جیاوازیی نێوان پێداچوونەوەکانی «نور ئەلی و مۆسیقا و پەرجۆ (موعجیزە)»

کاتێک چووم بۆ دانشاگی سۆربۆن، لە نهۆمی سەرەوە، لە باڵکۆنەکاندا دانیشتبووم، پاش ئەوەی کەسێک چەند پرسیارێکی ئاراستەی گۆرانی بێژ، لە هەمان کاتا سەرۆکی کۆنسێرتەکە کرد، پاشان گوێم لە مۆسیقایەکی ئێجگار سەرسوڕهێنەر بوو، خەڵکی ناو ساڵەکەدا کەوتبوونە حاڵەتێکی ئێکستازەوە، هەروا ئاسان نیە گوزارشت لەو حالەتە بکرێت بە ووشە ؛ هەستمان دەکرد وزەیەکی بێ ئەندازە لە ناخماندا دەیهروژاندین، تیاماندا کۆ بوبوەوە، ئارەزوی فڕینمان دەکرد، لە سەر ریتمی مەقامێکی ئازاد، جۆرێکی جیاواز لە مۆسیقای قادریەکان. بۆیە ژۆن دوریینگ ؛ میزۆکۆلۆگی فەرەنسی یارسانەکان بە بەرزرین ئاستی سپیریتوێڵی سۆفی گەری دەیانناسێنێت، هەر خۆشی بۆتە یەکێک لە یارسانەکان.

بە بیستنی ئەو ئاوازە، تەواو هروژابووم و ئۆقرەم لێ بڕابوو، کوتوپڕ لە باڵەکۆنەکانەوە بە خۆڕسکانە و بەتوندی دەستم کێشا بە یەکدا، بە بێ کۆنترۆڵ، لە دوورەوە بینیم وەک فیلمێکی سیحراوی، کە ئێستاکەش ئەو وێنەیەم لەبەر چاوە، کوڕەی گۆرانی بێژ سەری هەڵبڕی و تێی ڕوانیم، منیش ئەوی ڕاستی بێت، شەرمم لە خۆم کرد چونکێ خەڵکی ناو ساڵۆنەکەش هەرهەموویان لە هەمان کاتا بەیەکجار ئاوڕیان لێ دامەوە. ئیتر دوای ئەو چوپڵە خۆ ڕسکە، مۆسیقاکە کەوتە ڕیتم و دەف و هەژاندنمان.