کەمال رەئوف محەمەد - بابی لالۆ

کەمال ڕەئوف محەمەد ناسراو بە (بابی لالۆ) لە 17-01-1942 لە سلێمانی لەدایکبووە.

ڕۆژنەمەنووس (سەرپەرشتی ڕۆژنامەی هاوکاریی:1970) و ڕادیۆناس و وەرگێرو بێژەرو موخریج(سەرپەرشتی ڕادیۆ) و نوێنەری ڕادیۆ..لێ کۆڵی ڕۆشنیریی.

کەمال ڕەئووف محەمەد، وەک خۆی لە ل525 کتێبی گەڕان بۆ ڕاستیدا خۆی دەناسێنێ و دەڵێ:

(لە دایکەوە، حەفسە بەکر محێددین قەساب)، خوێندکاری دەست بەرداری بەشی درامای فێرگەی هونەر جوانەکانی بەغداد 1959-1960و 1960-1961. وەرگێڕ و ببژەر و یێکەم ڕێژەر و نوێنەری ڕادیۆی کوردی بەغداد 1966- 1982 (سەرۆکی ڕادیۆکە بۆ چەند مانگێک 1971).

سەرپەرشتی ڕۆژنامەی هاوکاریی (بۆ چەند مانگێک 1970)، سێ جار دووەخراو لە ڕادیۆدا(1975، 1978 و 1982)، دواجار بۆ دەزگای چاپ و بڵاوکردنەوەی کوردیی بەغداد، سلێمانی 1982، ڕۆژنامەنووسی گۆڤاری کاروان (1982-1986)، جانەنشین لەسەرداخوازی خۆی و بە بیانووی نەخۆشییەوە، (6-6-1986).

خاوەنی بەرنامەکانی ڕادیۆیی، دەنگی هونەر، چیرۆکی هەفتە، دنیای ئەدەب و هونەر، دنیای فۆلکلۆر، دیاری ئەمڕۆ، بۆ خۆشیتان، شەوچەرەیێکی کوردەواریی، سەدای چیرۆکی کوردیی، هاوار خاڵە ڕەجەب، ڕاپۆرتی مایکرۆفۆن، فەرهەنگی ڕۆشنبیریی، ڕۆژێ لە ڕۆژان (1966-1989).

خاوەندی یێکەمیین بەرنامەی هونەرمەندانەی تەلەفزیۆنیی، پەیامی هونەر، (تۆمارکردنی لە بەغداوە بۆ کەرکوک(1970-1973).

بابی دوو کوڕ و کچێکە(1965 کابانی هەڵبژاردووە).

بەرهەمە چاپ کراوەکانی:

• ببوورە-دراما-1961.چاپخانەی کامەرانیی.سلێمانیی
• بژی مرۆڤ-کورتە چیرۆک-1970.جاپخانەی سەلمانئەلئەعزەمیی.بەغداد
• مستەفا ساییب ئهستێرە گەشەی کورد-لێ کۆڵینەوە 1999.سلێمانیی
• هونەری درامایی ڕادیۆی کوردیی-لێ کۆڵینەوەو ئاشناکردن 2000سلێمانیی، دەزگەی سەردەم
• ئەدەبی نامە نووسینی کوردیی-لێ کۆڵینەوەو ئاشناکردن-3جزم.2004، هەولێر.دەزگەی ئاراس
• عەقیدەی ئیمان-عەقیدەی کوردیی، مەولانا خالیدی شارەزووریی نەقشبەندیی-کۆنترین دەستنووس 1819.لێ کۆڵینەوەو ئاشناکردن.2004.هەولیر.دەزگەی ئاراس
• دەستەوارەیێ نان بۆ مێزوو-لێ کۆڵینەوەی 17 بابەتی کوردیی.2004.سلێمانیی.وەزارەتی ڕۆشنبیریی
• باقة دراسات کوردیة-لێ کۆڵینەوەی کوردییە.2006.هەولێر.دەزگەی ئاراس
• گوتوبێژێکی دەگمەنی تۆفیق وەهبیی و خوێندنەوەیێکی ڕەخبەگرانە- وەرگرتن و تۆمارکردنی؛ ئەمیر حەسەن پوور، نووسینەوەیی و پەراوێزو خوێندنەوەیی؛ بابی لالۆ- کەمال ڕەئووف محەمەد، سلێمانیی 2011(لەگەڵ CDی گوتوبێژەکە)
• گەڕان بۆ ڕاستیی- لێ کۆڵینەوەو وردبوونەوە؛ بابی لالۆ - کەمال ڕەئووف محەمەد، سلێمانیی 2011(کۆمەڵێ لێ کۆڵینەوەی ڕۆشنبیرییە).
• ڕۆژێ لە ڕۆژان- گەڵالەکردن و تۆمار کردنی؛ بابی لالۆ - کەمال ڕەئووف محەمەد، سلێمانیی 2011(18ب دیمانیەی ڕادیۆیی و ڕۆژنامەنووسیی سهڵانی 1966- 2008ە).(لەگەڵ CDی 6 نموونەنەی دیمانەکان).
• مێژووی ئەدەبییاتی خۆرئاوا لە ئەدەبی کورددا- کۆکردنەوەو وردبوونەوەو لێ کۆڵینەوەی؛ بابی لالۆ - کەمال ڕەئووف محەمەد، سلێمانیی 2012

بەرنامەکانی لە تەلەڤزیۆنی بەغداو کەرکوک و ڕادیۆی کوردیی بەغداددا

• ئە-بۆ تەلەڤزیۆن
• ئاوێنەی شیعری کوردیی -تەلەڤزیۆنی بەغداد -شوباتی 1968
• پەیامی هونەر-تەلەڤزیۆنی کەرکووک:1970-1973
• بی-بۆ ڕادیۆ
• دەنگی هونەر-1966
• چیرۆکی هەفتە-1966-1967
• دنیای ئەدەب و هونەر 1967
• بۆ خۆشیتان-1967
• شەوچەرەیێکی کوردەواریی-1971- 1974
• سەدای چیرۆکی کوردیی-1971-1974
• هاوار خاڵە ڕەجەب-1971
• ڕاپورتی مایکرۆفۆن-1971
• دنیای فۆلکلۆر-1969
• فەرهەنگی ڕۆشنبیریی-1980
• ڕۆژێ لە ڕۆژان-1978-1989(بە دابڕاندەوە لە نێوان 2002-2007د1)
• سەدای چیۆکی کوردیی-1971-1963

سەرچاوە: دەوەن مەعروف

بابەتە پەیوەستکراوەکان:

ئەدەبی نامەنووسینی کوردی - بەشی 1