە ڕاگەیاندراوەكەدا هاتووە، لە دوای هێرشەكەی شەوی ڕابردووی سەر هەولێر ئەمڕۆ داوامان لە باڵیۆزی عێراق لە تاران كردووە بگەڕێتەوە بۆ بەغدا، بە مەبەستی ڕاوێژكردن و لێكۆڵینەوە لە پاشخانی هێرشەكانی ئەم دواییەی ئێران بۆ سەر هەولێر.
شەوی ڕابردوو ئێران بە ژمارەیەك مووشەكی بالیستیی بۆردوومانی چەند شوێنێكی جیای لە هەولێر كرد، زیانی گیانی و ماددی لێكەوتەوە، لە نێوان ئەو ماڵانەی بەرهێرشەكە كەوتووە، ماڵی بازرگانێكی ناسراوی كورد هەیە، كە بووە هۆی كوژرانی خۆی و كچەكەی.
سوپای پاسدارانی ئێران لە بەیاننامەیەكدا بڵاوی كردەوە، بۆردوومانەكە شوێنی سیخوڕی سەر بە مۆسادی لە هەولێر كردووەتە ئامانج، ئەم هێرشەش لە وەڵامی ئەو هێرشانەی ئەم دواییە كە ئێرانیان كردە ئامانج.
هـ.ئ
... كه‌نه‌كه داوای خۆپیشاندانی سه‌رتاسه‌ری له هه‌مو شاره‌كانی كوردستان ده‌كات
کۆنگرەی نەتەوەیی کوردستان (كه‌نه‌كه) له‌باره‌ی هێرشه‌كه‌ی سه‌ر شاری هه‌ولێر، رایگه‌یاند، سه‌ركۆنه‌ی هەمو جۆرە هێرش و پەلامارێکی سەر گەلەکەمان و دەستکەوتەکانی دەکەن و "داوا ده‌كه‌ین هه‌مو پارته‌كانی كوردستان یه‌كگرتو بن و هه‌موان ئه‌و راستیه باش بزانن هیچیان بەپشتیوانی دەوڵەتانی دراوسێ ناتوانن بمێنەوە"، ده‌شڵێت، "داوادەکەین لەهەمو شارەکان خەڵک بەهەمو جیاوازی و چین و توێژەکانەوە ناڕەزیی دەرببڕن و دژی هەرهێرش و پەلامارێک بوەستنەوە".
کۆنگرەی نەتەوەیی کوردستان (كه‌نه‌كه) له راگه‌یه‌ندراوێكدا لەبارەی هێرشەکانی سەر شاری هەولێر باسی له‌وه‌كردوه، "داگیرکەرانی کوردستان بەهەمو شێوەیەک پیلانی لەناوبردنی دەستکەوتەکانمان و سڕینەوەی بونی نەتەوەییمان بەڕێوەدەبەن، لەباکورو ڕۆژهەڵات سیاسەتی نکۆڵیکردن و توانەوە، لەناو بوه‌تەی نەتەوەی سەردەستدا پەیڕەوەکەن و لەڕۆژئاڤا و باشوریش پیلانی لەناوبردنی خۆسەری ڕۆژئاڤاو قەوارەی دەستوری هەرێمی کوردستان جێبەجێ دەکەن".
دەوڵەتانی تورکیا و ئێران رۆژانە لە هێرش و داگیرکاری بەردەوامن
ئاماژه‌ی به‌وه‌شكردوه، دەوڵەتانی تورکیا و ئێران رۆژانە، لە هێرش و داگیرکاری بەردەوامن، شەوی رابردو بۆ چەندەمین جار لەلایەن ئێرانەوە بەموشەک هێرش کراوەتە سەر پایتەختی هەرێمی کوردستان و شوێنی مەدەنی بەئامانج گیراوەو بەوهۆیەشەوە ژمارەیەک قوربانی لێکەوتەوە.
سه‌ركۆنه‌ی هەمو جۆرە هێرش و پەلامارێکی سەر گەلەکەمان و دەستکەوتەکانی دەکەین
له راگه‌یه‌ندراوه‌كه‌دا هاتوه، "ئێمە لەکۆنگرەی نەتەوەیی کوردستان سه‌ركۆنه‌ی هەمو جۆرە هێرش و پەلامارێکی سەر گەلەکەمان و دەستکەوتەکانی دەکەین، بەداخەوە دەسەڵاتی هەرێمی کوردستان تەواوکەری پیلانی دەوڵەتانی داگیرکەرن، بەوەی سیاسەتی پەرتکەو زاڵبە و خوڵقاندنی ناکۆکی نێون شارەکانیان پەیڕەوکردوە و ئیرادەی خەڵکیان لەبەرانبەر دوژمنانی کورددا لاوازکردوە، کە تەنها بەو ئیرادە و یەکگرتوییە دەتوانیین، ڕوبەڕوی داگیرکەران ببینەوە و پیلانەکانیان شکست پێبهێنرێت".
داوا دەکەین لەهەمو شارەکان خەڵک بەهەمو جیاوازی و چین و توێژەکانەوە ناڕەزایی دەرببڕن
كه‌نه‌كه ده‌ڵێت، "داوا دەکەین لەهەمو شارەکان خەڵک بەهەمو جیاوازی و چین و توێژەکانەوە ناڕەزیی دەرببڕن و دژی هەرهێرش و پەلامارێک بوەستنەوە و دەسەڵاتی هەرێمی کوردستان لە هیچ ناوچەیەک ڕێگری لەدەربڕینی ناڕەزایی گەل نەکات، کە دژی داگیرکەرانی ئێران و تورکیا بێت، داوا لەڕەوەندی کوردیش دەکەین ناڕەزایی فراوان دەرببڕن و وەک هەمیشە پشتیوانی ناوەوەبن".
داوا لە کۆمەڵگای نێودەوڵەتی و هاوپەیمانان دەکەین بێنەدەنگ و سنورێک بۆ ئەم هێرش و پەلامارانە دابنێن
ئه‌وه‌شی خستوه‌ته‌ڕو، "داوا لە کۆمەڵگای نێودەوڵەتی و هاوپەیمانان دەکەین بێنەدەنگ و سنورێک بۆ ئەم هێرش و پەلامارانە دابنێن".
سەروەری خاک و خەڵک بپارێزن و ڕێگەنەده‌ن، لەژێر هیچ پاساوێکدا پێشێل بکرێت
کۆنگرەی نەتەوەیی کوردستان رونیشیكردوه‌ته‌وه، "بەپێی دەستور ئەرکی سەرۆکایەتیەکانی عێراقی فیدڕاڵ و دامەزراوە فەرمییەکانی هەرێمی کورستانە، سەروەری خاک و خەڵک بپارێزن و ڕێگەنەده‌ن، لەژێر هیچ پاساوێکدا پێشێل بکرێت و ناوچەکە بکرێتە مەیدانی شەڕو یەکلاییکردنەوەی ناکۆکییەکان و لاوازکردن و لەناوبردنی دەستەکەوتەکانی گەلەکەمان، پێویستە سەرۆکایەتییەکانی عێراق و حکومەتی ئیتیحادی لەناوخۆو دەره‌وە ئەرکی دەستوری خۆیان جێبەجێ بکەن".
پارتەکانی کوردستان دەبێت ئەو ڕاستییە باش بزانن هیچیان بەپشتیوانی دەوڵەتانی دراوسێ ناتوانن بمێنەوە
كه‌نه‌كه ده‌ڵێت، "پارت و لایەنە دەسەڵاتدار و ئۆپۆزسیۆنەکانی کوردستان دەبێت ئەو ڕاستییە باش بزانن هیچیان بەپشتیوانی دەوڵەتانی دراوسێ ناتوانن بمێنەوە، بۆیە دەبێت یەک و یەکگروتوبن و لەناوخۆدا کێشەکانی خەڵک چارەسەربکەن و بنەماکانی دیموکراسی و حوکمی ڕەشید پەیڕەو بکەن، هاوکات لەسەر ستراتیژێکی نیشتمانی نەتەوەیی ڕێکبکەون، ئەگەر وانەکەن دەبنە هۆکاری لەناوچونی قەوارەی دەستوری هەرێمی کوردستان و پیلانی دوژمنان تەواودەکەن".[٨]
....
نەوەی نوێ و گۆڕان و كۆمەڵی دادگەری سێ پەیامی جیا لەبارەی هێرشەكانی سەر هەولێر بڵاودەكەنەوە
سه‌رۆكی جوڵانه‌وه‌ی نه‌وه‌ی نوێ و هه‌ریه‌ك له بزوتنه‌وه‌ی گۆڕان و كۆمه‌ڵی دادگه‌ری سه‌ركۆنه‌ی هێرشه موشه‌كیه‌كانی شه‌وی رابردوی چه‌ند ناوچه‌یه‌كی شاری هه‌ولێر ده‌كه‌ن و راشیده‌گه‌یه‌نن، ئه‌و هێرشانه ناسه‌قامگیری زیاتر ده‌كه‌ن.
شاسوار عه‌بدولواحید سه‌رۆكی جوڵانه‌وه‌ی نه‌وه‌ی نوێ له‌په‌یامێكدا له هه‌ژماری تایبه‌تی خۆی له پلاتفۆڕمی ئێكس (تویته‌ری پێشو) خۆی نوسیویه‌تی، "ئێمه به توندی هێرشه‌كانی سه‌ر هه‌ولێر سه‌ركۆنه ده‌كه‌ین و سه‌ره‌خۆشی له‌كه‌سوكاری قوربانیانی روداوه‌كه ده‌كه‌ین".
جگه له پێشێلكردنی ئاشكرا بۆ سه‌ر سه‌روه‌ری عێراق هیچیتر نیشان ناده‌ن
راشیگه‌یاندوه، "هێرشه به‌رده‌وامه‌كان بۆ سه‌ر هه‌رێمی كوردستان به‌تایبه‌ت و عێراق به گشتی، جگه له پێشێلكردنی ئاشكرا بۆ سه‌ر سه‌روه‌ری عێراق هیچیتر نیشان ناده‌ن، ده‌بنه هۆكارێكیش بۆ زیادبونی ناسه‌قامگیری و هیچ سودێكی به‌رجه‌سته بۆ هیچ لایه‌نێكی په‌یوه‌ندیدار نابه‌خشن".
ئه‌مه یه‌كه‌مجار نیه هه‌رێمی كوردستان ده‌كه‌وێته به‌ر په‌لاماری ده‌وڵه‌تانی دراوسێ
هاوكات، كۆمه‌ڵی دادگه‌ری له‌ڕاگه‌یه‌ندراوێكدا بڵاویكرده‌وه، نیوه‌شه‌وی ڕابردو به موشه‌ك بۆردومانی چه‌ند شوێنێك له هه‌ولێری پایته‌ختی هه‌رێمی كوردستان و ده‌وروبه‌ری كرا له‌لایه‌ن سوپای پاسدارانی ئێرانه‌وه، به‌داخه‌وه بۆردومانه‌كان قوربانی لێكه‌وتوه‌ته‌وه، ئه‌مه یه‌كه‌مجار نیه هه‌رێمی كوردستان ده‌كه‌وێته به‌ر په‌لاماری ده‌وڵه‌تانی دراوسێ، بێگومان ئه‌مه پێشێلكردنی سه‌روه‌ری خاكی عێراق و هه‌رێمی كوردستانه".
ئێمه له‌كۆمه‌ڵی دادگه‌ری سه‌ركۆنه‌ی هه‌ر هێرش و په‌لامارێك ده‌كه‌ین كه ده‌كرێته سه‌ر هه‌رێمی كوردستان
راشیگه‌یاندوه، "ئێمه له‌كۆمه‌ڵی دادگه‌ری سه‌ركۆنه‌ی هه‌ر هێرش و په‌لامارێك ده‌كه‌ین كه ده‌كرێته سه‌ر هه‌رێمی كوردستان، هاوڵاتیانی ئه‌م هه‌رێمه به‌ده‌ست ده‌یان قه‌یران و كێشه‌وه ده‌ناڵێنن له‌نه‌بونی موچه‌و كه‌می خزمه‌تگوزاری و بۆشایی یاسایی، به‌رگه‌ی قه‌یرانی دیكه ناگرن، هیوادارین به‌رپرسانی حكومه‌تی عێراقی فیدراڵ و حكومه‌تی هه‌رێم هه‌ڵوێستی پێویست بگرنه‌به‌ر و ڕێگه‌نه‌ده‌ن هه‌رێمی كوردستان ببێته مه‌یدانی یه‌كلایی كردنه‌وه‌ی كێشه‌و ململانێی نێوان ده‌وڵه‌تان".
ئێمه له بزوتنه‌وه‌ی گۆڕان، له‌كاتێكدا سه‌ركۆنه‌ی ئه‌و هێرشانه ده‌كه‌ین
له‌لایه‌كی دیكه‌شه‌وه، بزوتنه‌وه‌ی گۆڕان له‌ڕاگه‌یه‌ندراوێكدا بڵاویكردۆته‌وه، "ئێمه له بزوتنه‌وه‌ی گۆڕان، له‌كاتێكدا سه‌ركۆنه‌ی ئه‌و هێرشانه ده‌كه‌ین، هاوبه‌شی خه‌می بنه‌ماڵه‌ی قوربانیان و هیوای چاكبونه‌وه بۆ برینداره‌كان ده‌خوازین، داواكارین لایه‌نه سیاسیه‌كانی هه‌رێمی كوردستانیش به یه‌كگرتویی و یه‌كگوتاری كوردستانی و كاری پێكه‌وه‌ییمان؛ وه‌ڵامی ئه‌و مه‌ترسی و ئاڵنگارییانه بده‌ینه‌وه، كه هه‌ڕه‌شه له ئاشتی و ئاسایش و سه‌قامگیری هه‌رێمی كوردستان ده‌كه‌ن".[٩]
- ↑ سەرچاوە:https://www.rudaw.net/
- ↑ سەرچاوە:https://www.rudaw.net/
- ↑ سەرچاوە: ماڵپەری ئاوێنە
- ↑ سەرچاوە:https://www.awene.com/detail?article=101255
- ↑ سەرچاوە:https://rojnews.news/
- ↑ سەرچاوە:https://rojnews.news/
- ↑ سەرچاوە:pukmedia
- ↑ سەرچاوە:https://www.xendan.org/
- ↑ سەرچاوە:www.xendan.org