پەیڤەکان لەگەڵ نووسەر دەپەیڤن

کۆمەڵێک هەڤپەیڤینی دووردودرێژی لەخۆگرتووە، کە رابەر فاریق نووسەر و شاعیری لاو، لەگەڵ چەند نووسەرێک سازیکردووە.

ئەم کتێبە لە (253) لاپەرِەی قەبارە (23×33)دا لە لایەن بەرِێوەبەرایەتی چاپ و بڵاوکردنەوەی سلێمانی بەتیراژی (500) دانە چاپ و بڵاوکراوەتەوە، بەم دواییانە کەوتە بەردیدی خوێنەران.

کاری نەخشەسازی بەرگی ئەم کتێبە لە لایەن جەبار سابیر و کاری نەخشەسازی ناوەوەی لە لایەن چۆمان عادل کراوە.

پێشەکی بۆ ئەم کتێبە لە لایەن چیرۆکنووس و رۆماننوس جەبار جەمال غەریب نووسراوە، لە دەستپێکیدا دەڵێت "هێما بەرجەستەکانی ئینسان، شێوەی چاو و دەم، لاق و دەست و رەنگی پێست، مانای تایبەت دەبەخشن، بۆ بەرانبەر هەندێک لە کۆدەکان ئاشکرا دەکەن، بەڵام کورد زۆر وەڵامی ئەو کۆدانە رەت دەکاتەوە و دەڵێت: (کاڵەک بە رەنگ نییە)، واتە ئەو کاڵەکە نەخشدرا و رەنگاورِەنگە، نهێنییان لە ناخی خۆیاندا حەشارداوە، دەبێت بشکێنرێن، تا تەواو بیاناسین".

لەم کتێبەدا، رابەر فاریق لەگەڵ هەریەک لە د.هاشم ئەحمەدزادە نووسەر و مامۆستای زانکۆ، کەریم دەشتی شاعیر و نووسەر، محەمەد رەحیم نووسەر و رەخنەگر، رەزا عەلی پوور نووسەر و شاعیر، کاروان کاکەسوور نووسەر و رۆماننووس، نووسەر بەکر عەلی و نووسەر موراد ئەعزەمی، دواوە.