بورهان یاسین
.jpg)
لە زمانی خۆیەوە ...
من له دایکبووی باشووری کوردستان (ساڵی ١٩٥٦)م. خوێندنی سه‌ره‌تایی و ناوه‌ندی و ئاماده‌ییم هه‌ر له کوردستان ته‌واوکردوون.
له شاری موسل خویندنی زانکۆم له ساڵی ١٩٨٠ به ئه‌نجام گه‌یاندووه. به‌ر له خویندنی زانکۆ زۆر حه‌زم به خوێندنی زانستی سیاسه‌ت ده‌کرد، به‌ڵام ئه‌وه نه‌لوا، له‌به‌ر ئه‌وه هه‌ڵبژاردن که‌وته سه‌ر خوێندنی زانستی مێژوو، که به باوه‌ڕی خۆم بابه‌تی هه‌ره نزیکه له زانستی سیاسه‌ته‌وه... خوێنه‌ری هێژا له یه‌کێ له بابه‌ته‌کانی دووتوێی ئه‌م ماڵپه‌ره هه‌ندێ گفتوگۆی به‌رچاو ده‌که‌وێ ده‌رباره‌ی ئه‌م په‌یوه‌ندیه چڕوپڕه‌ی ئه‌م دوو زانست و بواری مه‌عریفیه.
له ساڵی ١٩٨٢ کوردستانم جێهێشت به‌ره‌و هه‌نده‌ران، دوای ساڵێک مانه‌وه له ئێران، له ساڵی ١٩٨٣ هاتم بۆ سوید وه هه‌ر له‌وێ خوێندنی باڵام به پله‌ی دکتۆرا ته‌واوکرد وه دوای ساڵێك ژیانکردن له به‌ریتانیا، هه‌ر له سوید له زانکۆی لوند له ساڵی (١٩٩٦)ه‌وه خه‌ریکی لێکۆلینه‌وه و وانه‌گوتنه‌وه بووم... دوای ماوه‌یه‌ک له ته‌ندروستیه‌کی نادروست، ئێسته خه‌ریکی وانه‌وتنه‌وه‌م هه‌ر له زانکۆی لوند...
له ساڵانی ژیانم له سوید، که‌م یا زۆر به درێژی ماوه‌که، به پێی توانا ئاماده‌ییم هه‌بووه له بواری چاڵاکیه کولتوری و سیاسی و ئه‌وانه‌ی په‌یوه‌ندیان به کۆمه‌لگه‌ی مه‌ده‌نی کورده‌واری هه‌یه له ده‌ره‌وه‌ی وڵات، له‌مانه بواری چاڵاکی بۆ مافی مرۆڤی کورد، کارکردن بۆ به‌رهه‌مهێنانی کۆنگره‌یه‌کی نه‌ته‌وه‌یی شایسته و سه‌ربه‌خۆ وه هه‌روه‌ها بزووتنه‌وه‌ی رێفرانده‌م.
- ↑ سەرچاوە:https://burhanyassin.com/aAbout.htm