عەباس ئەبو شوارب

عەباسی ئەبو شوارب لەساڵی 1937 لەشاری سلێمانی لەدایکبووە و یەکێکبووە لەکەسایەتییە ناودارەکانی سلێمانی.

ناوبانگی عەباس تەنیا بەهۆی كەبابەكەیەوە نەبووە، بەڵكو ئەو بە قسە خۆشەكانی و هەستە نیشتمانپەروەرییەكانی زیاتر سەرنجی خەڵكی بۆلای خۆی راكێشاوە.

لە ئاهەنگەكانی جەژنی نەورۆزدا بە جلی كوردییەوە نمایشی دوانزە سوارەی مەریوانی كردووە.

چەند ساڵێك پێشمەرگایەتی كردووەو لە چەند كارێكی هونەریشدا بەشداریی كردووە.

تا ئەو كاتەی تووشی نەخۆشییەكی سەخت دەبێت لەسەر پیشەی كەبابچێتی بەردەوام بووەو ساڵی2014 لە سلێمانی كۆچی دواییكردووە.