کەژان ئەسەدی
کەژان ئەسەدی ناسراو بە فەرەنتی (کاراکتەری فیلمی هەنسکی ئاسمان) خانمە ئەکتەرێکی کوردە، لە ساڵی 1983 لە مەریوانی ڕۆژهەڵاتی کوردستان لە دایکبووە و بە ڕەچەڵەک هەورامییە.
کەژان دوای ڕۆڵ بینین وەک کەسایەتی فەرەنتی لە فیلمی سینەمایی هەنسکی ئاسمان لە نووسین و دەرهێنانی فیلمسازی کورد شەهرام قادر، پێناسەی ئەکتەرێکی جدی وەرگرتووە.
ئەسەدی پێشتر ڕۆڵی لە فیلمی بە پێی دەستوور لە دەرهێنانی مەڕحووم ڕەحیم زەبیحی بینیووە.
کەژان هەروەها لە چەند شانۆگەری کە تێیاندا ڕۆڵی ژن لە کۆمەڵگا و گرفتەکانی کەلتووری بەرجەستە ئەکات بەشداری سەرەکی هەبووە، وەک شانۆکانی: ئاژاکس، دوژمنی گەل، دیلکراوەکان و پاکیزە.
کەژان جگە لە ئەکتەری دەستێکی کارای هەیە لە کاری دیزاینی جلووبەرگی شانۆ و سینەما، هەروەها لە فێستیڤاڵی شانۆی سەقز خەڵاتی باشترین دێزاینەری ستێج و جل و بەرگی پێبەخشراوە.
ئەسەدی هەروەها دیزاینی جلووبەرگی فیلمی سینەمایی هەنسکی ئاسمان لە لایەن خۆیەوە ئەنجام دراوە.
ئەسەدی زاراوەکانی کوردی (سۆرانی و هەورامی) و فارسی بە باشی بە کار ئەهێنێت.
سەرچاوە: سینەماکارانے ڪۅردستان