بازید

بازید یان کوردەوا (Bazîd an jî Kurdava) شارێکە لە پارێزگای ئاگری لە باکووری کوردستان .

ژمارەی دانیشتووانەکەی نزیکەی92 هەزار کەسە، ڕووبەری زەویەکەی2383 کیلۆمەتر دووجایە . شارۆچکەکە 93 کم لە ڕۆژهەڵاتی ئاگری دوورە .

کۆشکی ئیسحاق پاشا و گۆڕی ئەحمەدی خانی و وێرانەکانی مەدرەسەی خانی و شازادەی بەناوبانگی کورد هێفتبێلا (Heftbela ) لێرە هەڵکەوتوون.

ناوێکی دیاری بازید لە ئەدەبیاتی زارەکی و نووسراودا هەیە .

پێش ئەوەی زانیاری لەسەر میرادخان بدەین، با کەمێک باسی شارەکەی بازید بکەین و بزانین ڕۆڵی ئەم شارە لە بواری نووسەرانی کورددا، تایبەتمەندی تایبەتی خۆی هەیە لە مێژووی ئەدەبی کوردیدا. چەندین شاعیر و نووسەری کورد گەیشتوونەتە مەدرەسەی بازید . کورد ناوی ئەم شارەی ناوە بازیدەکسە یان بەکورتی بازید. بەڵام تورکەکان وەک هەموو گوند و شارۆچکەکانی کوردستان ناوی شارەکەیان گۆڕی و کردیان بە دۆکسوبەیازیت.

بازید شارێکی زۆر کۆنی کوردستانە. دەچێتە باشووری ڕۆژئاوای چیای ئاگری . شارە کۆنەکە دەکەوێتە دۆڵێکی تەسک و پێنج کیلۆمەتر لە شارە نوێیەکەوە دوورە. وێرانەکانی سەرایای ئیسحاق پاشا لە نێوان ئەو دوو شارەدا هەڵکەوتووە. دوای جەنگی جیهانی دووەم، شارە نوێیەکە پەرەی پێدرا و شارە کۆنەکە وێران بوو.

تایبەتمەندی بازید بۆ کورد ئەوەیە کە دوای ئەوەی ئەحمەد خانی لەوێ نیشتەجێ بوو، شارەکە بوو بە ناوەندێکی فەرهەنگ و ئەدەبی کوردی. لە مەدرەسەی ئەحمەد خانی چەندین نووسەر و شاعیر و نووسەری کورد بەشدارییان کرد. یەکێک لەو کەسە بەناوبانگانەی لەم مەدرەسە خوێندوویەتی و بەناوبانگ بووە میرادخانە . جگە لە میراد خان، شاعیری نووسەرانی دیکە کە گەیشتوونەتە مەدرەسەی بازید بریتین لە ئیسماعیل بازیدی و مێلێ مەحمود بازیدی و خەلیف یوسیف .