17-01-2024
كۆمكاری عه‌ره‌بی له‌باره‌ی هێرشه‌كه‌ی سه‌ر هه‌ولێر كۆبونه‌وه‌ی بەپەلە ئه‌نجامده‌دات
عێراق لەڕێگەی وەزارەتی دەرەوەی وڵاتەکەیەوە داوای لە کۆمکاری عەرەبی کرد دانیشتنێکی بەپەلە بۆ سه‌ركۆدنه‌كردنی هێرشی ئێران بۆ سەر هەولێر ئەنجامبدات.
وەزارەتی دەرەوەی عێراق لە بەیاننامەیەکدا رایگەیاندوە، "عێراق داوای لە ئەنجومەنی کۆمکاری عەرەبی کردوە ئه‌مڕۆ چوارشەممە دانیشتنێکی بەپەلە ئەنجامبدات بەمەبەستی شەرمەزارکردنی بۆردومانەکەی ئێران کە شاری هەولێری كرده ئامانج له شه‌وی 15ی ئه‌م مانگه‌دا و بوه‌هۆی شه‌هیدكردنی چوار هاوڵاتی مه‌ده‌نی و برینداربونی شه‌ش هاوڵاتی دیكه".
ئاماژه‌ی به‌وه‌شكردوه، دانیشتنەکەی كۆمكاری عه‌ره‌بی بۆ راوێژ و هەماهەنگی و سه‌ركۆنه‌كردنی هێرشەكه‌ی ئێران بۆ سه‌ر هه‌ولێر بەڕێوەدەچێت.
ئەمڕۆ چوارشەممە، سه‌رچاوه‌یه‌ك له نوسینگه‌ی مه‌سرور بارزانی، سه‌رۆك وه‌زیرانی هه‌رێمی كوردستان له داڤۆسه‌وه، رایگه‌یاند، هه‌ریه‌كه له مه‌سرور بارزانی و محه‌مه‌د شیاع سودانی، سه‌رۆك وه‌زیرانی عێراق كۆبونه‌وه‌كه‌یان له‌گه‌ڵ حسێن ئه‌میر عه‌بدولله‌هیان، وه‌زیری ده‌ره‌وه‌ی ئێران هه‌ڵوه‌شانده‌وه كه بڕیاربو له په‌راوێزی كۆنفرانسی داڤۆسدا ئه‌نجامی بده‌ن.
کاتژمێر 11:30ی شه‌وی دوشه‌ممه (15ی 1ی 2023) سوپای پاسدارانی ئێران بە چەندین موشەکی بالیستیکی چەند ناوچەیەکی سڤیلنشینی هەولێری بوردومان کرد و به‌هۆیه‌وه چوار هاوڵاتیی سڤیل شەهیدبون و شەش هاوڵاتى دیکەش برینداربون.
ئاژانسی هەواڵی فەرمی ئیرنا لە زاری پاسەوانانەوە لە بەیاننامەیەکدا رایگەیاندوە، "بارەگایەکی سیخوڕییان تێکشکاندوە" و "کۆبونەوەی گروپە تیرۆریستییە دژە ئێرانییەکان" لە هەولێر.
دەسەڵاتدارانی هەرێم پشتڕاستیان کردەوە کە لانیکەم "چوار مەدەنی" کوژراون و شەش کەسی دیکەش برینداربون، "دۆخی بەشێکیان ناجێگیرە".[١]
...
گەڕان بەدوای تەرمی دایەنی منداڵەکەی پێشڕەو دزەیی بەردەوامە
زیاتر لە 30 کاتژمێر بەسەر هێرشەکەی سەر ماڵی پێشڕەو دزەیی تێپەڕیوە و تا ئێستا تەرمی دایەنی کچە تەمەن 11 مانگانەکەی نەدۆزراوەتەوە.
بەپێی زانیارییەکان، ئەمڕۆ چوارشەممە بۆ دووەمین رۆژ گەڕان بەدوای تەرمی ئەو کەسانەی لەژێر داروپەردووی خانووە رووخاوەکەی پێشڕەو دزەیی بەردەوامە و تا ئێستا نەتوانراوە تەرمی دایەنی کچە تەمەن 11 مانگانەکەیان بدۆزرێتەوە.
هەر بەپێی زانیارییەکان، گوماندەکرێت تەنها تەرمی میشێل کە ئافرەتێکی بە رەگەز فلیپینییە و دایەنی ژینەی تەمەن 11 مانگ بووە لەژێر داروپەردووی خانووە رووخاوەکەدا مابێتەوە و پرۆسەی گەڕان بەدوایدا بەردەوامە.[٢]
...
سه‌نته‌ری میترۆ به هاوكاری رێكخراوی پاڵپشتی میدیایی نێوده‌وڵه‌تی پێشێلكاریه‌كانی به‌رامبه‌ر به رۆژنامه‌نوسان له 2023دا ئاشكراده‌كرێن
سه‌نته‌ری میترۆ به هاوكاری رێكخراوی پاڵپشتی میدیایی نێوده‌وڵه‌تی، ئه‌مڕۆ راپۆرتی ره‌وشی ئازادی رۆژنامه‌نوسی له هه‌رێمی كوردستان بۆ ساڵی 2023 بڵاوكرده‌وه و به‌گوێره‌ی راپۆرته‌كه‌ش له‌ساڵی رابردودا، 37 حاڵه‌تی ده‌ستگیركردنی رۆژنامه‌نوس به‌بێ بڕیاری دادگا تۆماركراون.
به‌گوێره‌ی راپۆرتێكی راپۆرتی ره‌وشی ئازادی رۆژنامه‌نوسی له هه‌رێمی كوردستان بۆ ساڵی 2023، كه ئه‌مڕۆ له شاری سلێمانی و له مه‌راسیمێكدا له‌لایه‌ن سه‌نته‌ری میترۆ به‌هاوكاری رێكخراوی پاڵپشتی میدیایی نێوده‌وڵه‌تی خرایه‌ڕو، 134 حاڵه‌تی رێگری و جیاكاری، 37 حاڵه‌تی ده‌ستبه‌سه‌ركردن به‌بێ بڕیاری دادگا له‌ساڵی رابردودا تۆماركراون.
هه‌ر به‌گوێره‌ی راپۆرته‌كه، له ساڵی 2023دا، 38 حاڵه‌تی زه‌وتكردنی كه‌لوپه‌لی رۆژنامه‌نوسی، چوار حاڵه‌تی هێرشی ئه‌لیكترۆنی، 27 حاڵه‌تی هێرش و هه‌ڕه‌شه و سوكایه‌تی، 2 حاڵه‌تی شكاندنی كه‌لوپه‌لی رۆژنامه‌نوسی تۆماركراون.
سه‌باره‌ت به ده‌ستگیركردنیش به‌ده‌ر له بڕیاری پێنج حاڵه‌تی ده‌ستگیركردنی رۆژنامه‌نوس به‌ده‌ر له یاسای رۆژنامه‌نوسی، دو حاڵه‌تی هه‌ڵكوتانه سه‌ر ماڵی رۆژنامه‌نوس[٣]
- ↑ سەرچاوە: https://www.xendan.org/
- ↑ سەرچاوە: ئاوینە
- ↑ سەرچاوە:www.xendan.org