داڕێژە:Chawram
شوکری فەزڵی شوکری فەزڵی کوڕی مەحموود ئاغای کوڕی ئەحمەد ئاغایە کە لە سلێمانی ژیاوە و بە رەچەڵەک خەڵکی شاری سنەیە.
ساڵی 1882 لە گەڕەکی فەزڵ لە شاری بەغدا لە دایکێکی عەرەب لەدایک بووە، لە تەمەنی منداڵیدا سەید ساڵحی خاڵی، کە کارمەندێکی گەورەی دەوڵەتی عوسمانی بوو ھێناویەتە سلێمانی و لەوێ خراوەتە بەر خوێندن.
شوکری فەزڵی، شاعیر و نووسەر و وەرگێڕێکی کورد بووە.
شوکری فەزڵی بە کوردی و تورکی و عەرەبی و فارسی شیعری نووسیوە.
شوکری فەزڵی نزیکەی 30 ساڵ لە سلێمانی ماوەتەوە و ئاشنایەتییەکی زۆری لەگەڵ شاعیران و ڕووناکبیرانی ئەو سەردەمەدا پەیدا کردووە. لە قۆناغی خوێندندا ھاوپۆلی شێخ مەحموودی حەفید بووە. لە ساڵی1922بە فەرمانی بەڕێوەبەری گشتیی مەعاریف، شوکری فەزڵی لەگەڵ تۆفیق وەھبی و دوو کەسی تردا ئەرکی وەرگێڕانی کتێبی قوتابخانەکانیان پێ سپێردراوە، کە لە عەرەبییەوە بیکەن بە کوردی.
لە ژیانی فەرمانبەریدا گەلێ پۆستی پێسپێردراوە، لە ڕۆژنامە و گۆڤارە عەرەبییەکاندا بەردەوام وتار و نووسینی بڵاوکردووەتەوە، لە رۆژنامەی (تێگەیشتنی ڕاستی)دا، کە (مێجەرسۆن) لە بەغدا دەری کردووە شوکری فەزڵی ڕۆڵێکی گەورەی بینیوە. بە یەکێک لە ڕوناکبیرە ھەرە بوێر و چاونەترسەکانی سەردەمی خۆی دادەندرێت.
باشترین بەڵگەش شیعرە بەناوبانگەکەیەتی کە ساڵی 1923 پێشکەشی شێخ مەحمودی کردووە، شەڕە شیعرەکانیشی لەگەڵ شێخ ڕەزای تاڵەبانیدا کەلێنێکی گەورەی پڕکردۆتەوە، شاعیر و نووسەر و وەرگێڕێکی کورد بە کوردی و تورکی و عەرەبی و فارسی شیعری نووسیوە.