پرسەنامەی بافڵ جەلال تاڵەبانی بۆ بنەماڵە حاکم گەشاو

دەقی پرسەنامەكان:

بافڵ جەلال تاڵەبانی: خاتوو گەشاو محەمەد ئەمین یەكێك بوو لە دادوەرە دیارەكانی كورد

كۆچی دوایی دادوەری خانەنشین (گەشاو محەمەد ئەمین) خوشكی شەهید دڵشاد مەریوانی، لە دڵەوە نیگەرانیكردین.

‎بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی كەسوكار و بنەماڵە سەربەرزەكەیان دەیەم كە رۆڵێكی دیار و بەرچاویان گێڕاوە لەمێژووی خەباتی گەلەكەمان.

‎خاتوو گەشاو محەمەد یەكێك بوو لە دادوەرە بەئەزموون و دیارەكانی كورد، ساڵانێكی زۆر لە دادگاكان خزمەتی كرد و هەوڵی زۆر لەپێناو چەسپاندنی دادپەروەری و سەروەریی یاسا داوە.

‎خوای گەورە بە بەهەشتی بەرینی شادبكات و سەبووری بەهەموولایەك ببەخشێت.

‎دڵسۆزتان

‎بافڵ جەلال تاڵەبانی

‎سەرۆكی یەكێتیی نیشتمانیی كوردستان