ڕێوار ئاودانان
نووسەر و هۆزانەوان ڕێوار ئاودانان، ئەندامی کۆنسەی سەرۆکایەتی گشتی کەجەکە.
ڕێوار ئاودانان، خەڵکی شاری ئاودانان سەر بە پارێزگای ئیلام لە ڕۆژهەڵاتی کوردستانە.
لە کوردانی پەهڵەیی (فەیلی)ە. ساڵی 1980 زایینی (١٣٥٩ هەتاوی) لە دایک بووە.
لە زانکۆی کرماشان بەشی ئەندازیاری بیناسازی خوێندووتەوە.
لە 1999 هاوکات لەگەڵ گەلەکۆمەی نێودەوڵەتی لە دژی عەبدوڵڵا ئۆجەڵان، لە گەل هزری پەکەکە و بزاڤی ئازادیخوازی گەلی کورد ئاشنا بووە.
ساڵی 2004 بەشداری بزووتنەوەی ئازادیخوازی ئاپۆیی بووە. وەک ئەندامی مەجلیسی پژاک و دواتر وەک ئەندامی کۆنسەی سەرۆکایەتی گشتی کەجەکە ئەرکی ئەنجام داوە.
لە گۆڤار و ماڵپەڕەکانی جیاواز وتاری هەمە ڕەنگ و بەتایبەت سیاسی دەنووسێت.چەند پەرتووکی شێعر و هەڵبەستی هەیە ک بە زاراوەی کوردیی خوارین (پەهڵەیی- کەڵهوڕی- لەکی) نووسراون.
بابەتە پەیوەستکراوەکان