ئیبراهیم حەسەن گۆرانیی
ئامادەکردنی: مانو بەرزنجی
ئیبراهیم حەسەن گۆرانیی شارەزووری ئیمام و شێخ مەدینە، سەرۆکی شارەوانی (المسنەد) بووە.
زانا و لێکۆڵەر و شوێنەوارناسی و نووسەر لە مانگی شەوالی ساڵی 1025 لە دایکبووە.
لەگەڵ مامی بەرەو مەدینە گەشت دەکەن و لە شاری مەدینە نیشتەجێ دەبن لەگەڵ دەستەیەک لە زانایانی ناوداری ئەو دەمە دەبێتە هاوەڵ و هاورێو چاوی دەکەوێت بە بە زانایانی وەک (لەساقفی ئەحمەد کوڕی محەمەد ئەلقاشاشی، ئەبو ئەلمواهیب ئەحمەد کوڕی عەلی ئەلشیاناوی، مەلا محەمەد شەریف یوسف ئەلکورانی و عەبدولکەریم کوڕی ئەبی بەکر حسێنی ئەلکورانی لە دیمەشق هەروەها حافز ئەلنەجم محەمەد کوڕی محەمەد ئەلعەمیر و ئەبو ئەلعەزیم و سوڵتان ئەحمەد ئەلمزاهی و هەروەها محەمەد کوڕی عەلائەدین ئەلبابلی لەگەڵ عەبد ئەلباقی حەنبەلی.
مەلا ئیبراهیم حەسەن گۆرانیی شارەزووری دەبێتە مامۆستا و هەر زوو ناوبانگ دەردەکات بەبەهایەکی زۆرەوە خوێندکارانی وڵاتانی دووریشەوە خۆیان دەگەیانەدە مەدینە بۆ ئەوەی لە مەلا ئیبراهیم گۆرانیی شارەزوورییەوە فێربن مەلا ئیبراهیم لە مزگەوتی پێغەمبەری خوا خویندویەتی و مەلا ئیبراهیم زیاتر لە سەد کتێبی نووسیوە و یەکێک بووە لە چیایی زانین و مەعریفە و یەکێک بووە لە دەریاکانی زانستی عەقیدە. لێرەدا ئاماژە بەناوی چەند پەرتووکێک دەکەین بە زمانی عەرەبی:
- تكميل التعريف لكتاب في التصريف
- وحاشية شرح الأندلسية للقصيري
- وشرح العوامل الجرجانية
- والنبراس لكشف الالتباس الواقع في الاساس
- وجواب العتيد لمسئلة أول واجب ومسئلة التقاليد
- وضياء المصباح في شرح بهجة الأرواح
ناوبراو لە دوا نیوەڕۆی ڕۆژی چوارشەممە هەژدەی مانگی رەبیعی دووەمی ساڵی 1101 لە شاری مەدینە کۆچی دوایی دەکات و لە گۆڕستانی (ئەلبەقیع) بە خاکی سپێردراوە.