خواناس وریا گلی

خواناس وریا گلی لەدایكبووی ساڵی 2001ی چەمچەماڵە، خێزاندار بوو خاوەنی منداڵێک بوو بەناوی رامین تەمەن 3 ساڵ.

ئەو گەنجێكی شیكپۆش و بەڕەونەق بوو، هونەرمەندو شێوەكاربوو، لە ئاكاونتی خۆی لە تۆڕی كۆمەڵایەتی فەیسبوك نوسیویەتی "ئەكتەر، شێوەكار، پاڵەوانی كۆنگفو شاوڵین و یاریزانی هونەری جەنگی تێكەڵ) نازناویشم (پاشای شەقام)ە. خواناس گەنجێكی خوێندەوارو خاوەن فیكرو بیروڕای تایبەتی خۆی بوو، لە كوڕو سمینارو دانیشتنەكاندا قسەو رەخنەی تایبەتی خۆی هەبوو.

خواناس لە كاتی كوشتنی ماریا سام لە 10-03-2022 لە هەولێر، نوسیبوی: هیچ تاوانێك بایی ئەوە نیە تۆ رووح لە مرۆڤێك بسەنیتەوە، بیكوژیت.

ناكرێت هیچ كەسێك بكوژرێت لەسەر سەرپۆشلادان و جگەرەكێشان و ئایین گۆڕین، شانازی بەوەوە دەكەم بۆ یەك دەقەش چاوم نە نوقاندووە لە ناهەقی.

لە ڕۆژی 22-06-2023 نزیک کاتژمێر 5ی ئێوارە ماتۆڕسوارێک بە دەستڕێژی گوللە لەناو بازاڕی چەمچەماڵ تیرۆری کرد.

رۆژی هەینی23-6-2023، دەزگای ئاسایشی هەرێمی کوردستان دەستگیرکردنی تۆمەتباری کوژرانی خواناس وریای بە ناوی ( هـ، ک ، ع) راگەیاند و گوتی، تۆمەتبار لەدایکبووی 1995 و دانیشتووی چەمچەماڵە.

بابەتە پەیوەستکراوەەکان.

• شانۆگەری سێوی بیست و یەک
• چەند وێنەیەکی منداڵی خواناس وریا گلی