فەردیناند هەنەربیشلەر (Ferdinand Hennerbichler)

پرۆفیسۆر فەردیناند هەنەربیشلەر لە ڕێکەوتی 03-11-1946 لە وڵاتی نەمسا لە دایکبووە.

هەرچەندە بە ڕەچەڵەک کورد نیە شارەزاییەکی زۆری هەیە لەسەر مێژووی گەلی کورد، دۆستێکی دڵسۆزی گەلی کوردە.

لە ساڵی 1965 تا ساڵی 1972 لەزانکۆی ڤیەننا مێژوو و زمان و فەلسەفە و دەروونناسی خوێندوە، هەروەها دکتۆرای لە فەلسەفەدا بە دەستهێناوە.

لە دوای خوێندن چووەتە ڕۆژهەڵاتی ناوڕاست و بووەتە دیپلۆماتی وڵاتەکەی.

لە دوای کاری دیپلۆماتی لە ساڵی 1985 دا بووەتە ڕۆژنامەوان و مێژووناس و نووسەر و چاودێرێکی ڕامیاری سەربەخۆ. هەروەها پەیوەندیشی لەگەڵ زۆری بەناوبانگانی گەلی کورد هەیە.

لە ساڵی 2012 دا بووەتە مامۆستای زانکۆ لە زانکۆی شاری سلێمانی. فەردیناند هەنەربیشلەر خاوەنی هەشت پەرتووک و چەندەها بەرهەمی جۆری ترە کە هەموویان باسی مێژووی گەلی کورد دەکەن یان بیرەوەرییەکانی خۆی لە کوردستان.

سەرچاوە: نالی پشدەری

بابەتە پەیوەستکراوەکان

• ئەنفال 1988 (ANFAL 1988)