پشتیوان نوری کەریم

ئەکتەری شانۆ و دراما (پشتیوان نوری کریم) لە ساڵی (١٩٧٧) لە شاری سلێمانی لە گەڕەکی (چوارباخ) لە دایک بووە، لە ساڵی (١٩٩٣) ژیانی هونەری لە پەیمانگای هونەرە جوانەکانی سلێمانی بەشی شانۆ دەست پێدەکات و بەشداری لە چەندین شانۆگەریدا کردووە لە سنوری پەیمانگادا، لە ساڵی (١٩٩٨) بە پلەی نایاب پەیمانگای تەواو کردووه و لە دوای پەیمانگاش بەشداری لە چەندین شانۆگەری تردا کردووە و پاشان لە هەردوو بەشی درامای (گەردەلول) ڕۆڵی بینیوە.

لە پەیمانگای هونەرە جوانەکان ئاشنای خانمە هونەرمەند (هەواڵ عوسمان) دەبێت و لە ساڵی (١٩٩٥) ژیانی هاوسەری لەگەڵ پێکدەهێنێت و خاوەنی دوو کچن بە ناوەکانی (کانی و لانی).

پشتیوان نوری لە تەمەنی (٤١) ساڵیدا و (٢٠١٨/١/١٦) بە هۆی جەڵدەی دڵ لە شاری سلێمانی کۆچی دوایی کرد.