نەوزاد شێردڵ
نەوزاد شێردڵ شێردڵی (ئيمپراتۆری تەنيايی) يا (مەحموود دەروێشه بێ نازەکه ی کورد) يا دووژمنەکەی شوهرەت و هتد، وەک هاورێکانی زۆر ناز ناوی تريشيان لێ ناوە، سالی 1964 لە گەڕەکە وەجاخ ڕوونەکەی کانی ئاسکانی سلێمانی و لە خێزانيکی مورا ل کۆکتێلی ئايينيی، عيلمانيی هاتۆتە ناو.... وەک خۆی وەسفی ئەکات ئەم دۆزەخە شيرينەی ژيانەوە لە سەر ڕاسپاردەی تەلەفونێکی مامی خۆی کاک ئەمين مەولوود ی کەسايەتی ناسراوی شارە کە ئەو دەم لە زانکۆيەکی ئەمريکی خوێندکاری باڵای ئيدارە و ئابووری بووە ناو ئەنرێت نەوزاد شێردڵی (جيوەی کەمولەی ئەدەب و هونەر !!) خەتمی قورئانی پيروز و علومە بەيسکەکانی صرف و نەحو بە سەرکەوتوويی لە حوجرە بە ناوبانگەکەی مەلا خدری کانێسکان و لە پاليشەوە خوێندنی سەرەتايی لە قووتابخانەی کانێسکان و نەورۆزو ناوەندی کۆماريی و دوا ناوەندی سلێمانی سەرکەوتووانە تر ئەبرێت و بە ئاواتی ئەوەی وەک قوتابييەکی کۆليژی پۆليس و دواجارييش وەک ئەفسەرێکی هاتوو چۆ بەرنامه يەکی ئەکاديمی بخاتە سەر شاشەی – تی فی – بەڵام هۆکاريی بەعسی نەبوونی کە خۆی ڕاشکاوانەو بێ خۆخەلەتاندن ئەلێت :- ئەگەر ئەمزانی ڕوژێک دێت وەک ئەمڕو جياوازيی بەعسی بوون و نەبوون تەنها وەک سمێڵ تاشين يا نەتاشين حيسابی بۆ ئەکرێت و بەس، ئەوا بە هەر دە پەنجەکەم مۆرم ئەکرد، و بە دزی — حەمە نمرە يەکی – باوکە تراديسيوناليزميەکەمەوه کە ووشەی عارەبيی لە مالەوەماندا قەدەغە کردبوو وەک دەيان هاوڕێ ی خۆشەوويستی دواجار ئەفسەرم لە بەر خاتری دەستەسرێک قەيسەرييەک ئاواتی خۆم نەئەکردە قەقنەس مەبەستی ئەو لە دڕاندنی ديپلومەکەيەتی بە دەستی ڕەفيق – ش – ی مەعاريفی دوێنيی شۆفينيزم و هەفاڵی تێکۆشەری ئەمڕۆی کوردينيزم،، کە به تەوسەوە پێی ئەڵێت دەبڕۆ با مامە شێخەکەی دارۆغات و مامە ماويزمەکەی مەنفای ڕوماديت بتکەنە ئەفسەر !!، کاک مەحمووودی فينوس و چەند کاديرێکی تری گرووپێکی ڕاگەياندنی ڕاپەرينی گەل ئەگێڕنەوە :- بەر لەوەی کاک شێردڵ بکرێتە لێپرسراوی ئەرزاقی ئەزمەر لە کۆرەوەکەدا، (بەره ی تێکوشەر) کردبوويە لێپرسراوی گرووپی ڕاگەياندنەکەی ئێمە و کاتێک بە سوودفە ڕەفيق – ش – ی تۆقيووی بە دەست کوڕو کيژيی چەکداريی نەوەی دەيان- حاجی ئەنوەری – پێشەنگی ڕاپەرينەوە بينی زۆر بە ئوسووڵەوه پێی ووت :- لە ئەرشيفی پەروەردەدا هەموو خەلفياتی ڕۆشنبيرێتم سۆراغ خواردو ديپلۆمی پۆلی پێنجی سەرەتاييشتم نەدی تا هەق بە هەق ئێستا منيش بيدڕێنم بەڵام بەم کامێرا کۆداکە وێنەيەکت ئەگرم و کە تۆخ بووەوە کەمێک لە تەڕايی ژێر زنجيريی پانتۆڵە زەيتوونيەکەت وورد بەرەوە و دواجاريش بڕۆ با ميتشيل عەفلەق بتکاتە فەراشی تربية شێردڵ کە هەر بە زگماکيی و بۆ ئەبەد هەميشە پاموورەی خەمە سوورياليەکان لە گوێيدا ئەزرنگێتەوه بە ڕەوشێک ئيدمانی خوێندنەوەو موتاڵا بووه هەڕەشەی چوار زرمەی دار حەيزەرانی مامۆستای ڕێزمانی عەرەبی پۆلی شەشەمی سەرەتايی ئەبێتە شاهيدی يەکەم سەرهەڵدانی پلووسکە خوری زيرەکيی ئەم مێرد منداڵه که بە هۆی نووسينی ئينشايەکی دوو لاپەڕەيی زۆر دەگمەن لە سەر بابەتی پەندەکەی (أتق شر من أحسنت أليه) و ئينجا تەرجەمە کردنيشی بۆ کوردی، سەرئەنجام لە نێوان سوێند لەم کە زادەی قەلەمی خۆيەتی و ئينکاريی مامۆستا کە گوايا باوکی بۆی نووسيبێت و دوای مفاوەزاتێک و پشتگيريی هەر يەک لە مامۆستايان — وليەم يوحەنا ئەفەندی کە سەرپەرشتکەری ساڵانێکی زۆر کاری هونەری ميوزيک و سروود و گۆرانی و مامۆستاو باووک – عەلی عومەر ئەفەندی – مێووژی ڕەشی نايابی قوڵينەی ئەمينی ووشەی پيرۆزی کوردی و دەستگريی کاری وێنەو خەت و شانۆ و م. ڕەووف عەلاف ئاوێزانی ڕێزمانی پيتی بە بەرەکەت و پاسەوانی پەڵە گەنم لە زێوانی سەحرا و، م. کەمال ئەفەنديي کە هەميشە ترافيکی سەوزی لە لايەن بەڕێوەبەری چاو نەترس و تا سەر ئێسقان کورد پەروەر – ئەحمەد مەعروف مۆرياسەوە بۆ هەڵکرابوو تا بە گرمەی ئەو سروودانەی کە هەزاران شێردڵی غەريب و سەدان شەهـيد و ئەديب و هونەرمەند و کادێر و سەرکردەو وەزير وديبلوم باڵای ئەمڕۆی هەرێمە فيدراڵەکەمان بە بێ هەڵکردنی ئاڵای عروبة ديسانەوە گشت سبەينانێک سەربازەکانی کارگەی جگەرەی زياتر ئەتۆقان، بەلی پشتگيريی ئەم منەوەرانە و چاوديريی بەردەوامی مامۆستاکانی تريش لە بەهرەی شێردڵی مێرد مناڵ هۆکارێکی گرنگ ئەبن لە گۆرينی ياسای چوار دارەکە بۆ چل نمرە بەخشيشی ئەو سەرەتا خۆ ناسينەی نەوزاد و لەوە بەدواش وەک هاندەرێک هێندەی تر بەرەو قووڵايی موتالای زياتر شۆڕی ئەکەنەوە،،/نەوزاد شێردڵ سەرباريی بەشداريی دانەبڕاوی هەموو چالاکييەکانی قوتابخانه هاوکات لە گەڕەکی دووەمی خۆيان – چوارباخ – چەندان کاری شانۆييان بۆ خەڵکی گەرەکەکە ئەنجام داوە و يەکەم بيرۆکەی شانۆی – قەرەج – ی لە ناو جەرگەی ڕەشماڵی قەرەجەکان خۆياندا وبە سيناريۆيەکی هاوچەرخانە لە تەمەنی هەژدە ساڵيدا بەرهەم دێنێت کە ئەگەرچی وەک شانۆنامەيەکی مۆڵەت پێدراو لە ئەرشيفدا نەپارێزراوه بەڵام بۆ کەسێک کە لە کورسيی ئەکاديميادا دانەنيشتبێت و ئەرکی پرۆفە پێکردنی زياد لە بيست ئاکتەری گەنج و عەشاماتێک قەرەج بگرێتە ئەستۆ و بە جۆرێک بەناو يەکدا تێکەڵيان بکات کە نە لە لايەن پۆليسەکان و ميوانەکانيشەوە نەزانرێت کامە ئاکتەرەو کامە قەرەجە ئەسڵەکە هەڵبەتە وەک هەنگاوێکی ئێجگار ئەکادييمی مەعريفيی هاوچەرخ، تەنانەت لە ڕووی کۆنترۆڵ و سايکۆلۆژييەتی کاری ئيداريشەوە بۆ سەرەتای هەشتاکان لەسەر وەستانێکی زۆر لە خۆ ئەگرێت کە زۆر لەم ئەرکەی کۆنترۆڵی جوگرافيای ستەيج و چەندايەتی ئاکتەرەوە زۆرمان لە نەوزاد شێردڵی سەربازی وونی زۆر بوار ديوە بە تايبەت شانۆگەريی – پسووڵەی گەڕانێکی خوێناوی لە هەردوو شاری شەمزينان و سلوپيای باکووڕی کوردوستان کە جگە لە ئەرکی نووسين و دەرهێنان و هتد.. کۆنترۆڵێکی ژيرانەی بەرنامەرێژی بۆ زياتر لە شەست و هەشت ئاکتەرو ئاپورەيەکيش لە کومبارسان و سوپايەک ستافی هەڵسوڕێنەری کارەکەی زۆر هارمۆنيانە و بێ هيچ شان لە شانی يەکتر کەوتنێک خوڵقاندبوو،، لەو کارانەی نەوزاد شێردڵی ڕۆشنبير و دڵسوزی نەتەوەکەمان و هاوڕێی سەرجەم ڕۆشنبيرانی گەلانی تر کە لێرەدا دەستی زاکيرەمان بە سەر تۆمار کردنياندا بشکێت، سەرباری کەم و کوڕی زۆرمان لە هەڵەی ناو ياخووت ڕێکەوت و شوێن ئەمانەی خوارەوەن کە وەک وەفايەک بۆ ئەم نووسەرو هونەرمەندە دەست و دڵ پاکەی کە بەردەوام و لە جاران بە گووڕ تر لە خزمەت کردندايەو لەوەش گەڕێين کە چ قەلەمێکی هەميشە هاندەر وپشت گيريی هەمووانە بێ جياوازيی و داواشمان لە ئێوەی خوێنەری ڕۆشبير ئەوەيە ئەگەر هەر تێبينی و گوزارشت و ڕاست کردنەوەی هەڵە و چالاکييەکی هەمە چەشنەی تری کاک نەوزادتان لا هەبێت ئاگادارمان بکەن، جێگای ڕيزو پێ زانينمانە :- پێشانگای دووەمی شيعر و وينەی فۆتۆگرافی ژيان و شۆڕشی مەليک مەحموودی حەفيد ساڵی 1986 هۆڵی مۆزەخانەی سلێمانی، شايانی ووتنە، ئەم پێشانگايە دوای چواردە ڕۆژی سەرلێو لە ميوان و پشتگيريی تەواوی بەڕێزان، مامۆستا شێخ نەوڕەس بە چاپ کردنی مۆدێرن ترين ديزاينی – سەدان دەليلی بێ بەرامبەری مادی و بەخشينی کاتيی – خەنجەر و تەزبێحەکەی حەزرەتی مەليک لە لايەن پايەدار کاک شیخ سالاری محامی و،، بەشداريی مامۆستای هونەرمەندی پەيکەرتاش شێخ موستەفای بەرزنجی بە باس و لێکوڵينەوەی بە نرخ بۆ ميوانان وکەشف کردنی وینەی ئەو پەيکەرە مەزنەی حەزرەتی مەليک کە دواجار تاوانبار لەتيف نصەيف جاسمی وەزيری ڕۆشنبيريی بە بيانووی لە برۆنز گرتنی برديە بەغدا و تێکی شکان، وە بەشداريی بە بايەخی بەرێز کاک فەرەيدوونی حاجی کەريمی بازرگان بە تابلۆيەکی ديواريی 150/130 سم،، هاوکاری زۆر بەرێزی تر کە کاک شیردڵم دەست نەکەوت تاکوو ناوەکانيان بزانم،، دواجارو لە ڕۆژی پانزەهەمدا لە لايەن – گەورە لێپرسراوی بەعس — بە ناوی ياسر – و جێگری بەڕيوەبەری ئەمنەوە هەموو تابلۆ و وێنەکان تێک شکێنران،
شانۆگەريی – دەهۆڵ و زوخاو – نووسين و دەرهێنان، هۆڵ و هونەرمەندانی تيپی ناسراوی ميليی سلێمانی،، جۆڵای 1985 3 – فيستيفاڵ و پێشبڕکێی باشترين بێژەری کوردو عارەبی عێراقيی/ پشت مايکرۆفۆن،/ ئاهەنگ/بێژەريی وەرزش/فوتباڵ،، هتد.. زاخۆ،/شێردڵ لەو پێشبرکێيەدا بە يەکەمی کوردوستان و سێيەمی عێراق دەرچووە، 1982 جون / 4 – نووسينی شانۆگەريی – ژەهر لە شووشەی گوڵاودا – دەرهێنانی هونەرمەند – عەباس ژاژڵەيی – 1987 ئەيـپرل، هۆڵ و هونەرمەندانی ناسراوی تيپی ميليی سلێمانی 5 – ئامادە کردنی شانۆگەريي — من مرۆڤم ؟ – هۆڵی ئامادەيی سلێمانی هونەرمەندانی تيپی ئاسۆ،/ ئــۆگەست،،1985 6 – ێيشانگای تايبەتيی يەکەمی – ووشە و ڕەنگ – بە هاوکاريی هونەرمەندی تەشکيليی جوانەمەرگ شەهيد نزار موحەمەدی برای هۆڵی مۆزەخانەی سلێمانی، بەهاری،، 1988، وە بە چاودێريی و پشتيوانيی تەواوی شەهيدی قەڵەمە سەرکەشەکان – دڵشاد مەریوانی هەميشە زيندوو،، 7 – سيناريۆ و نوسين و دەرهێنانی يەکەم کورتە فليمی کوردی ســۆراخ ئاسۆ و هونەرمەندانی تيپی ئاسۆ، فێبروەريی 1981 ئەم کورتە فليمە بەر لە کۆتايی لە بەشی ڕەقابەی ئەمن سووتێنرا،،،، 8 – نووسينی شانۆگەريی ڕاستی وون نابێت ئامادەيی ئەلکترۆنی سلێمانی دەرهێنانی فليمسازی لاو شێرزاد قادر ئەمين سێپتێمبەر/1987 9 – نووسينی زنجيرە درامای تەلەفيزۆنی — خـەندە و دوو لێوی ماتەم — جينيوەری 989 1، دوای ڕاپەرين دابەزيوە، بە ئومێدين ناوی دەرهێنەر بزانين کە هونەرمەندان، تەنها ناوی هونەرمەندی گەورە عومەر چاو شين و کاک جەمال شەريفمان لايە،، نووسين و دەرهێنانی شانۆنامەی — گۆرانی بۆ ئاشتی بڵی شانۆنامەيەکی پانتوميمی ئينگليزييە هۆڵی يونايتد چيرچ کيچنەر ئونتاريو، ئوکتوبەر 996 1 لە هەر نەيشنێک باشترين ئاکتەری ژن و پياو لە لايەن کاک شێردڵ خۆيەوە هەڵبژێردراوە و بۆ کەناڵی 40 ی برافۆی کەنەديي تۆمار کراوه بەشداری کورد پيانۆ ژەنی بە توانا – کاک ئەحمەد مەخمووريی بووە، خەڵاتی ڕەمزی دابەش کراوە و باشترين ئاکتەر کچە — پرۆفيشينالێکی بالييە ی چاينی بووه، نووسين و دەرهێنانی شانۆگەريی پسوولەی گەڕانێکی خوێناوی شەمزينان و سلوپيا،، ويلايەتی شەرناخی داگيرکراو نمايشەکە بە قەدپاڵی چيايەکەوە بووە لە ئاسمانێکی کراوەدا،، مارچی 992 1تيپی شانۆی لالۆ ڕەنجدەر، بە هاوکاريی چەند ئە کتەرێکی ناسراوی تيپی شانۆی شاخ، زۆر لە هونەر دۆستان و کامێرا مانی کوردو بێگانەی ئە مريکاو ئەوروپا وێنەيان گرتووه، لە ئە مريکا مونتاژ کراوەتەوه، جگە لە ئەکتەری کورد،، ئەکتەرانی عەرەب و تورکومان و کلد ئاشوور و هتد.. ژن و پياو بەشدارييان تيا کردوە و خەڵاتی — يو ئين — ی هەيە.
12 – سەرپەرشتی و بەشداريی پێشانگايەکی بەر فراوان،، تابلۆ/شيعر/پەخشان/ئيشی دەست/بەهرەی مناڵانی کورد/هتد.. مارچ 993، شاری سلوپيا، ئەتوانرێت بووترێت کە ئەم پڕۆژە هەرەوەزە ئێجگار دەگمەنە بۆ يەکەم جارە لەسەر خاکی باکوڕی کوردوستان چاو هەلبهێنێت و پێشتر هيچ جۆرە چالاکييەکی لەو ڕەوشە نەبينراوە، کۆمەڵەی ڕۆشنبيرانی کورد لە ديار بەکر بە مانشێتی گەورە باس لە گريانی خەست و بە کوڵی خۆيان ئەکەن،، ڕۆژنامەی وەڵات ئەو کاتە نووسيويەتی : – لە خەون ئەچوو، بچێتە پێشانگايەکی هێند مەزن و جگە لە کورديی بە سۆرانی و بادينی و لاتينی و زۆريک لە ئينگليزی چيتر ووشەيەکی توورکی نەبينێت !! والی شەرناخ بەر لەوەی پێشانگاکە بکاتەوە کومەڵێک قسەی ناشرين بە بەرێوەبەری ئەمن و حاکمی سلوپی ئەدات و مقەستەکە فڕی ئەداو ئەڕوات، نەوزاد شێردڵ بە هێمنی و بە ڕێزەوە مقەستەکە ئەداتە دەست مامۆستای مەزن سەيدا — لاوين — ی سەرۆکی شارەوانی و ئەو بە گريانەوە شريتەکە ئەبڕێت و بە دەنگی زۆر بڵندی شيعر خوێندنەوەش دێتە ناو هۆڵەکە،،زۆرن ئەوانەی بە بێ بوونی ئەوان لەوێ کارەکە نەدەکرا بە داخەوە ناوی زوربەيانمان لا نين،، بەڵام کاک شێردڵ خۆی کاتی خۆی کەمێک لەم باسە دواوە،، ئەو قەت هيچ
- ناڵێت و هەر گوێ بۆ ڕای ميوان و بينەر
- شل ئەکا، يا زۆر ئەڵيت و کەمی تێ ئەگەيت..
شێردڵ ووتی :- (هوڵێکی مەزنمان کرد بوو بە کومارەکەی ئەفلاتوون، هەموو کوردوستانی مەزنی تيا بوو، سەفيرەکانيش مەعلووم بوون کێن !! – فان کوخەکەی – بابە گوڕ گوڕ – مەحمود سيامەنسووريی/خاوەن پەنجە سيحراويەکه – ئازاد حەمە ڕە سول – / مامۆستا نزار ئەمين تەشکيليەکی ناسراو نەبوو کەچی دەستێک لە غەيبەوە دەيانی وەک ئەوی ئەجووڵان و هەر ڕەنگ بوو پەيامی ئەڕژاو هەر شيعر بووزمانی ئەپژا، سەبری بۆتانی قەڵەمەکەی ببووە کوڕی هەژدە ساڵی زاخۆ و فەرهاد کەريمی قەڵاو منارەش بە دێڕە هەنسک هانای بۆ ئەنوەر مەسيفيی ئه برد تا بێت و لەو کەرنەفاڵە میژووييه دا بەشدار بێت،، ئالانی کاکە ئەحه ی نووسەر لە تاوەرێکی بەرزەوە چاودێريی خه ونەکانی ئەکردين نەبا ناحەزێک بێت و لە ناخافڵدا لێمان بدزێت، ئاخر ناهەقی نەبوو، باشە خۆ ئەگەر خوا نەکردە کەسابەتی جاسوسيی نەمێنێت ئەوا چارەکێکی کورد لە برسا ئەمرێت،، بەهزاد کریم ئەمين پايەی ديوارێکی بە شيعر لەبغ کردبوو، پێشانگا نەبوو، نيمچە ئينتيحارێک بوو،،ئەوەندە ماچ کراين ئەوە شانزە ساڵە ڕوومەت و تەوێڵمان هەر سوورە سوور،، چالاکيی لەو جۆرە لە تورکيا زۆر بفەيە و کوڕو کچی خۆی ئەوێت، ئازادی حەمە ڕە سول تابلۆی مێرد مناڵێکی کوردی نەخشاندبوو سنگی خۆی دادڕيبوو، دڵی مناڵەکە وێنەی جوگرافيای کوردوستانی مەزن بوو،، ئەمنێک نەيکردە نامەرديی و لەبەر چاوی هەموومان و بە قەنناص فيشەکێکی پێوە ناو فراندمان بۆ خەستەخانە،، نەخێر وازيان نەهێنا و نەرويج خێرا ڕفانديان و ئێمەشيان زوو قووتار کرد) 13 – جگە لەوانەی سەرەوە نەوزاد شێردڵ بە سەدان نووسينی هەمە چەشنەی بە کوردييەکی پاراوو عەرەبی يەکی شارەزايانەو کەم کەمييش بە ئينگليزيی يەکی بەر ديکشنەريی نووسيوەو بڵاو کردوتەوه، بە تايبەت جيهانی سيسيولۆژی بە هەموو باڵە فراوانەکانيە‌وە،، شيعر، سی – دی بە ووشەو ئاوازەوە بۆ گۆرانی بێژان،، پەخشان،چیرۆک، فەلسەفه، هتد،، تەنانەت وەک ئارەزوويەکی ڕووحيی چەندان جار بە هاوکار لەگەڵ هاوڕێی زۆر نزيکی خۆی ئاواز و شيعری خۆيان و هەر بە دەنگی خۆشيان خستۆتە توێی ئەلبومێکەوه،، هاوکات هەر لەگەل گەيشتنی بۆ ووڵاتی کەنەدا لە پاڵ خوێندنی چەند کورسێکی شانۆدا ماوەی نزيکەی شەش ساڵ لەگەڵ تيپی شانۆی شەقامی ئاو – لە شاری کيچنەری سەر بە هەرێمی ئۆنتاريودا کاری کردووە کە ئێستا ناوی تيپی ناوبراو گوردراوە بۆ – تيپی شانۆی شەقامی مەليک –، ئەو ساڵانەی کار کردنی لە شانۆ و لە پاليشيدا چەند سالێک کاری – فولنتير – له بەشی مايکرۆ فليمی کتێبخانەی گشتی هەمان شار خۆی لە خۆيدا ئەزموونگەلێکی لە بار بوون تاکوو لايەنی کەم مرۆف لەو خوليا سەرەکيانەی تەمەنی دانەبڕيت، جا ئەگەر ئەو گونجان و لووانەی ڕابووردووی کۆشی نيشتيمانی داييک بو مرۆفێکی ئاسايي دووبارە بوونەوەيان وەک خەوييش هيندە مەحال بێت داخۆ بۆ نووسەر بە گشتيی و هونەرمەنديش هەر زۆر بە تايبەت ئەبێت بە بێ وويست و حەزی خۆی ڕۆژانە بەرەو ڕووی چەند ئاستەنگی ناهەمواری سايکيی و فيزيکيی ببێتەوە و تا چ ئاستیک لەو مل ملانێ ی خۆ ڕاگريەدا پشتی ئومێدەکانی نەدا لە زەوی ؟ ئەمە ئەو پرسيارە بوو کە دوای ڕێک خستنی ئەم مالپەرە بۆ ئەو هاوڕێ بەوە فايە‌ی لە زۆر نەهامەتييدا نەيهێشت پشتی زۆرمان بدرێت لە زەوی و بە قسە گەشبينەکانی داينەموی وورەمانی ئەکردەوه، بەڵام شێردڵ چ وەک وەسفەکانی سەرەوە و چ وەک کاديرێکی دە ساڵەی پارتی سەوزی کەنەدی کە خوشەوويستيی تەبيعەت و ئاژەڵ و جەرگ سووتانی بەم ئەتک کردنەی زەوی و ئاسمان بەرەو ئەو عيشقە سەوزەی بردووە، ئەوەتا هەر شیلگيرە لەسەر ئەو بڕوايەی کە ئەگەر لە بنکەدا بين يان لە لووتکەدا هيچ لەوە ناگورێت کە ئەم ژيانە دۆزەخێکی شيرينەو سەد هێندەی تريش پرووکێنەر بێت هێشتا حەز ناکەين چرکەيەک چيە زوو تر لە وەختەکەی خوی بە جيێ بـــ‌ـهێلين !!!! ئەی نابينيت چۆن هەرچی وە سيلەی دونيايه خستوومانەتە گەڕ بۆ غايـەتی چەند سالێک زياتر مانەوەمان ؟
تێیینی: ئەم نوسینە لە زمانی ئازاد حەمە ڕەسوڵ هاورێی نەوزاد شێردڵەوە وەرگیراوە.
https://www.youtube.com/watch?v=vBia2YjD6qg
http://www.penusakan.com/didw-terwanin/26185-2014-12-01-00-58-24
https://nawzadsherdl.wordpress.com/%D8%B3%DB%95%D8%B1%DB%95%D8%AA%D8%A7/