حەمە نوری عومەر کاکی

ساڵی وشوینی لە دایکبوون: 07-08-1955 هەڵەبجە

پلەی خوێندن وکارکردن: ساڵی 1970 خوێندنی سەرەتایی وناوەندی لە شاری هەڵەبجە.

ساڵی 1973 خوێندنی ئامادەیی لە شاری سلێمانی.

ساڵی 1974 یەک مانگ سەربازی وهەڵهاتن وپەیوەندیکردن بە شۆڕشی کوردە وە.

ساڵی 1975 تا ساڵی 1978 فەرمانبەر لە لقە کشتوکاڵییەکانی سەربە سەرۆکایەتی کشتوکاڵیی سلێمانی.

ساڵی 1978 تا ساڵی 1982 خوێندن، بەکالۆریۆس لە زمان وئەدەبی کوردیدا لە زانکۆی سلێمانی سەلاحەدین ڕاگوێزراو بۆ هەولێر.

ساڵی 1982 تا مانگی مارتی 1983 سەربازی هەڵهاتوو.

مانگی مارتی 1983 تا کۆتایی ساڵی 1984 مامۆستای زمانی کوردی لە ناوەندی زەڕایەن سەر بە بەڕێوەبەرایەتی پەروەردەی سلێمانی.

ساڵی 1984 بە هۆی سەرشۆڕنەکردن بۆ بەعسییەکان لە کاری مامۆستایی دەرکراوە.

خزمەتەکەی گوێزراوەتەوە بۆ بەڕێوەبەرایەتی کارو دابینکردنی کۆمەڵایەتی لە شاری سلێمانی.

ساڵی 1987 تا ساڵی 1989 خوێندن، ماستەر لە زمان وئەدەبیکوردیدا، بەشی کوردی، زانکۆی سەلاحەدین،هەولێر،کارنامەی ماستەر، شێواز لە شیعری کلاسیکی کوردیدا.

ساڵی 1990 تا 1992 ڕێگەی پێ نەدرا لە زانکۆ کار بکات گەڕاوەتەوە بۆ بەڕێوەبەرایەتی کارو دابینکردنی کۆمەڵایەتی لە شاری سلێمانی.

ساڵی 1993 تا کۆتایی ساڵی خوێندنی 1996 مامۆستای یاریدەدەر بەشی کوردی کۆلێجی زمان، زانکۆی سلێمانی لە ساڵی 1997ە وە لە کۆماری ئەڵمانیای فیدراڵ ژیانی بەسەر بردووە.

لە مانگی نۆڤەمبەری ساڵی 2005دا گەڕاوەتەوە بۆ کوردستان، لە بەشی کوردی، کولێجی زمان زانکۆی سلێمانی وەک. مامۆستای یاریدەدە کار دەکات.

لەمانگی کانوونی دووەمی ساڵی 2010 بڕوانامەی دکتۆرای (PHD) لە ئەدەبی هاوچەرخی کوردیداوەرگرتووە.

ناونیشانی دکتۆرا (شێوازی شیعری نوێی کوردی،1920- 1970) زمان : زمانی عەرەبی تاڕادەیەکی باش، زمانی ئەڵمانی، قسەکردن وخوێندنەوە وهەروەها زمانی فارسی، زانینێکی سەرەتایی لە زمانی ئینگلیزیدا.

کۆمپیوتەر : شارەزایی لە بەکارهێنانی کۆمپیوتەر وئەنترنێتدا، تا ڕادەیەکی زۆر باش.

نووسین : شێواز لە شیعری کلاسیکی کوردیدا، نامەی ماستەر، چەندین لێکۆڵین ونووسین لە گۆڤارو رۆژنامەکاندا بۆ نموونە : ڕامان ژ: 49،50 تەموزی 2000، زمانی کوردی وخێزانە زمانی هیندۆ ئەوروپی، گۆڤاری هاڤیبون ژ: 10 بەجیهانی کردنی مێدیای کوردی، ڕۆژنامەی پەیام هەندێ نوسینی دیکە لە ڕۆژنانەی هاوڵاتی وئاوێنە وهتد

بلاوکردنەوەی چوار توێژینەوەی زانستی لەگۆڤاری زانکۆی سلێمانی و زانکۆی گەرمیان.