فەهمی کاکەیی

فەهمی کاکەیی

ساڵی 1950 لە پارێزگای کەرکووک لەدایکبووە و هەر لەوێ لە ساڵی 1970 یانەی مامۆستایانی تەواوکردووە.

ساڵی 1971 لە ناوچەی کەندیناوەی سەر بە پارێزگای هەولێر بە مامۆستا دامەزراوە.

پاشانیش گوێزراوەتەوە پارێزگای سلێمانی و لە گوند و شارۆچکەکانی ئەوێ کاری کردووە.

سەرەتای نووسینی دەگەڕێتەوە بۆ ساڵی 1969، ئەو دەمە بە زمانی عەرەبی هەڵبەستی نووسیوە.

لە بواری شانۆدا وەک ئەکتەر کاری کردووە، لە تیپەکانی یەکێتیی هونەرمەندانی ئێراق و تیپی مەشخەڵ و کۆمەڵی هونەر و وێژەی کوردی لقی کەرکووک، چالاک بووە.

ساڵی 1974 لە شۆڕشی ئەیلول بەشداریی کردووە و لە گوندی ئۆمەرەگەدەی سەربە شارەدێی قەرەحەسەن مامۆستای شۆڕش بووە، هەروەها لە ئۆردوگای سەراوگەرم لە سەرپێڵی زەهاو.

ساڵی 1982 بەشداریی شۆڕشی گوڵانی کردووە و کارگێڕی لقی سێی پارتی دیموکراتی کوردستان بووە، بۆ ماوەیەکیش لە دەنگی کوردستانی ئێراقەو

ە بەرنامەی کاروانی شەهیدانی ئامادە و پێشکەش کردووە. لە ساڵی 1987 ەوە نیشتەجێی سوێدە و بۆ ماوەی 33 ساڵ وەک مامۆستای زمانی کوردی کاری کردووە.

شیعر و چیرۆک و شانۆگەریی و پەڕتووکی خوێندنگەی بە زمانەکانی کوردی و عەرەبی و سویدی نووسیوە، هەروەها چەندین زنجیرەدرامای نووسیوە و لە ڕادیۆی کوردیی بەغداوە پێشکەش کراون.

یۆتۆبۆری لە سوێد 2023، فەهمی کاکەیی و شانازی هاوسەری.

'لە پەڕتووکەکەکانی:'

• 1. شانۆگەریی ژان، وێنەی بەرگ: ئیسماعیل خەیات.
• 2. شانۆگەریی تەرم
• 3. شانۆگەریی تاراوگە
• 4. خوێنهەڵات (شیعری پێشمەرگایەتی)
• 5. مینای چاوجوان (چیرۆک بۆ مێردمنداڵان)، وێنەکان: کاکەیی زادە
• 6. گێلاس لە بەهاردا و چەند بەسەرهاتێکی تر لە کوردستانەوە (چیرۆکی منداڵان بە سویدی)، وێنەکان: کەمال عەلی ڕەزا.
• 7. ئەمە چییە چیی پێ دەڵێن، 1001 پرسیار بۆ مێردمنداڵان. وێنەکان: لێنا ڕوسێلل.
• 8. ڕۆژ باش، پەڕاوی ڕاهێنان بۆ فێربوونی ئەلفبێی کوردی. وێنەکان: ئێڤالۆتتا لیند، پێداچوونەوەی زمانەوانی: فەرهاد شاکەلی.
• 9. گەرمیان، پەڕتووکی خوێندنەوەی کوردی، بە هاوکاریی: مەهاباد قەرەداغی و ئەمجەد شاکەلی، پێداچوونەوەی زمانەوانی: فەرهاد شاکەلی. وێنەکان: ئاشنا ئەحمەد دەوڵەت.
• 10. باوەگوڕگوڕ، پەڕتووکی خوێندنەوەی کوردی، بە هاوکاریی: مەهاباد قەرەداغی و ئەمجەد شاکەلی، پێداچوونەوەی زمانەوانی: فەرهاد شاکەلی. وێنەکان: ئاشنا ئەحمەد دەوڵەت.
• 11. دیلان، پەڕتووکی خوێندنەوەی کوردی، بە هاوکاریی: مەهاباد قەرەداغی و ئەمجەد شاکەلی، پێداچوونەوەی زمانەوانی: فەرهاد شاکەلی. وێنەکان: تالیب ئۆزمانی و ئێڤالۆتتا لیند.
• 12. کراسێکی گوڵنێرگز بۆ نازێ. وێنەکان: تالیب ئۆزمانی. پەخشخانەی: ئاراس.
• 13 .ئەلفبێ پەڕاوی ڕاهێنان بۆ فێربوونی ئەلفبێی کوردی، وێنەکان: هیوا عەبدوڵلا کاکەیی.
• 14 .کوردی 1، پەڕتووکی خوێندنەوە و ڕاهێنان، پێداچوونەوەی زمانەوانی: فەرهاد شاکەلی. وێنەکان: هیوا عەبدوڵلا کاکەیی.
• 15 .کوردی 2، پەڕتووکی خوێندنەوەی کوردی، پێداچوونەوەی زمانەوانی: فەرهاد شاکەلی. وێنەکان: هیوا عەبدوڵلا کاکەیی.
• 16. کوردی 3، پەڕتووکی خوێندنەوەی کوردی، پێداچوونەوەی زمانەوانی: فەرهاد شاکەلی. وێنەکان: هیوا عەبدوڵلا کاکەیی.
• 17. کوردی 4، پەڕتووکی خوێندنەوەی کوردی، پێداچوونەوەی زمانەوانی: فەرهاد شاکەلی. وێنەکان: هیوا عەبدوڵلا کاکەیی.
• 18. ئەلفبێ پەڕاوی ڕاهێنان بۆ فێربوونی ئەلفبێی کوردی، گولێ باجلۆری کردوویە بە بادینی، وێنەکان: هیوا عەبدوڵلا کاکەیی.
• 19. کوردی 1، پەڕتووکی خوێندنەوە و ڕاهێنان، گولێ باجلۆری کردوویە بە بادینی، پێداچوونەوەی زمانەوانی: موئەییەد تەیب. وێنەکان: هیوا عەبدوڵلا کاکەیی.
• 20. کوردی 2، پەڕتووکی خوێندنەوەی کوردی، گولێ باجلۆری کردوویە بە بادینی، پێداچوونەوەی زمانەوانی: موئەییەد تەیب. وێنەکان: هیوا عەبدوڵلا کاکەیی.
• 21. مینای چاوجوان، (چیرۆک بۆ مێردمنداڵان)، سۆران زەکی کردوویە بە فینلەندی، وێنەکان: کاکەیی زادە.
• 22. پرسبڕکێ، کتێبی پێشبڕکێی پرسیاران بۆ منداڵانی قوتابخانە، وێنەی بەرگ: هیوا عەبدوڵلا کاکەیی

ئێستا هەر لە سوێد دەژی و خانەنشینە.

بابەتە پەیوەستکراوەکان

• بنکەی ڕادیۆی دەنگی کوردستانی عێراق 1984
• فەهمی کاکەیی عوسمان سەبری و عەبدولسەلام ئیبراهیم
• کەرکووک، شانۆگەریی دایکی شەهید ساڵی 1970
• فەهمی کاکەیی و فەلەکەدین کاکەیی
• موقەدەم عەزیز ئاکرەیی و فەهمی کاکەیی ڕاژان ساڵی 1984