بەھمەن قوبادی

بەھمەن لە ساڵی ١٩٦٩ لە بانە لەدایکبووە. لە ساڵی ١٩٨١، ماڵیان چۆتە سنە، لەوێ بڕواننامەی دبلۆمی بەدەستھێناوە. لەپاشان چۆتە تاران، لەوێ بەشی لە کۆلێژی دەنگ و ڕەنگ دەستی بەخوێندنکرد بەڵام تەواوینەکرد.

بەھۆی کارە ھونەرییەکانییەوە ئەوا قوبادی ناتوانیت بچێتەوە ئێران، ھاوکات ڕێگری لە دایکیشی کراوە کە بچێتە لای، لەم بارەیەوە قوبادی وتوویەتی، «شەرم بۆ ئێوە (ڕێژیمی ئێران) کە ئیجازەی چوونەدەرەوەی دایکی ماندوو و زەحمەتکێشمتان نەدا، ھەتاکوو دوای ماوەیەکی دوورودرێژ، بیبینم. ئێوە زۆر لە مرۆڤایەتی و ویژدان بەدوورن. وەھا ڕێژیمێکی گەندەڵ، ترسنۆک و درۆزن، ڕێگایەکی جگە لە لەنێوچوون نییە. شەرم بۆ ھەمووتان.

بەهمەن خاوەنی یەک برا و یەک خوشکە بەناوەکانی (بتین و ناهید)..

لە سەرەتادا، قوبادی دەستیکرد بە وێنەگرتنی کورتە فیلمی ٨ ملیلمی. لە ساڵی ١٩٩١، یەکەم کورتە فیلمی بەناوی «ژ» وەکوو ژیان دەرھێنا، دواتر لە ساڵانی ١٩٩١ بۆ ٢٠٠٠ خەریکی دەرھێنانی کورتە فیلمی دیکە بووە. لە ساڵی ١٩٩٩، وەک یاریدەدەری دەرھێنەر عەباس کیاڕۆستەمی لە فیلمی (The Wind Will Carry Us) بەشداربووە.

لە ساڵی ٢٠٠٠، کۆمپانیای مژفیلمی دامەزراند لەپێناو بەرھەمھێنانی فیلم لەسەر نەتەوە جیاوازەکانی ئێران.

لە ساڵی ٢٠٠٠، فیلمی کاتێک بۆ مەستیی ئەسپەکان دەرھێنا کە بووە یەکەم کاری ئەو وەک دەرھێنانی فیلمێکی درێژ، ھەروەھا بووە یەکەم فیلمی بەرھەمھێنراوی کوردی لە ئێران،فیلمەکە بووە براوەی خەڵاتی کامێرای زێڕین لە فیستیڤاڵی فیلمی کان.

دوای ئەو فیلمە ئەوا لە ساڵی ٢٠٠٤، فیلمی کیسەڵەکانیش دەفڕن دەرھێنا کە بووە براوەی خەڵاتەکانی گلاس بیر و پیس فیلم لە فیستیڤاڵی نێونەتەوەیی فیلمی بەرلین، ھەروەھا بووە براوەی خەڵاتی گۆڵدن شێل لە فیستیڤاڵی نێونەتەوەیی فیلمی سان سێبەستیان.

لە ساڵی ٢٠٠٦، فیلمی نیوە مانگی دەرھێنا کە بووە براوەی خەڵاتی گۆڵدن شێل لە فیستیڤاڵی نێونەتەوەیی فیلمی سان سێبەستیان، لە فیلمەکە ھەریەکە لە ئەکتەرانی ئێرانی گوڵشیفتە فەراھانی، حەسەن پورشیرازی و ھەدیە تەھرانی ڕۆڵیان گێرا.

لە ساڵی ٢٠٠٦، لەلایەن (Index on Censorship) خەڵاتی خەڵاتی فیلمی ئێندێکسی پێدرا لەبەرامبەر بەشدارییە بەنرخەکانی لەبابەتی ئازادی ڕادەربڕین لە فیلمی کیسەڵەکانیش دەفڕن.[٩] لە ئەیاری ٢٠٠٩، خەڵاتی (Un Certain Regard) پێدرا کاتێک فیلمی کەسێک لە پشیلە ئێرانیەکان ھەواڵی نیە لە فیستیڤاڵی فیلمی کان نمایشکرد، فیلمەکە بە زمانی فارسییە و سەبارەت بە مۆسیقای قەدەغەکراوی لاوانی ئێستای ئێران.

لە ساڵی ٢٠١٥، بەھمەن دوو فیلمی بەڵگەنامەیی بەناوەکانی ئاڵای بێ وڵات و ژیان لەسەر سنوور دەرھێنا.

ئەو ئەکتەرە بەناوبانگانەی لە فیلمەکانی بەشداریان کەکاری دەرهێنانی بۆکردووە ..

مۆنیکا بیلۆچی ، گۆڵشیفتە فرهانی ، هەدیە تارانی ، حسن پور شیرازی ..چەندانی دیکە ..

بەرهەمەکانی بەهمەنی قوبادی وەک دەرهێنەر لە کورتە فیلم..

وەکوو ژیان ١٩٩١ کورتە فیلم

گوڵباجی ١٩٩١ کورتە فیلم

لە ڕوانگەیەکی دیکەوە ١٩٩١ کورتە فیلم

سەرباز "م. حوسەینی" ١٩٩٢ کورتە فیلم

تەنیا لە یەک نیگادا ١٩٩٢ کورتە فیلم

بەربان ١٩٩٢ کورتەفیلم

سەرتاشخانە ١٩٩٣ کورتەفیلم

پانتۆڵ ١٩٩٣ کورتەفیلم

کۆترەکەی نادر فڕی ١٩٩٤ کورتەفیلم

ئەو پیاوە ھات ١٩٩٥ کورتەفیلم

ژیان لە ناو مژ ١٩٩٥ کورتەفیلم

دیسان باران لەگەڵ گۆرانی ١٩٩٥ کورتە فیلم

سەربازێک بە ناو "ئەمین" ١٩٩٦ کورتە فیلم

وەکوو دایک ١٩٩٦ کورتە فیلم

ماسی خودا ١٩٩٦ کورتە فیلم

میوانی ١٩٩٦ کورتە فیلم

دەنگ ١٩٩٦ کورتە فیلم

ژین لە مژ ١٩٩٧ کورتە فیلم

گۆرانییەکانی کچانی دونیا ١٩٩٧ کورتە فیلم

کیوسکی تەلەفوون ١٩٩٧ کورتە فیلم

کاتێک بۆ مەستیی

لە کارەکانی بەهمەنی قوبادی وەک دەرهێنەر لە فیلمی ماوە درێژدا ..

_فیلمی هەرەبەناو بانگی (ساتێک بۆ مەستی ئەسپەکان )

_فیلمی ئاوازەکانی وڵاتی دایکم

_فیلمی بەجێهڵراو لە عێراق

_فیلمی کیسەڵەکانیش دەفڕن

کە لەساڵی 2004 بەرهەمی هێنا و بوو بە یەکێک لەباشترین هەر ناوازەکانی بەهمەنی قوبادی کە بو بە براوەی خەڵاتی گلاس بیرو پیس فیلم لە ڤیستڤاڵی نێودەوڵەتی بەرلین لە ئەڵمانیا و خەڵاتی گۆڵدن شانێڵ لە سان سپاستیان

_فیلمی نیووە مانگ کە ئەکتەری ناودار گۆڵشیفتە فرهانی

ڕۆڵی سەرکی تێدا دەگێڕا و بوە براوای خەڵاتی گۆڵدن شانێڵ لە ساڵی 2006 بۆ فیستیڤاڵی سان سباستیان ..

_فیلمی کەێسک لە پشیلەکانی وڵاتی ئێران هەواڵی نیە..

_فیلمی وەرزی کەرکەدەن

_فیلمی وڵاتی بێ ئاڵا.. ساڵی 2015

_فیلمی ژیان لە سەر سنور.. ساڵی 2015