ئیبراهیم ئەحمەد

ئیبراهیم ئەحمەد لە1914.03.06 لەبنەماڵەیەکی ناسراوی شاری سلێمانی لەدایکبووه، رەمزی فەتاح کەئەفسەرێکی کورد بووەمامی مامۆستا ئیبراهیم ئەحمەد بووەو کاریگەری زۆری لەسەر رۆشنبیری بوونی برازاکەی هەبوو، هەربۆیەزوو رەوانەی قوتابخانەی دەکات.

ئەم کاریگەرییەی مامی تا قۆناغەکانی دواناوەندی خوێندنی ئیبراهیم نووسەر هەربەردەوام بوو، لەساڵی 1937 لەشاری بەغدای پایتەختی وڵاتی ئێراق کۆلیژی یاسا تەواودەکات.

ئیبراهیم ئەحمەد لەتەک نووسین کاری رامیاری کردووەو لەبەشداری چالاکی لەشۆڕشی ئەیلوولی کوردستانی باشوور بەسەرۆکایەتی مەلا مستەفای بارزانی کردووه.

هەر زوو مامۆستا ئیبراهیم ئەحمەد لەشاری سلێمانی گوێبیستی سروود و هۆنراوەی نیشتمانپەروەران و هەواڵی شۆڕشی شێخ مەحمودی نەمر بووه، هەروەها بۆردومانی شاری سلێمانی لەلایەن فڕۆکەکانی ئینگلیزەوەکاریتێکردووه، جگەلەو هەلوومەرجەتایبەتییەی ئەوکاتەی سلێمانی، (مامەڕەمزی)یشی رێبەرایەتی کردووەبۆ ئاشناکردنی بەخەباتی رزگاریی و نەتەوایەتیی. لەساڵانی سییەکاندا و لەگەڵ کۆمەڵێک خوێندکاری کوردی لەبەغدا گروپێکی پێکهێناوەبەناوی (لاوانی کورد) و گۆڤارێکیشی بەناوی (دیاری لاوان) بڵاوکردۆتەوه.

مامۆستا ئیبراهیم ئەحمەد بەدامەزرێنەری و لێپرسراوی (ژک) لەکوردستانی باشوور دەناسرێت، کەسەر بەمەڵبەندی کۆمەڵەی ژیانەوەی کوردستانی رۆژهەڵات بووه، کەسەروەری دامەزراندنی کۆماری کوردستان (مەهاباد 1946)ی هەیه، لەگەڵ هەڤاڵەکانیدا توانیبووی لەزۆر ناوچەی کوردستان لق بۆ (ژک) و پاشان بۆ (حدک) بکاتەوه.

پاش رووخانی کۆماری مەهاباد لەساڵی 1947دا ئیبراهیم ئەحمەد و لقی (ژک) لەپاش کۆبونەوەیەک بڕیاریاندا بچنەناو پارتی دیموکراتی کوردستان، مامۆستا ئیبراهیم ئەحمەد بەسەرۆکی لقی سلێمانی پارتی دیموکراتی کوردستان هەڵبژێرا.

لەساڵی 1948 پاش ئەوەی دەسەڵاتداری ئەو کاتەی ئێراق بەربووەگیانی شۆڕشگێڕانی کورد و پارتی دیمکراتی کوردستان، ئیبراهیم ئەحمەد بۆ ماوەی ساڵ و نیوێک بەندکرا. ئەو کاتەی ئازادکرا تا هەڵگیرسانی شۆڕشی 14ی تەمموزی ساڵی 1958ی ئێراق رێگایی خەباتی نهێنی گرتەبەر.

لەشوباتی ساڵی 1951 لەمیانەی کۆنگرەی دووەمی پارتی لەشاری بەغدا بەکۆی دەنگ کۆنگرەی پارتی ئیبراهیم ئەحمەدی بەسکرتیری گشتی پارتی هەڵبژارد. هەر لەمیانەی هەمان کۆنگرەدا لەسەر پێشنیازی ئەو ناوی (پدک) گۆڕا بۆ پارتی دیموکراتی کوردستان-ئێراق.

لەسەر کار و چالاکی رامیاری لەهاوینی ساڵی 1951 لەسلێمانییەوەبۆ کەرکووک گوێزرایەوه.

لەساڵی 1953 کۆنگرەی سێیەمی پارتی دیموکراتی کوردستان بەڕێبەرایەتی ئێبراهیم ئەحمەد کرا و لەم کۆنگرەیەدا دامەزراندنی یەکێیتی ئافرەتان و لاوان و قوتابیان پەسەندکرا.

لەساڵی 1961 ئیبراهیم ئەحمەد وەک سکرتێری پارتی دیموکراتی کوردستان و و سەرنووسەری رۆژنامەی خەبات کاری دەکرد، پێش داخستنی رۆژنامەی خەبات و هەڵگرتنی مۆڵەتی پارتی لەکۆتایی ساڵی 1961 ناچاربوو شاری بەغدا بەجێبهێڵێت و خۆی بشارێتەوه.

لەگەڵ هەڵگیرسانی شۆڕشی ئەیلوول رویکردۆتەشاخ و لەڕووی رامیارییەوەشۆڕشەکەی بەڕێوەبردووه. لەساڵی 1964 تا ساڵی 1971 سکرتێری باڵی نووسینەگەی رامیاری پارتی دیموکراتی کوردستان بووه، پاش هەرەسی شۆڕشەکەڕوودەکات هەندەران و زۆربەی ژیانی لەشاری لەندەنی پایتەختی بەریتانیا گوزەراندووه.

ژیانی وێژەییی و رۆژنامەوانی

ئیبراهیم ئەحمەد هەر لەسەرەتای ژیانییەوەدەستی داوەتەکاری نووسین و رۆژنامەوانی، هەربۆیەلەتەمەنی 18 ساڵیدا لەرۆژنامەی (ژیان) کاریکردووەو نۆبەری نووسینەکانی لەوێ بڵاوکردۆتەوه.

لەبەر شارەزایی نووسین حاجی تۆفیق (پیرەمێرد)ی شاعیر و خاوەنی رۆژنامەی ژیان لەنووسێنێکدا ستایشی ئیبراهیم ئەحمەدەکات و دەڵێت: "ژیان چاوەڕێی ئەم کوردییەڕەوانەیه، پیرەمێردیش بەهیوای نەوجەوانانە."

کاتیکێش خوێندن تەواو دەکات، دیسان پیرەمێرد باسی دەکات و دەڵێت: "لەخوێندەوارەهەڵبژێردراوەکانمان ئیبراهیم ئەحمەد کەکۆلێژی مافی تەواوکردووه.. هتد."

لەساڵی 1939 بۆ ساڵی 1949 لەگەڵ مامۆستا عەلائەدین سەجادی گۆڤاری (گەلاوێژ) دەردەکەن، هەربۆیەناچار دەبێت لەساڵی 1944 دەست لەکاری میریی هەڵبگرێت.

پاش سەرکەوتنی شۆڕشی 14ی تەمموزی 1958 مۆڵەتی بڵاوکردنەوەی چەند ژمارەیەکی گۆڤاری رزگاری پێبەخشرا و هاوکاتیش بەرپرسیارێتی رۆژنامەی (خەبات)یش دەکرد.

ئیبراهیم ئەحمەد بێجگەلەو رۆژنامانەش خاوەنی رۆژنامەی (کوردستان)یش بوو، کەجەلال تاڵەبانی زاوای سەرنووسەری بووه. بەهۆی بڵاوکردنەوەی وتارێکی بەڕووی دەسەڵاتدارانی ئێراقدا، خەبات و کوردستان لەساڵی 1961 داخران و فەرمانی زیندانیکردنیش بۆ ئیبراهیم ئەحمەد دەرچوو.

لەگۆڕەپانی وێژەشدا ئیبراهیم ئەحمەدی نووسەر و پارێزەر چەندین کاری بەنرخی نووسیوە، ئەویش بەچەند شاکارێکی بەنرخ وەک (ژانی گەل، کوێرەوەری، دوا تیری کەوان و هتد).

نامێلکەی (الاکراد و العرب)یش کەلەساڵی 1937 بەعەرەبی نووسیوێتی هەوڵێک بووەبۆ رێکخستنی پەیوەندیی نێوان کورد و عەرەب لەوڵاتی ئێراقدا.

ئیبراهیم ئەحمەد لەتەمەنی 86 ساڵییدا لەکاژمێر 5ی ئێوارەی 2000.04.08 لەشاری لەندەن کۆچی دواییکرد و تەرمەکەی گوێزرایەوەبۆ شاری سلێمانی و هەر لەو شارەش نێژرا.