جەمال شادان

هونەرمەند جەمال شادان ئەندامی دەستەی دامەزرێنەری تیپی مۆسیقای سلێمانییە.

هونەرمەند جەمال شادان لە سەرەتایی شەستەکانی سەدەی ڕابردوودا ئارەزوو و خولیایی مۆزیک دەکەوێتە سەری و سەرەتا خۆی فێری ئامیری (دووزەلە) دەکات.

پاشان کە دەچێتە خانەی مامۆستایان کەمانچەیە دەکڕێت و لەسەر دەستی مامۆستایی کۆچکردووە (ولیەم یوحەننا) فێری نووسینەوە دەنگەکان و نۆتا دەبێت.

تا ئەو کاتەی دەبێتە مامۆستای سروود و مۆسیخا لە خوێندنگاکانی شاری سلێمانی.

جەمال شادان لەگەڵ هاورێکانی بەشداری هەموو بۆنە و ئاهەنگەکانی بووە هەروەها ئەندامی دەستەی دامەزرێنەری تیپی مۆسیقای سلێمانی بووە.

ناوبراو لە ئێستادا خانەنشینە و بەشداری کەم بۆتەوە لە بۆنەکاندا.